اسم السجين (اسم الشهرة) : محمد حسام الدين محمود علي (كالوشا)

النوع الاجتماعي : ذكر

تاريخ تحرير أو نشر الرسالة : 8/16/2015

السن وقت الاحتجاز: 18 عام

الوظيفة – نشاط بالمجال العام: طالب بكلية الحقوق بجامعة عين شمس

مكان احتجاز المرسل : منطقة سجون طرة

من كالوشا لكل من عمل في مائدة الشهداء

من كالوشا لكل من عمل في مائدة الشهداء و ساهم في نجاحها للمرة ال٣
اولاً ، اسف اني مش بعت ليكم بدري الجواب دا ، او الرسالة دي بس التأخير دا كان غصب غني و اللي متابع القضية اللي انا فيها اكيد عارف اني كنت بقضي اخر ايام رمضان في اسخن مكان في العالم

ثانياً، الحمد لله اكيد المائدة إنتهت علي خير ، عموماً انا ماعرفش غير تفاصيل صغيرة عن المائدة نظراً لقله الاصدقاء ، متستغربوش دي حقيقة انا عايش فيها جوة السجن، بس الحمد لله عشان ربنا عارف و متأكد من صدق نوايا و اهداف المائدة انتهت علي خير.

ثالثاً ، بشكر كل شباب اللي نزلوا اشتغلوا في المائدة و الناس اللي ماعرفهومش اللي ساهموا بالتبرع او المجهود ، من قلبي ليكم شكرا انكم خليتوني بضحك

رابعاً، اتمني من الناس اللي ماكنتش تعرف عن المائدة حاجة ، و لسة شايفة او سامعة عن المائدة حاجة السنة دي ، اتمني تكونوا عرفتوا و اتعلمتوا اهم شيء في المائدة ، مش هقول هي اية ؟

خامساً ، شكراً للاشخاص اللي كانت شايلة المائدة علي كتفها و الناس اللي مهتمة بأمر و شوؤن المائدة

خالص الشكر و التحيات من داخل سجن طرة القاهرة

كالوشا
المجد للمجهولين