اسم السجين (اسم الشهرة) : اسماء حمدي عبد الستار السيد (اسماء حمدي)

النوع الاجتماعي : أنثى

تاريخ تحرير أو نشر الرسالة : 12/30/2015

السن وقت الاحتجاز: 21 عام

الوظيفة – نشاط بالمجال العام: طالبة بكلية طب الأسنان بجامعة الأزهر

مكان احتجاز المرسل : منطقة سجون القناطر

عودوا فحضن الوطن ينتظركم

“عودوا فحضن الوطن ينتظركم ” مقاله لمصطفي النجار بتاريخ ٣٠ ديسمبر ٢٠١٤ في المصري اليوم بيتكلم فيها عن افشخانات قالها له مسؤل فـ اللي بيقولوا عليها ” دولة ” كانت كلها أسئلة ياعني بغرض التأنيب باين واللي شافها الدكتور مهمه وهيكملها الإسبوع اللي جاي .
سؤال منهم بيقوله واخدين علي خاطركم عشان شوية شباب تم إعتقالهم ؟ وكأن ياعني بيقولوا شوية نمل أتفعصوا بالغصب ولا شوية لبن اندلقوا مش عمر تاني بنتشوه نفسيا فيه يوماتي ولا صلات انسانية بتتهتك ما بين المعتقل/المعتقلة واقرب الناس لها وقهر وذل بنتعرضله كل دقيقة سواء من السجّان أو السجينات والسجناء اللي ربنا مبتلينا بيهم ولا صحة في النازل لو حكيت أعراضها تحس بحكي عن شخص في الخمسين مش فـ أوائل العشرين .
ولا عن أحلام بتنداس كل لحظة إني أروح شط لبحُر بلادي ولا أركب عجلة في شوارعها ولا أكمل دراسة في الكلية اللي كنت بدأت أحبها ولا ألبس فستان حلو وأقف جمب خطيبي في حفلة حميميه لخطوبتنا ولا ألف واتفطط في ندوه ولا مكتبة ولا سينما هنا أو هناك مع صحابي اللي مفتقداهم جداً .
مش المفروض تزعل يا دكتور مصطفي أنت أو ” باقي الشباب المحترم والوطني ” عشاني أو عشان كام ألف معتقل معتقل غيري اجري بسرعة لحضن الدولة او حضن اي حاجة تانية مش فارق . ومع أذان العشاء الذي يصدح به المؤذن الآن أدعوه بعزته وعدله أن ينتقم ممن ظلمني أو ساهم في هذا الظلم ولو بشق كلمة قالها أو أمتنع عنها .
أسماء ( رغما عنكم ) مصر
٣٠/١٢/٢٠١٤