اسم السجين (اسم الشهرة) : عمرو عاطف عبد الخالق شاهين (عمر عاطف)

النوع الاجتماعي : ذكر

تاريخ تحرير أو نشر الرسالة : 4/14/2014

السن وقت الاحتجاز: غير معلوم

الوظيفة – نشاط بالمجال العام: طبيب

مكان احتجاز المرسل : سجن الحضرة العمومي

عندما تصبح الزنزانة نعمة

عندما تصبح الزنزانة نعمه !! انه يوم الاستئناف على مده الحبس فالمحكمه، اكتر واحد مضرور هو المتهم الغلبان، وهو اكتر واحد ملوش دعوه باليله هو المتهم، على الرغم أن الليله دى كلها مفتعلة عشانه، بس هو مالوش دعوه بأى حاجه وبيبقى يوم غم 🙁 🙁 من أول الصحيان مبكراً والقلق، والكلبشه ويفضلوا متكلبشين طوول اليوم، حتى عربيه الترحلات ورائحتها الكريهه وزبالتها وقرفها. لغاية زنازين المحكمه، عباره عن صفيحه صغيره مليئة بالزباله وقذره جدا جدا ومكانها تحت الأرض ومكتوومه كتمه سوده 🙁 🙁 وبيحطوا السياسى على الجنائى أو ممكن يفصلوهم حسب مزاجهم ورائحه السجائر الرهيبه. مش ساعه ولا اتنين.. تستمر طوال اليوم، دا غير اللطعه وطيله الإنتظار مش عارفين هنطلع امتى ولا حتى المخبرين عارفين ان حاجه، قاعدين من 6 ل7 ساعات مستنين ينادوا علينا . لا عارف تفرد ظهرك ولا تنام لأن مفيش مكان تقف أساسا، ورائحه السجائر البشعة من الجنائين والخناقات وصووت عالى وضرب واهانات، وفى لقطة برده طيب لو حد عايز يدخل الحمام وهو متكلبش فزميله يتصرف ازاى؟؟ طبعا هو لامؤاخذه بيدير وجهه وانت بقى يا معلم تتصرف زى ما انت عايز 🙂 🙂 فضايح يعنى . طبعا الوضع فالمحكمه زى المديرية كلها ماشيه بالفلوس يعنى ممكن لو معاك فلوس تعطى المخبر ويفك الكلبش لحد ما تصرف نفسك أو تكلم أهلك وبعد يوم البهدله ده تطلع تقف أمام شخص يدعى قاضى، خمسه دقائق !!! طبعا فى نهايه اليوم ده على الرغم انه تغيير جو طبعا ده التغيير للجو بالنسبه لينا يعنى شوفنا شارع وبحر من وراء شباك عربيه الترحيلات . الواحد بيبقى نفسه يرجع زنزانته فى أسرع وقت ممكن .. بعد اليوم دا بتبقى الزنزانة رااحه !!! ترجع تدخل حمامك :):) القرفصاء ده 🙂 وتقعد براحتك تاكل لقمه، وتفرد جسمك وتنام !! وهكذا تصبح الزنزانة نعمه !! عمرو عاطف 14-4-2014 سجن الحضره زنزانة 4