اسم السجين (اسم الشهرة) : محمد شريف السيد متولي حجاب (محمد شريف)

النوع الاجتماعي : ذكر

تاريخ تحرير أو نشر الرسالة : 4/13/2014

السن وقت الاحتجاز: غير معلوم

الوظيفة – نشاط بالمجال العام: عضو بحركة 6 أبريل

مكان احتجاز المرسل : منطقة سجون/تأهيل وادي النطرون

قضاء مصر الشامخ من أيام سيدنا يوسف

قضاء مصر الشامخ من أيام سيدنا يوسف عدى اكتر من 75 يوم وداخلين على 90يوم فى سجون العسكر التجديد السادس ولسه كل حاجه ماشية (بالتعريض)الاخوان خرجوا والمعترفين واحنا لسه بيتجددلنا ليه ؟علشان احنا فى دولة حريات وأخر مؤسسة نزيهه فيها هى القضاء ذلك القضاء الموكل بتطبيق عدل الله فى الارض بس تقول لمين بقى الكلام ده مصر بتاريخها العظيم من الديكتاتورية تقريبا مشافتشى ايام زى أيامنا دى من غياب العدل تقريبا أيام سيدنا يوسف حصل نفس الكلام وفى قصة سيدنا يوسف كلنا عارفين أن امراءة العزيز كانت بتراوضه عن نفسه بس بما انو نبى يوحى اليه رفض المهم انهم احتكموا والشهود من أهل الست . وأثبتو براءة سيدنا يوسف بس بما اننا فى مصر وبما ان الست جوزهايبقى عزيز مصر او زى ما بيقول الفيلم (عندهم قرايب مهمييين) أتحبس سيدنا يوسف مع انه معملشى حاجه وبما انه نبى برضه صبر وقال ان السجن احب اليه وانه راضى باابتلاء ربنا طبعا بعد القصة دى لازم تسئل نفسك ليه ربنا ساب كل دول العالم واختار ان سيدنا يوسف يتظلم فى مصر !!! أكيد الحكمة من القصة دى ان ربنا يثبتلنا قد أيه أننا عندنا أكتر قضاء شامخ فى العالم أحنا كمان السجن أحب الينا من اننا نتحكم بفاشية عسكرية كل هدفها هو ترسيخ عسكرة الدولة والقضاء عل حلم الديموقراطية والدولة المتقدمة اللى بنحلم بيها رحم الله السنهورى فبعد ضربه فقد القضاء هيبته . أبطال 6أبريل حركة المقاومة المصرية كل سنة وانتو رجالة وعلى العهد مكملين#‏أحنا_الصوت_لماتحبو_الدنيا_سكووت كل الشكر والتقدير لكل من أهتم بقصايا المعتقلين فى سجووون العسكر وقضيتنا بشكل خاص واخص بالشكر 1-أستاذة هالة شكر الله :-رئيس حزب الدستور 2-علاء وسناء ومنى سيف 3-رشا عزب 4-حزب مصر القوية 5-جبهة طريق الثورة -وحركة 6 أبريل الجبهة الديموقراطية -والاشتراكين الثوريين وأخيرا أهلى ورفاق دربى 6أبريل.