اسم السجين (اسم الشهرة) : احمد سعيد

النوع الاجتماعي : ذكر

تاريخ تحرير أو نشر الرسالة : 1/25/2016

السن وقت الاحتجاز: غير معلوم

الوظيفة – نشاط بالمجال العام: طبيب

مكان احتجاز المرسل : منطقة سجون طرة

يا رسايل الحُرية جُوّه السِّجن

يارسايل الحُرية جُوّه السِّجن هربانة من القضبان كام يوم ويِنسُونا..
يا أسامي سبقتنـا في كَشْف الدّين.. -سنة، وسَنَتين- بالصُحبة واسونا..
يامخوّف السَّجان.. السِّجن للجِدعان..
لو حَتى كُنت -يادُوب- جَرَس معيوب في إيد الحقّ أنا برضه مش ندمان..
قال السجين للحجر مهما تدور الايام الحر لاينكسر ولا يتملكله زمام وقفت ليه يا زمن؟!
خايف من السجان؟! اللي في خوفه اتسجن.. هوا اللي هان وإتهان وأنا اللي خوفي اندفن ..
في خيمة في الميدان وقفت ليه يازمن؟! امشي ورا الجدعان
وقف النهار ع العتب.. والليل ملي الزنازين وانا قلبي ياللعجب
نورلي و السجينات والسجناء قلب السكوت بقي طرب.. غني الجنائي حزين و اللي اتعجن بالشغب..
غنالنا مش ناسين – مفيش مكان للنوم.. لا في قلبي ولا ع الأرض مجهول تاريخ اليوم..
معلوم تاريخ العرض مزيكا قال مظلوم… و تبنا قال بطلت فتحوا علينا البوم ..
عبدالله دفع الفرض “الحر مهما اتحكم اقوي من الحكام يانظره قلقانه في عيون حبايبي كل حاجه تمام