اسم السجين (اسم الشهرة) : عبد الرحمن جابر
النوع الاجتماعي : ذكر
تاريخ تحرير أو نشر الرسالة : 4/1/2017
السن وقت الاحتجاز: غير معلوم
الوظيفة – نشاط بالمجال العام: طالب بكلية هندسة جامعة الإسكندرية
مكان احتجاز المرسل : منطقة سجون برج العرب
رسالة من وراء القضبان
رسالة من وراء القضبان
(إلي زملائي طلبة وطالبات كلية الهندسة جامعو الاسكندرية وأخص بالذكر دفعتي الحالىة دفعة 21وأحب أن أرسل لكم جميعا السلام والتحية العظيمة لمواقفكم الرجولية تجاهي واتجاه كل شخص مثلي.
في البداية أحب أعرفكم أنه تم الحكم عليا بالسجن المشدد 3سنوات وزيهم كمان 3سنين “مراقبة”يعني المفروض بعد ما أطلع من السجن أراقب في أقسام الشرطة مع تجار المخدرات والبلطجية والمسجلين خطر وبالتالي لن أتمكن من ذهابي للكلية أوالمذاكرة بانتظام أو استكمال دراستي من الأساس وكل ده بسبب أخطاء لاذنب لي فيها وبسبب حكم قضائى ظلمنى وظلم من معي. وعلفكرة كل ده ظلم وقع عليا خلاص يعني عارف هيخلص امتا، المشكلة بقي في الظلم اللي لحد دلوقتي واقع عليا من إدارة الكلية في إنها لحد دلوقتي مش عايزة تنجحني أو حتا علي الأقل إنها تمكني من أداء الأمتحانات العملية اللي متوقف عليهافقط.
في منتصف الحديث عايز أسأل حضاراتكم سؤال ؟! عارفين الحوار الشهير اللي دار بين أحد الطلبة المصريين وبين زميله الطالب الأجنبي عندما سأله الطالب الأجنبي وقال له ماهي أحلامك المستقبلية؟! فأجابه زميله المصري بأنها تتلخص في وظيفةجيدة تتناسب مع مؤهله وشقة ليتمكن فيها من الزواج وأخيرا سيارة يذهب بها إلي عمله وقضاء مصالحه، رد عليه زميله الأجنبي مندهشا أنا لا أسألك عن حقوقك ولكن أسألك عن أحلامك !! أنابقي نفسي في حقوقي فقط، كان نفسي أكون معاكم دلوقتي بستعد للأمتحانات الmid-term ومنتظم في الكلية وبتفسح مع صحابي وبنام مع أبويا وأمي وإخواتي في البيت وحاجات تانية كتير أوووووي …. في النهاية أحب أقولكم إن مش أنا لوحدي بعيش في الظروف دي فيه طلبة غيرى كتير في نفس ظروفي!! وأحب إني أوجه شكري للمرة التانية علي تأجيل مادة الرياضيات في امتحانات الترم الأول لنصف الجدول وأعرفكم إني مكنتش هلحقها أو أعرف أمتحنها لو كانت أول مادة في الجدول….. شكرا ليكم وأسف لو طولت عليكم حبتين وأتمني منكم إنكم تدعولنا…)
أخوكم/عبدالرحمن جابر
طالب بالفرقة الأعداديةللسنة الثالثة
#اوعوا_تنسونا
#دفعة_21_
