اسم السجين (اسم الشهرة) : زهره
النوع الاجتماعي : أنثى
تاريخ تحرير أو نشر الرسالة : 11/25/2013
السن وقت الاحتجاز: غير معلوم
الوظيفة – نشاط بالمجال العام: –
مكان احتجاز المرسل : مكان احتجاز غير معلوم
أنا الإنســان
أنا الإنســان … أنا الحُر ورا القضبـــان أنا الإنســان … أنا اللي وقفت في وش الطغيــان لما ضمير الناس نام .. وعقلهم عن التفكير وقف زي الجبان لما الظالم طغى .. ولبلاده خــــان والكل بيضربلوا تعظيم ســلام !! لما أخويا اللي دافع عني مات .. مات برصاص بلاده .. برصاص اللي خان لما أبويا تحت دبابة بلاده اتدهس .. وبقى حسمة سوا الرمال بتلوموني على إيه بعد كل اللي حصل .. وكل اللي بان عايزني اوطي راسي .. وأضربلوا تعظيم سلام !! لأ مش أنا .. اللي عمري كنت ولا هكون عبد و جبان أنا عبد لربي مش لإنسان .. إنسان خسيس خاين لبلاده جبان ولو هموت زي اللي مات في الميدان .. مش هسيب بلدي ولا حق أخويا أيا كان .. وهفضل حر .. ولو حبيس ورا القضبان …
