اسم السجين (اسم الشهرة) : اسراء خالد محمد سعيد (اسراء خالد سعيد)

النوع الاجتماعي : أنثى

تاريخ تحرير أو نشر الرسالة : 10/8/2016

السن وقت الاحتجاز: 21 عام

الوظيفة – نشاط بالمجال العام: طالبة بكلية الهندسة

مكان احتجاز المرسل : منطقة سجون القناطر

أيًا كان مين هيقرأ الكلام

أيًا كان مين هيقرأ الكلام..
جه على بالي كده إني لما أطلع نفسي أركب عجلة، أو ألعب بطيارة ورق أو أشوف النيل الصبح أو أبص في الشمس لحد ما عيني توجعني، أو أشوف القمر اللي بقالي 626 يوم مش شفته.. ده الي قررته إنه لو جاتلي الفرصة، فأنا بردو مش هبصله غير وأنا “حرة”..
مش هبصله من شباك السجن ولا من عربية الترحيلات!
هو أنا مش عارفه هو أنا لما أطلع هيبقى لسه عندي الطاقة اللي تخليني أعمل كل ده ولا لأ؟
عارفين؟
أنا مش بكره مصر.. أنا مقهورة منها!
مقهورة منها و عايزه أفهّمها ده.. بس هي ما بتفهمش!
إسراء خالد سعيد
سجن القناطر للنساء
السبت 8 أكتوبر 2016