اسم السجين (اسم الشهرة) : محتجز بسجن الحضرة بالإسكندرية

النوع الاجتماعي : ذكر

تاريخ تحرير أو نشر الرسالة : 9/15/2014

السن وقت الاحتجاز: غير معلوم

الوظيفة – نشاط بالمجال العام: –

مكان احتجاز المرسل : سجن الحضرة العمومي

عن الأحداث داخل سجن الحضرة

بسم الله الرحمن الرحيم إزيكم عاملين ايه كلكم ؟ – كنت عاوز أقلكم على الي بيحصل فينا جوة سجن الحضرة في إسكندرية – من يومين الشباب بتوع قضية سيدي جابر في اتنين منهم أخدوا إعدام فلما جم عندنا قعدنا نهتف وبعد كده نمنا .. – تاني يوم بعد الفجر بساعه وإحنا نايمين دخل علينا حوالي 100 واحد بالعصيان وصحونا من النوم وطلعونا كلنا برة من غير ما نلبس هدوم ووقفونا صفين وكنا حوالي 25 واحد . لقينا برة ” قوات جيش – قوات داخلية فض إشتباكات ومعاهم كلاب وأنابيب الشطة الي بتعمي العين وكمية كبيرة من المخبرين واشتغلوا علينا ضرب وصعق بالكهرباء وعض من الكلاب .. – بعد كده نزلوا مننا ناس كتير ” غرف التأديب ” – وأخدوا مننا حوالي 12 واحد ورحلوهم سجن برج العرب بالعافية وفي مننا 3 محجوزين في مستشفى الميري عشان اتبهدلنا وقت الضرب . – الكلام ده حصل عندنا في عنبر ( د ) زنزانة ( 6 ) والي كان ماسك الليلة دي ظابط أمن دولة ورئيس هيئة مصلحة السجون اسمه / محمد علي عرف الناس الي بيحصل فينا من تعذيب وإهانة سجن الحضرة