اسم السجين (اسم الشهرة) : احمد صالح‬ (احمد صالح)

النوع الاجتماعي : ذكر

تاريخ تحرير أو نشر الرسالة : 6/10/2015

السن وقت الاحتجاز: غير معلوم

الوظيفة – نشاط بالمجال العام: طالب بكلية التربية الرياضية بجامعة الإسكندرية

مكان احتجاز المرسل : مديرية أمن الإسكندرية

أكتب هذه الكلمات التي تصف لكم ما حدث لي بإختصار

“بسم الله الرحمن الرحيم أنا المعتقل “أحمد صالح‬ ” الطالب بكلية التربية الرياضية بالأسكندرية أكتب هذه الكلمات التي تصف لكم ما حدث لي بإختصار ما عانيته ولاقيته.أختطفت من أمام أحد النوادي بتاريخ 26 / 3 / 2015 بطريقه غير ادمية في ” عربية ملاكي ” بتهديدي بالسلاح المصوب الي رأسي وتم تغمية عيني ولا أعرف الي اين انا ذاهب ؟!!أخذوا كل ما معي من ” فلوس و موبايل ” وتم تقيدي بالجنازير يدي خلف ظهري وتقيد رجلي أيضا وظللت واقفا لمدة 9 ساعات كاملة .ثم جاء رجل سألني ” ما اسمك ؟ وسنك ؟ وعنوانك ؟ هل تحب تحب السيسي أم مرسي ؟ “فعلمت أني في مكتب أمن الدولة بمديرية أمن الأسكندرية .جلست في هذا المكان ” 8 ” أيام لا أقول سوى ” الآآآآه “اليوم الأول : لم يحدث لي شيء تقريبا .اليوم الثاني ” تم تعليقي من رجلي ويدي بعيدا عن الارض بمسافة متر تقريبا أكثر من ” 12 ” ساعه .ثم جاء رجل وقال للي كانوا جنبي ” إبدأوا “بدأوا بضربي ” بالكورباج ” علي ظهري وبطني ورجلي ولما يتعبوا يريحوا ويرجعوا يضربوني تاني .
ثم جاء رجليين اخريين وأخذوني من الغرفه التي كنت فيها الي غرفة تسمي ” الثلاجة ” وهي بالفعل ثلاجة .قبل أن أدخل ” قلعوني كل هدومي الا الشورت الداخلي ” ووضعوني فيها لمدة ” 3 ” ساعات وكنت بعرف الوقت من الأذان الي كت بسمعه للصلاة
ثم أخرجوني من الغرفه ووضعوني في ” بانيو ” به ” لوح تلج ” بعد كده دخلوني علي ” الكهرباء ” .إتكهربت في عصب رجلي ولساني وايدي وعضوي الذكري وبطني وظهري وفي رأسي .كان كل يوم علي هذا الشكل بس عدد ساعات الثلاجة بيزيد وفولت الكهرباء بيعلى بشكل بشع .إلي ان جاء اليوم الثامن كان أول مرة افتح عيني فيها لقيت نفسي مربوط في كرسي ومحطوط فيا أسلاك كهرباء في كل حته في جسمي وقدامي ” كاميرا “وورقة الاتهامات .وكنت لازم أقرأها بالشكل الي مكتوب بالظبط ولو غلطت في حرف بيشغلوا الكهرباء ومكنتش ساعتها في وعيي الكامل .اتكهربت علي الكرسي ده ” 12 ” مرة عشان أقول الكلام الي مكتوب ده صح زي ماهم عايزين .
بعدين طلعوني علي غرفة تقريبا قاعة المؤتمرات في المديرية الدور السادس دخلت لقيت كمية أسلحه رهيبة محطوطة علي ترابيزات .وصورونا بس وانا رافع راسي ومنزلتهاش ابدا .كان ساعتها الوقت دخل علي الفجر .. بعدها بكام ساعه خدونا في عربية ترحيلات واحنا متغمي عنينا لمكان منعرفهوش .بعد كده عرفت اني في ” النيابة العسكرية ” وكنت رايح علي نقالة لاني مكنتش قادر أمشي .دخلت تقريبا اخر واحد علي وكيل النيابةفضلنا هناك طول اليوم .فكوا الي علي عنيا والي علي ايدي وكانت أول حاجه أكلها واحطها في بطني من ” 9 ” أيام باكو بسكوت وعصير إدتهوملي محامية .ساعتها مكنتش أرد علي الاسئلة غير بالاشارة بايدي اني معملتش كده .وطلبت اني اتعرض علي طبيب شرعي عشان أثبت الي حصلي لكن الي الان لم يتم عرضي .انا مختطف من 26 / 3 / 2015 وتم عرضي علي النيابة 4 / 4 / 2015بعدها بيتنا ليلة في المديرية في الحجز والناس الي في الحجز أكلوني وبدأوا يعالجوني واتعرفت عليهم منهم ” المهندس والمحامي والطالب الي زيي ” وكل ده عشان قلت كلمة حق فالحمد لله علي كل حالوده بإختصار الي حصلي .وكله في سبيل الله ..!”