اسم السجين (اسم الشهرة) : احمد ايمن

النوع الاجتماعي : ذكر

تاريخ تحرير أو نشر الرسالة : 4/14/2014

السن وقت الاحتجاز: غير معلوم

الوظيفة – نشاط بالمجال العام: –

مكان احتجاز المرسل : مكان احتجاز غير معلوم

رسالة من العبد الفقير

بسم الله الرحمن الرحيم رساله من العبد الفقير الحمد لله رب العالمين ,الحمد لله الناصر المعين ,الحمد لله ناصرنا ولو بعد حين والصلاة والسلام على اشرف المرسلين وعلى اله وصحبه وسلم … وبعد .. اعتقد ان انتو شفتوا الرساله اللى بعتناها للكليه , وبغض النظر الرساله مكنتش طالعه من فراغ , الرساله كان ليها اكتر من هدف من ضمنها رساله للاداره المحترمه اللى ما عملتلناش اى حاجه ولا هتعمل بس كنوع من ان احنا حتى نكتبلهم ضميرهم يانبهم او يعملوا حاجه المهم ان احنا نطلع اللى جوانا .. رساله اللى الاحرار اللى برا احنا فعلا بندعيلهم والله العظيم اكتر ما بندعى لنفسنا حتى لو كنا بننزل فى ظروف صعبه بس مش زى دلوقتى ابدا اى حد بينزل دلوقتى هو فعلا من الرجاله #تحية . رساله لاى حد مش معانا او ضدنا يمكن يفتكرنا فى موقف يفتكرنا واحنا معاه فى السكشن وفى نفس اليوم بقينا ارهابيين … رساله لاى ابن كلب فاكر انه لما هيسجنا او يدينا احكام فاحنا هنطاطى ونخاف ..انا عندى استعداد اتسجن عمرى كله ولا ارضى بالذال اللى برا دا والله العظيم ولا فى دماغى انا محتسب الفتره دى كلها فى سبيل الله عمرى ما نسيت ولا هنسى صوره هاله ابو شعيشع بابتسامتها العريضه وهى واقفه مع زمايلها .. هم راحوا 3 ث وهى ما راحتش ولا عمرى هنسى صوره حبيبه عبد العزيز وهى واقفه بطربوش ولابسه زى المهرج وواقفه بتضحك .. ولا عمرى هنسى صوره اسماء البلتاجى وهى نايمه بتموت وهم بيحاولوا يعملوا معاها اى حاجه … ربنا يرحمهم كلهم وكل اللى زيهم , بكسف من نفسى والله لما اشوف بنات زى الورد كدا ماتوا فى احلى فتره من عمرهم 16 و 17 سنه انا اصلا مجيش جنبهم حاجه .. مش ناسى ابدا صوره البنات اللى معايا فى القضيه , انا كنت بخرج مكتئب انى اخدت تاجيل اسبوعين او شهر وهم خارجين بيضحكوا ورافعين رابعه … ولا صورتهم فى اخر جلسه 3/20 اللى فاتت اللى اخدنا تاجيل شهرين فيها وانا كنت زاقف بضحك ورافع علامه رابعه وهم لاول مره اشوفهم مكسورين وزعلانين .. كر خيرهم برضه يا جدعان 6 شهور على بنت مش شويه .. اذا كان فى رجاله مش بتستحملها فما بالك ببنات اكبر واحده فيهم 22 سنه والباقى 18 قدى يعنى .. مش متخيل انا بره وليا اخت 18 سنه واتحبست 6 شهور وومكن تاخد حكم بالسنين مش عارف ساعتها كنت يمكن عملت ايه 00 تخيل انت اخ ليهم ولا مننخيلش ,انت فعلا اخ ليهم , هم فعلا اخواتى بالدم ,بالدم اللى سال منى عشان واحده منهم مره فى مظاهره بالدم اللى سال منى وانا بدافع عن بنت مره فى رابعه .. ما بنتك يا رابعه هى ست البنات ترج راس الانوثه ورمز النضال . لسه فاكر اخر بوست ليا من 5 شهور كان لما اسامه زاهر اتمسك وكتبت بعدها انى بكرهك فى الله يا سيسى وهنزل ضدك فى اى مظاهره بعد كدا .. ونزلت تانى يوم واتمسكت يمكن هى نوايا انا حاليا مع اسامه زاهر فى زنزانه واحده …! نفسى اكتب حاجات كتير واروى تفاصيل بس مش قادر .