اسم السجين (اسم الشهرة) : احمد سمير محمود محمد عبد المغني (ابو سمره)

النوع الاجتماعي : ذكر

تاريخ تحرير أو نشر الرسالة : 10/31/2014

السن وقت الاحتجاز: 23 عام

الوظيفة – نشاط بالمجال العام: طالب بكلية التجارة بجامعة القاهرة

مكان احتجاز المرسل : منطقة سجون طرة

إلى الكائن الممحون المقيم في قصر الاتحادية

الى الكائن الممحون المقيم فى قصر الاتحاديه المدعو عبد الفتاح السيسى تحية طيبه وبعد ,, حضرتك قارئ غير جيد للتاريخ أو جاهل أصلاً بالتاريخ , التاريخ اللى قال وحكى ان مافيش طاغى قتل وسجن شعبه الا وكانت نهايته سوده , واسأل اللى قبلك واللى قبله واللى قبلهم , حضرتك صنعت الارهاب وبعد كده عملته بعبع للناس عشان تتشبث بحكمك , الارهاب اللى انت صنعته ده قرر يفشخك فى سينا فـ انت رديت عليهم بحبس معتقلى الشورى والحكم علينا ب 3 سنين , على طريقة مش عارف يتشطر ع الحمار …… , واستخدمت فى ده كلاب الظلم المعروفين للناس باسم تانى وهو ( القضاء العادل ) غلطتنا فعلا اننا فى جمعة الغضب مجريناش القضاة ووكلاء النيابه قدامنا ملط زى ماعملنا فى كلاب الداخليه بس معلش ملحوقه , احنا مش بس هنسقط قانون التظاهر ده شئ مفروغ منه , احنا هنسقط نظامك وحُكم دباباتك وهنقطع ايدك على قتل عيسى عصام وباسم محسن وألاف الشهداء من يوم تعيينك وزير دفاع لحد النهارده , ده مش تهديد . ده “وعد” فى الختام سلام . والسلام لكل الناس اللى تعبت معانا من اول يوم , لسانى فعلا عاجز عن الكلام والشكر بس انا محتاج دعمكم ده لناس أولى مننا دلوقت , احنا قضيتنا بسيطه وخارجين قريب بإذن الله , محتاج دعمكم لمعتقلى الشورى واحمد ايمن واسماء حمدى واحمد جمال زياده واَلاف الطلبة من جامعات مصر كلها مهما يزيد الفجر بالسجانه مين اللى يقدر ساعة يحبس مصر ؟؟ أبو سمره الجمعه 31 – 10 -2014 سجن استقبال طره 14 جـ