اسم السجين (اسم الشهرة) : محمود طلعت (طمطم)

النوع الاجتماعي : ذكر

تاريخ تحرير أو نشر الرسالة : 8/11/2016

السن وقت الاحتجاز: غير معلوم

الوظيفة – نشاط بالمجال العام: –

مكان احتجاز المرسل : قسم شرطة كرموز

وحشتونا يا جدعان

مساء الخير …وحشتونا يا جدعان يا رفاق يا زملا يا احرار يا عشوائيين يا متحررين يا رجعيين يا مزيكاتيه يا غلابه يا فقرانين يا فنانين
وحشتوني يا ولاد الاصول ،يا جيل عشت معاه كل الانفعالات والاحداث، فرحنا وانبسطنا قليل وقضينا اغلب الوقت البؤس مسيطر علي مجريات عيشتنا تقريبا ً
مش مهم الي فات ،،،قد ماهو شيئ مهم الغباء والاخطاء الي ارتكبناها لإن بحسبه بسيطه هتلاقي ان الاغبيا كانوا كتير وان انا كنت واحد منهم وكنا دايماً نشوفها مجرد اخطاء بنكررها ونندم عليها لكن فالحقيقه كانت جرايم ارتكبناها ف حق الثورة وخطوات قادت الثورة المضاده بشكل كبير وتقريباً هي السبب ف جودنا هنا حتي لو بشكل غير مباشر …
ومع اقتراب الذكره التالته علي اكبر مجزره ف تاريخ مصر الحديث وجب علينا الاعتراف بسذاجتنا وغبائنا في يونيو 2013 وما بعدها وانت ضمن اسباب ان يتم تصفيه اكتر من 1000بشري ف اقل من تلات ساعات
اكيد مستوعبين الحدث و مدي جرمة لان اغلبنا اتعرض لاحداث مشابهه وان كانت اقل غشامة لكن شفنا الموت علي بعد خطوات من بداية تاريخ الثورة ف يناير 2011 لحد دلوقتي. .
لازم نعرف ان لو الثورة انتصرت هنقدم نفسنا للمحاكمه بتهمة السذاجه والغباء
اولا السذاجه ..
١-السذاجه بان جماهيرية يونيو 2013 بتأيد الطليعه الثورية ومؤمنين بأهداف وبيتحركوا بدافع الوصول لمطالب يناير
2- سذاجة ان الثورة المضاده ضعيفه ومش دارسه استراتيجيه وتكتيك وتستميت ف انها تمدد استمرارها فالسلطه
3- سذاجتنا اننا نقدر نتحكم ف خارطة طريق ونجبر اي انتهازي للخضوع لافكارنا ومطالبنا
4- سذاجتنا ف عدم قراءة الموقف لعدم تقدير غشامة الدوله الامنيه ف مصر
ثانياً غبائنا …
1-غبائنا بعدم اعترافنا ان الدولة والثورة المضاده من الداعمين ليونيو 2013 رغم ادراكنا لاغراضهم السلطويه والانتهازيه
2- غبائنا فالعزوف عن ضم المضطهدين والغلابه من الاخوان ف صفوف الثورة ضد قياداتهم الاصلاحيه واستمرارنا فالصراع مع من هو مغرر بافكاره
3- غبائنا ف منح الثقه لنخبة وصوليه واحزاب مموله تكسب تأييد الدوله
من الاخر كده اجدعان السذاجه والغباء دول ميتصنفوش ف عصرنا ده مروراً باحداث الثورة غير جرايم لازم تحاسب الي ارتكبها قدام محاكم القيم والاخلاق والعدل الي بنحلم بيه
ارجوكم اوعوا تنسوا تاريخنا واستمروا بالكتابه والكلام عن الثورة وعن اخطائنا ، علشان لو حتي منتصرناش نكون قدمنا تجربه فاشله تستفيد منها الاجيال الجايه…. ويحاولوا ينجحوا
محمود طلعت
سجن كرموز العمومي..
11-8-2016