اسم السجين (اسم الشهرة) : مريم عماد الدين ابو ترك (مريم ترك)

النوع الاجتماعي : أنثى

تاريخ تحرير أو نشر الرسالة : 8/19/2015

السن وقت الاحتجاز: 29 عام

الوظيفة – نشاط بالمجال العام: ربة منزل

مكان احتجاز المرسل : سجن بورسعيد العمومي

بجد كان يوم صعب عليا

بجد كان يوم صعب عليا وعلينا كلنا وانا تعبت يوم الأربعاء اللی فات قمت من النوم بنص وشی معوج ورجلی مش بتتحرك ولا بكلم خالص وكنت فی حالة توهان وكل شويه يغمی عليا لحد لما كشفت وطلع ضغطی عالی واخدت علاج للضغط وعلاج لمنع الجلطه ومن يومها وانا كل شويه بيغمی عليا وضربات القلب سريعه جدا جدا يعنی بكون قاعده واجی أقف يحصلی كده بجد نفسيتی تعبت جامد اوی بسبب الموضوع ده انا زعلانه من نفسی علشان الموضوع ده
انا الوقتی ماشيه علی علاج الضغط بس الدكتور قالی من النفسيه وإن الضغط عصبی وممكن يعملی جلطه
انت عارف يوم ما تعبت فضلت من الصبح لحد الضهر مش بتحرك خالص ولا بكلم كان فعلا حالی صعب وصعب عليا نفسی
وحبيبه وفاطمه شيلنی بس قدر الله وما شاء فعل الحمد لله إن هی جت علی قد كدا بجد انا محتاجه دعائكم اوی انا يوم الزياره وقعت واغمی عليا وعادل فضل مخاصمنی ومش راضی يكلمنی علشان وقعت وفضل يعيط هو ورغد
بس الحمدلله وهو ماشی كلمنی وقالی ماما حبيبتی
رغد النهارده كملت خمس سنوات ربنا يحميها ویحففظها وقولها ماما بتقولك كل سنه وانتی طيبه ياقلب ماما
المهم رغوده بقت مشاء الله زی العسل وعادل مشاء الله عليه
بجد ربنا يحميه ويحفظه من كل شر وياريت لو تحفظ رغد القرآن ياريت لو توديها تحفظ القرآن عند حد ضروری شوف الموضوع ده