اسم السجين (اسم الشهرة) : عبد الله ماجد وهبه محمد

النوع الاجتماعي : ذكر

تاريخ تحرير أو نشر الرسالة : 5/8/2014

السن وقت الاحتجاز: غير معلوم

الوظيفة – نشاط بالمجال العام: عضو بحزب التيار الشعبي

مكان احتجاز المرسل : منطقة سجون أبو زعبل

أتوجه بجزيل الشكر للمحامين الحقوقيين

أتوجه بجزيل الشكر للمحامين الحقوقيين ولموقفهم النبيل تجاه المتهمين بقضية الأزبكية وبجميع القضايا. مثلا كل من: الأستاذة دعاء والأستاذة ياسمين والأستاذ عبدالرحمن والأستاذ محمود بلال الخ الخ. وعلى المستوى الشخصي أتوجه بالشكر للأستاذة دعاء لتحملها مسئولية الدفاع عني ولاهتمامها المتواصل.
لكن، لدينا بعض الأمور نريد معرفتها لأننا نوجد هنا في عزلة لا نعرف شيء وعلى الأستاذة دعاء الرد ولها كل الحرية والتقدير.
من ساعة ما اتحكم علينا بسنتين وسنتين مراقبة وقبلها والاشاعات وصلانا من كل مكان ..
1- الناس لما بتنزل زيارات بيقولولنا ان القاضي كويس – كبير في السن واتعرض عليه 8 قواضي سياسية وحكم فيهم بالبراءة والحقوقيين هم اللي قالوا كدة لأهالينا وما تقلقوش. الجزء التاني بينزل زيارات ويقولولنا – القاضي تابع للنظام هيأيد الحكم وربنا يستر .. وبرضه الحقوقيين اللي بيقولولنا كدة..!! ساعة الجلسة فوجئنا ان القاضي أصغر من محمد أبوتريكة!!
2- احنا بنتحاكم بقانون التظاهر ولا لأ؟ يا ترى لو قانون التظاهر سقط احنا هنفضل محبوسين ولا لأ؟ لو مش بنتحاكم بقانون التظاهر يا ترى بنتحاكم بايه؟
3- الاشاعات تتوالى والقلق يزيد واحنا مش عارفين حاجة ومش لاقين اللي يطمئنا ..كلمة بتودينا وكلمة بتجيبنا..!!
4- ما الفرق بين قضية المعادي وقضية الأزبكية؟
5- في الجلسة الأخيرة قولتيلي هنرد القاضي وقولتلك حاضر.. بعديها بنص ساعة قولتيلي مش هنرد القاضي ، قلتلك ماشي. وأنا مش فاهم حاجة ..أول مرة أحس اني غبي زي الاخوان ومؤيدي السيسي. أنا والله واثق في حضرتك ثقة عمياء حتى لو الحكم اتأيد.
أحنا جيل من رحم الثورة ولدنا ..ولقهر الظلم نعيش.بس كل الحكاية ان المتهمين مستغربين من موقف المحامين ..جزء بيقولوا نرد والآخر مش هنرد مما أدى الى انقسام بيننا احنا المتهمين وحصلت مشاكل في عربية الترحيلات .
هل الرد ممكن يترفض؟ هل لو اتقبل هيجيلنا قاضي كويس؟ أو على الأقل ممكن يجيلنا قاضي كويس ولا ده مش احتمال؟
6- لو قرار العفو الرئاسي طلع بعد الانتخابات أو قبلها هل ده يشملنا مع باقي المحبوسين ولا لأ؟ فيه ناس بتقول العفو لكل الناس الا اللي واخدين أحكام .. وناس تانية بتقول العفو بعد النقض أو الطعن لما يبقى الحكم نهائي.
الاقتراح : كل المتهمين يريدون التنسيق مع هيئة الدفاع عشان فيه ناس شايفة ان هيئة الدفاع والعشوائية اللي بتحصل أثناء الجلسة جزء من اللي احنا فيه
أود في النهاية أن أشكرك من صميم قلبي على مجهودك الذي تبذلينه من أجلي وأنا على يقين من أن لا مصلحة لكي الا في حصولي على حريتي وحتى ان باتت محاولتك بالفشل فستبقين كما انتي في خاطري. عبدالله جاد