اسم السجين (اسم الشهرة) : اسامه الهادي

النوع الاجتماعي : ذكر

تاريخ تحرير أو نشر الرسالة : 7/3/2018

السن وقت الاحتجاز: غير معلوم

الوظيفة – نشاط بالمجال العام: –

مكان احتجاز المرسل : مكان احتجاز غير معلوم

اليوم جوه السجن

اليوم جوه السجن وانت مظلوم بيعدي كأنه سنة، سواء كنت تعرفني او متعرفنيش، ارجوك ادعيلي..بسبب ان رامي عصام نزل اغنية ضد النظام انا مليش صله او علاقة بيها، انا محبوس علي ذمة التحقيق و متوجهلي تهمة انضمام لجماعة ارهابية ! و ده كله بسبب اني من تلات سنين رامي طلب مني اني اضبطله شوية حاجات علي الصفحة بحكم شغلي ك social media specialist و خبرتي في ادارة و تسويق الصفحات و علاقتي المباشرة بفريق دعم فيسبوك، و خلاني واحد من الأدمنز على الصفحة علشان أقدر اعمل ده،و ده اللي حصل و بيحصل مع فنانين كتير سواء في وسط الفن المستقل او خارجه، و برغم انه الناس التانية اللي معايا في القضية قالوا في محاضر التحقيق انه مليش اي علاقة بإدارة الصفحة، و برغم ان اسمي مش مكتوب علي الاغنية، و ان علاقتي برامي عصام نفسه مقطوعة من سنين، أنا لسه محبوس.حالتي الصحية بتسوء يوم عن يوم و نفسيتي أسوأ و أسوأ، و تقريبا خسرت كل حاجة فنيا و ماديا.. ادعولي .. حاولوا تساعدوني.. ومتنسونيش..