اسم السجين (اسم الشهرة) : عمر عبد الحافظ علي البدراوي (عمرو البدراوي)

النوع الاجتماعي : ذكر

تاريخ تحرير أو نشر الرسالة : 12/29/2013

السن وقت الاحتجاز: 17 عام

الوظيفة – نشاط بالمجال العام: طالب ثانوي

مكان احتجاز المرسل : قسم شرطة دكرنس

كل شوية تعذيب وضرب وإهانة

ماما.. إزيك اولا .. يارب تكونى كويسه .. ابقى أدى الجواب ده لأختى الكبيرة تقرأه بصى يا ستى .. أنا اترحلت يوم الأربعاء اللى فات .. المهم اليوم ده كان يوم زياره ,, اول لما خلصتى الزياره قالوا كل اوضه رقم “1” تلم حاجتها ,وكل الاوضه دى اخوان ,, وبعدين طلعنا كلنا الطرقه وكهربونا بالصاعق ,, فرقونا “كل شويه ف اوضه” …وانا ف اوضه “1” ومعايا “4” غيرى,, وكل شويه تعذيب وضرب واهانه والصراحه اتبهدلنا وبننام على بطننا اول لما الظابط يخش علينا وبيهددونا ان احنا منتكلمش ف السياسه او الدين,, يا إما هيعملولنا قضيه مخدرات ودى فيها 5 سنين سجن لو ثبتت علينا ,, فكلنا قررنا نعمل اضراب عن الطعام وهما لما عرفوا كدا نزلولنا المباحث والرشطه ووكلوهم بأن هم هيمضونا ان احنا تبع الاخوان وتبع جماعه ارهابيه,, وورونا ف الجرايد ان فيها 5 سنين سجن وقالولنا ان احنا هنتعذب., بس انا لسه مضرب عن الاكل من يوم 26/12/2013 المغرب ولسه مكلتش حاجه وانا عايزك تعرفى الدنيا كلها وتنشروا ع النت كدا ان معتقلين دكرنس عاملين اضراب لغايه م يعاملونا كويس ويجموعنا تانى……….. متزعليش ياماما تانى بس مش عايزك تيجيلى زياره تانى ف دكرنس عشان خاطرى ,, وكلى ومتعمليش زييى انا دلوقتى بأدى رسالتى وانتى لازم تأدى رسالتك برا وسلميلى على اخواتى وادعى ان ربنا يصبرنا ويثبتنا ولو عايزانى ابقى كويس كلى ومتجيليش زياره هنا تانى خالص بحبك ياماما ,, لا إله إلا الله