اسم السجين (اسم الشهرة) : امام فؤاد

النوع الاجتماعي : ذكر

تاريخ تحرير أو نشر الرسالة : 5/13/2014

السن وقت الاحتجاز: غير معلوم

الوظيفة – نشاط بالمجال العام: –

مكان احتجاز المرسل : منطقة سجون/تأهيل وادي النطرون

430 بوادى النطرون

< 430 بوادى النطرون > ..
430 بوادى النطرون
التهمة إرهابى كما تعلمون
بداية 2014 يوم 25 يناير اللى فات
خرق قانون التظاهر و حيازة متفجرات !!
شعارات مسيئة للنظام !!
تكدير السلم العام !!
قطع طريق و إشتباكات مع الأهالى
مولوتوف و حريق و إستخدام سلاح ألى !!
و قبل ما أنسى حاجه و أعدى
غالبا و على ما أظن
مكتوب فى المحضر قام بالتعدى
على أفراد الشرطة و قوات الأمن
المهم دخلت السجن
و بعد التشريفة و العلقة النضيفة
و الضرب و الكسر
حلاقة ظريفة
و بدلة سخيفة
و زنزانة أسر
مالك يا شعب مصر ؟!!!
مالك يا شعب مصر ؟!!
إيه اللى جرالك ؟!!!!
عصر يعدى و ييجى عصر
و حالك هو حالك
حرب أكتوبر و النصر
مش معناها إستعبادك
ما إنتاش خادم جوه قصر
بل هم اللى خُدامك
كفاياك ذل و شرب
خلصت مر كيعانك
رحماك يا أعظم شعب
هتضيعنا بعنادك
فوق يا زينة العُرب
و إعرف قيمة أوطانك
مصر ذكرها الرب
أيات فى قرأنك
يا شعب محترم و بيسمع الكلام
مهما إتهان و إتظلم
ميفكش اللجام
غير عند قولة نعم
لطاعة الحكام
يا مصر فيكى شباب
قادرين على التغيير
لا خوف ولا إنسحاب
ولا يرضخوا لمشير
ولو أصبحوا أرباب
30 ألف أثير
السجن مش عقاب
الحر فى سجنه أمير
مهما يغير الكداب
فى الحقيقة تغيير
مش هيسيبوها الكلاب
مصوا دم الفقير
يا مصر فيكى شباب
قادرين على التغيير
#إمام_فؤاد معتقل 6إبريل فى ذكرى 25 يناير
سجن وادى النطرون