اسم السجين (اسم الشهرة) : عبد الرحمن محمد مصطفي المرسي الجندي (عبد الرحمن الجندي)

النوع الاجتماعي : ذكر

تاريخ تحرير أو نشر الرسالة : 10/18/2014

السن وقت الاحتجاز: 18 عام

الوظيفة – نشاط بالمجال العام: طالب بكلية الهندسة بالجامعة الألمانية بالقاهرة

مكان احتجاز المرسل : منطقة سجون طرة

فى كم موقف حصل امبارح رفعوا من روحى المعنوية جدا

فى كم موقف حصل امبارح رفعوا من روحى المعنوية جدا و لازم أشكر أصحابهم.
أولا الكاتبة أهداف سويف اللى يحترمها احترام مش طبيعى و نفسى أكون ثابت على مبادئى زيها. نفسى أكون فيا الانسانية الكافية انى أقف جمب حد معرفهوش تماما و مش هستفيد أى حاجة منه بالشكل اللى وقفت بيه جمبى و ساندتنى.
ثانيا الرجالة فى ال GUC اللى قابلوا قرار فصلى بغضب و تضامن و مساندة بصراحة مكنتش مستنيها و بعترف انى غلط بالتقليل من شأنهم. انتوا رجالة.
ثالثا و أهمهم كل ولد و بنت فى دفعة 2014 من مدرستى مدرسة النزهة عمل الموقف الى مش قادر أوصفه ولا أعبر عن تأثرى بيه انهم يرفعوا بانر عليه صورتى يوم تخرجهم فى نفس المكان اللى كان فيه حفلة تخرجى فى دار الدفاع الجوى. لو قلتلكوا انكوا رجالة هكون قللت من شأنكم.
عايز أوصل للناس ان وقفتكوا معايا ديه عندى بالدنيا و فى ذات حدها مكسب رهيب بالنسبة لى زى طلوعى من السجن بظبط.
من الأسباب اللى عايز أطلع عشانها انى أبوس على راس كل واحد فيكوا و أشكره.
أحبكم.
-عبدالرحمن الجندى