اسم السجين (اسم الشهرة) : حسام حسن

النوع الاجتماعي : ذكر

تاريخ تحرير أو نشر الرسالة : 9/26/2016

السن وقت الاحتجاز: غير معلوم

الوظيفة – نشاط بالمجال العام: –

مكان احتجاز المرسل : مكان احتجاز غير معلوم

كل الناس بتاخد العزا بالاسود

كل الناس بتاخد العزا بالاسود بس انا انهاردة كسرت القاعدة ؛وقفت في التريض واخدت عزا ابويا بالابيض انا مش مجنون بس دة لبس السجن 🙁
بقالي سنتين محبوس عمري ماحسيت بكميه القهر والظلم دة السجن كله هنا بيبكي علي والدي وعلي حالي كل السجن صلي علي والدي صلاة الغائب وكل العنابر بعتت تعزيني
الحكومه كمان حاسه بيا رئيس المباحث بعتلي علشان يعزيني
انا عارف ان انتوا كمان حاسين بيا وموضوعي شاغلكم وحاسين بقهرتي وحسرتي بس كالعادة يومين وهتنسوا زي ماكنتم ناسيني جوة بس افتكرو اني انا وامي واخواتي مش هنقدر ننسي اصلنا هنفضل مقهورين ومظلومين
ابقوا شيروا رسالتي يمكن الفيس يفكركم السنه الجايه انكم كتبتوا عني من سنه 🙁 وممكن اوي ساعتها اكون لسه جوة