اسم السجين (اسم الشهرة) : محمد حسام الدين محمود علي (كالوشا)
النوع الاجتماعي : ذكر
تاريخ تحرير أو نشر الرسالة : 1/25/2015
السن وقت الاحتجاز: 18 عام
الوظيفة – نشاط بالمجال العام: طالب بكلية الحقوق بجامعة عين شمس
مكان احتجاز المرسل : منطقة سجون طرة
ذكري الثورة العظيمة
بسم الله الرحمن الرحيم
ها قد اتي ٢٥ يناير “ذكري الثورة العظيمة” ونحن وعيرنا من الشباب يسكنون الزنازين في السجون .
مش عارف اكتب ايه بس ٣ اشهر اللي اتحبستهم دول محستش بيهم ، بس يوم ٢٥ يناير عدي عليا الان كانه سنة تذكرت كل شئ كل اصحابي اللي راحوا مني من اجل مطالب ثورة ٢٥ يناير
تذكرت المجهول الذي وقف امام المدرعة في القصر العيني
تذكرت الشهيد مصطفي الصاوي ، تذكرت شهيد الاسكندرية
اذا كنا مش عارفيين نعمل حاجة في الوقت الحالي .. اوعوا تيأسوا لازم ناخد استراحة محارب .. بس اوعوا تنسوا اللي مات عشانه الشهيد .. اوعوا تنسوا حقهم
واذا كنا احنا في السجون .. بس هما عمرهم هيحبسون و يكسرونا والبركة فيكم انتم برة
فعلا مش عارف اكتب بس اكيد انتوا عارفين انا عاوز اقول ايه
عمري في حياتي ما هنسي اي حد طلع معايا مسيرة من مسيرات ٢٥ يناير وكنت اتمني ابقي معاكم في الشارع انهاردة وننظم و نجهز لليوم دا بس الحمد لله علي كل شئ.
انا بردو عملت في السجن مسيرة و كتبت علي الحيطة وعلمت الناس اللي معايا “الجنائيين” اغاني الشيخ امام و الاولتراس
اتمني ان كل اصحابي و كل الناس تبقي بخير ومش تخلي الياس و الاحباط يتملك منك ، دع عواطفك جانبا و شغل مخك في الفترة الحالية.
نهاية كلامي من داخل سجن طرة ” المجد لله .. المجد للشهداء .. المجد للمجهوليين”
٢٥ يناير فكرة ومش ممكن تموت
كالوشا .. صانع المولوتوف
المجد للمجهولين
25/1/2015
سجن القاهرة “تحقيق” بطرة
