اسم السجين (اسم الشهرة) : سيد محمد احمد (سيد منسي)

النوع الاجتماعي : ذكر

تاريخ تحرير أو نشر الرسالة : 10/5/2017

السن وقت الاحتجاز: 20 عام

الوظيفة – نشاط بالمجال العام: –

مكان احتجاز المرسل : منطقة سجون طرة

انا موجود في السجن ليه؟

انا موجود في السجن ليه ؟ هل علشان كان نفسي في تعليم كويس اتعلمه ؟ ولا علشان كان نفسي في عداله اجتماعيه بحكم اننا فقراء ونفسنا نعيش زي باقي الناس ؟ ولا علشان كنت بساعد اصحابي والناس اللي في السجن علشان هما مظاليم وكان لازم نبقي سندهم ؟ يمكن علشان شاركت في ثورة يناير وامنت بيها ؟ ولا علشان أنا ابويا مش وزير ولا ظابط وابويا كان راجل فقير ؟ انا بصراحه مش عارف حاجه غير ان انا بقالي اكتر من 250 يوم محبوس علي ذمة قضية محصلتش وانضمامي لجماعة الاخوان اللي انا كنت ضدها من اول يوم . لحد امتي هفضل في السجن وانا عمري لسه 20 سنه لحد امتي روحنا هتفضل متشوها لحد امتي هتفضلوا تضيعوا في مستقبلي ودمروني .