اسم السجين (اسم الشهرة) : علاء احمد سيف الاسلام عبد الفتاح حمد (علاء عبد الفتاح)
النوع الاجتماعي : ذكر
تاريخ تحرير أو نشر الرسالة : 9/14/2021
السن وقت الاحتجاز: 34 عام
الوظيفة – نشاط بالمجال العام: مدون ومبرمج – ناشط سياسي
مكان احتجاز المرسل : منطقة سجون طرة
أنا آسف اني قلقتك علي
ازيك يا ماما، انا اسف اني قلقتك علي.
الفترة اللي فاتت كانت صعبة قوي واحساس ان عمري كله هقضيه هنا مسيطر عليا أو على الأقل عمر اللي حابسني بدون داع ولا سبب. ومش عارف اتخيل دوري تجاه خالد هيبقى ايه لو فضلت أشوفه ثلث ساعة كل كام شهر لحد ما يبقى مراهق وخيالي مقفول تماما بالنسبة لأي شكل حياة بعد اللي انا فيه بس الأصعب هو استمرار الوضع ده، مقفول عليا ٢٤ ساعة مبعملش أي حاجة، مفيش ولا نشاط ذهني غير ماتش شطرنج واحد في اليوم، ويوم ويوم بطبخ. بس أنا برضه قوي وهستحمل عشان خاطرك انت ومش مثبتني غير عهد على نفسي ان أنا اللي هدفنك واتلقى فيكي العزاء مش العكس، ده دلوقتي التزامي الوحيد في الحياة. أنا بس مضغوط جدا الفترة اللي فاتت ومعزول بزيادة وامبارح كان يوم مرهق اخدوني حطوني انفرادي في الحبسخانة ورجعوني تاني من غير ما اتعرض وبعد ساعتين خدوني تاني والقاضي قال ايه شايف انه عمل جميلة فأنا انفجرت في وش الجميع لكن هجمد وهتماسك متخافيش عليا
بحبكم جدا جدا واحشني جدا جدا
علاء
