اسم السجين (اسم الشهرة) : اسلام الحضري

النوع الاجتماعي : ذكر

تاريخ تحرير أو نشر الرسالة : 5/13/2017

السن وقت الاحتجاز: غير معلوم

الوظيفة – نشاط بالمجال العام: صاحب شركة – مؤسس حركة 6 أبريل

مكان احتجاز المرسل : قسم شرطة الرمل أول

الجدعة أم عمر

الجدعة أم عمر
وحشتيني
بلغي كل اللي يسألك عني سلامي وطمنيهم ان الحضرى لسة بيقول “اليأس خيانة” حتى وانا بين ٣ حيطان وقضبان أكبر امل فيهم انك تلاقي مكان تقف مستريح حتى وانا مش عارف ايه مستنينى وايه اللي جاي.بس انا لسة متشعبط في الحلم وواثق في وعد ربنا ان الفرج جاي وأهي تجربة طويلة قصيرة هتعدي.
مش عارف اكتب ايه تاني موضوع الجوابات دا غريب في دماغي كلام كتير جدا بس هخليه لما اخرج قريب ونسافر وننبسط زي ما كنا بنخطط قبل ما يتقبض عليا بساعتين.
اه متشلوش همنا احنا كويسين ومتكلفوش نفسكم في الزيارات اغلب الحاجات بنرميها علشان الكام سنتي اللي هتاخدهم احنا اولى بيهم .
سلامي ليكي ولعمر وفهمي وسارة وجيمي والشيخ وعاطف ونهى ولكل واحد بيسأل عليا ولكل المتمسكين بالأمل ولكل صنايعية المعسل .
اسلام الحضرى
حجز الاستيفا .. رمل أول