اسم السجين (اسم الشهرة) : محمد رضا نعمان

النوع الاجتماعي : ذكر

تاريخ تحرير أو نشر الرسالة : 5/29/2014

السن وقت الاحتجاز: غير معلوم

الوظيفة – نشاط بالمجال العام: –

مكان احتجاز المرسل : سجن المنصورة العمومي

الثــــورة طـــالعة مـــن الســـجن

الثــــورة طـــالعة مـــن الســـجن بسم الله الرحمن الرحيم قال تعالى ::(قَاتِلُوهُمْ يُعَذِّبْهُمُ اللّهُ بِأَيْدِيكُمْ وَيُخْزِهِمْ وَيَنصُرْكُمْ عَلَيْهِمْ وَيَشْفِ صُدُورَ قَوْمٍ مُّؤْمِنِينَ (*) وَيُذْهِبْ غَيْظَ قُلُوبِهِمْ وَيَتُوبُ اللّهُ عَلَى مَن يَشَاءُ وَاللّهُ عَلِيمٌ حَكِيمٌ ) وقال تعالى في آخر السورة ::(وَلا يَطَئُونَ مَوْطِئًا يَغِيظُ الْكُفَّارَ وَلا يَنَالُونَ مِنْ عَدُوٍّ نَيْلًا إِلَّا كُتِبَ لَهُمْ بِهِ عَمَلٌ صَالِحٌ إِنَّ اللَّهَ لا يُضِيعُ أَجْرَ الْمُحْسِنِينَ ) لأول مرة منذ 7/3 أحضر وقفة تستمر لــ 6 ساعات وأمامك الداخلية وتختم على مزاجك ويحقق لك 15 من أصل 18 مطلب علشان تعرفوا إن ميهمناش السجن والزنازين … اللي حصل كالآتي :- ليلة الثلاثاء :- ليلة كئيبة أصعب ليلة مرت علينا في سجن المنصورة مقارنة بما سبقها من ليالي ولكن لا تقارن بليلة الأربعاء المريرة ، ليلة قضيناها خلافات وخناقات وأخونا أحمد عبد ربه قضاها إسهال وترجيع و ياسر لم ينطق بكلمة ولم ننم فيها حتى نزولنا للجلسات بعد ندائهم علينا وتوافق وقتها أن لي جلسة إستئناف في نفس يومهم ، بكر قضى الليلة يجرب اللبس اللي هيخرج بيه وهيتفرج على كأس العالم فين ؟!!! ياسر كان كل همه هيعمل إيه لوالدته اللي إتحرم منها 6 شهور وكل واحد في المحضر قضلى ليلة ساهرا يحلم بغد أفضل لا تعلموهم .. الله يعلمهم . صباح يوم الأربعاء :- المُسَيّر وهو مسئول الدور جاء ينادي على كل من عنده جلسة ويأمره بالنزول ، ولما نزلنا قالولهم كل من عنده نطق بالحكم يرجع زنزانته مش هتخرجوا لدواعي أمنية وخرجت أنا ومن عندهم جلسات إستئناغ أخرى ، رجعت على المغرب وكنت الوحيد اللي طلعت من الزنزانة فكانوا منتظرين مني الأخبار قلت لهم معرفش لقيتهم سمعوا الخبر في الراديو وكانت أعصابهم في إنهيار مش عايز أقول إنها أصعب ليلة مرت عليهم وعلى السجن كله لأن كان في سجن المنصورة العمومي أكثر من 85 فرد عندهم نطق بالحكم غير من أتى من جمصة والغيابي والمجموع أكثر من 150 شخص . عدت الليلة وكأنها سنة وصلينا الفجر ونزل طلاب أولى صيدلة للإمتحان ورجعوا بالأخبار المفصلة وطبعا كلهم زعلانين مني لأني كنت عارف ورفضت أقول وجاءت اللحظة الفارقة في سجن المنصورة العمومي ، “غضبة المظلوم لا يردها عنف الظالم ” ، لحظة ما قالوا إنزلوا القفص بتاع الحمامات ، لحظة تحول بمعنى الكلمة … بدون ترتيب مسبق أو بخلاف أي ترتيب مسبق بدأ بالهتاف #أحمد_عبد_ربه “صيدلة” و أحمد العشري “ثالثة طب المنصورة” من محضر كوبري المرور ، رجالة الألتراس بدأوا بأزايز المياه كــ طرومبيطة ، طبعا السجن إتقلب ، إخوانا في الدور الثالث وفي عنبر “ب” كانوا شغالين ، المباحث وكتيبة تأمين السجن وكل الرتب وعلى رأسهم المأمور حاولوا يهددونا أو يسكتونا ومفيش أي إستجابة ، حيطان السجن بقت أصعب من جدران الجامعة بعد أي فعالية ، كان الهتاف اللي بيزلزل السجن لما أخونا #أحمد_عبد_ربه كان بيقول عاوزين نِسَمّع الأخوات في عنبر النساء والضباط كلهم واقفين قدامنا ونقول : (( الداخلية آخر خيبة … إلى آخر الهتاف )) ، طبعا حاولوا يعتدوا على #أحمد_عبد_ربه لكن الرد كان لا يحمد عقباه والمباحث رجعت لورا وخرجت برا القفص ولقينا الكتيبة مسكت بنادق الغاز وخراطيم المياه ، إحنا طبعا إستعدينا ، نزلنا محمد عزت البيلي من الدور الثالث وجاء محمد فوزي من الإمتحان وطلعوا على المنصة وهتفوا بهتافهم المعروف (( مش هسكت هصرخ وأتكلم ….. )) . محمد عرفات كان مولعها في عنبر “ب” بعد ما إيده إتسلخت لما وقع عليه كوباية الشاي ، أخونا الحبيب بكر محمد أرجل واحد في معتقلين صيدلة وبكل صدق وربنا يشهد على ذلك ، طلع آخر اليوم وهتف (( هنزل رابعة وهنزل نهضة .. إوعوا تقولوا ممسوك غلطة )) . خلص اليوم والمغرب قرب وإحنا لسه معتصمين وفي الآخر الحمد لله 15 مطلب تقريبا إتحققوا أهمهم إن معدش جنائي بيتحكم فينا ولا يسوقنا زي الغنم ولا ندفع له أتاوى والحمام لحد العصر ، وأهم مطلب خروج البنات وإتبلغ بيه مصلحة السجون ولكن اللي في إيدينا عملناه الحمد لله ودخلنا الزنازين والهتافا تمستمرة وكتبنا على حيطة الزنزانة ” حكم العسكر عار وخيانة ” وسجن المنصورة العمومي بقى مليان شعار رابعة ، وصحينا تاني يوم الجمعة نزلنا القفص وكل السجن كان مستني لنا على غلطة علشان يثبت إننا لما طلبنا إننا نمسك نفسنا هتبوظ ، ولكن عرفناهم قد إيه إحنا منظمين وبالدقيقة كلنا كنا داخل الزنازين ، وإنتظروا غضبة السجينات والسجناء القادمة قريبا إن شاء الله _ جوابي هذا يوم الجمعة والقادم أحسن إن شاء الله .. صوت الثورة طالع طالع … جوا السجن وفي الشوارع