اسم السجين (اسم الشهرة) : محمد حسام الدين محمود علي (كالوشا)

النوع الاجتماعي : ذكر

تاريخ تحرير أو نشر الرسالة : 11/24/2014

السن وقت الاحتجاز: 18 عام

الوظيفة – نشاط بالمجال العام: طالب بكلية الحقوق بجامعة عين شمس

مكان احتجاز المرسل : منطقة سجون طرة

إحنا الحياة

*احنا الحياة*

رغم السجن والسجان والمخبر والمباحث , احنا الحياة , مبقاش يفرق معانا سجن ولا شارع الاتنين ظلم وقهر وضيقة , عرفت ناس جديدة اصحابى مجموعة المجهولين الجنائيين , فعلا عرفت من الحبسه مين الجدع ومين قليل الاصل , عرفت قد ايه ان فيه ثورة جاية بس احنا ملناش دور فيها , اتعلمت حاجات كتير فى حياتى العادية عرفت يعنى ايه تبقى كويس مع ناس لا يعرفوك ولا تعرفهم يقدروك ويهمهم امرك

فى اى يوم ابقى نازل فيه جلسة اصحى الاقى هدومى جاهزة فطارى جاهز والحمام فاضى انزل اروح الجلسة الاقيهم لما ارجع عارفين اللى حصل اصلهم بيفضلو ماسكيين الراديو وبيتابعو الاخبار عشان يعرفو حصل معايا ايه

بينى وبينكم عندى احساس ان انا هيتحكم عليا بس برضه الحمد لله على كل شئ انا مقتنع باللى انا عملته لأنى عملت الصح السكوت عيب

خدوا بالكم من نفسكم , سلمولى على كل واحد او واحدة جدع او جدعة

وأى حد زعلان منى بقوله أنا اسف

كونوا بخير واضحكوا احنا الحياة

كالوشا
سجن القاهرة “تحقيق” بمجمع السجون طرة عنبر 2 غرفة 2/12
24/11/2014
*المجد للمجهولين*