اسم السجين (اسم الشهرة) : احمد عادل حزين (احمد عادل)

النوع الاجتماعي : ذكر

تاريخ تحرير أو نشر الرسالة : 6/9/2014

السن وقت الاحتجاز: 19 عام

الوظيفة – نشاط بالمجال العام: طالب بكلية صيدلة بجامعة المنصورة

مكان احتجاز المرسل : منطقة سجون جمصة

يعنى ايه حرية ؟!

بسم الله الرحمن الرحيم
بعد السلام والتحية -السلام عليكم ورحمة الله وبركاته –

الى كل اصحابى واصدقائي الاعزاء _ابعث اليكم برسالتى هذه من داخل سن جمصة -شديد الحراسه – عاوز اقول لكل الناس حاجة بسيطة جدا هو سؤال كدا كان نفسي اعرف اجابته من زمان بس مش عرفت الا اما دخلت السجن السؤال هو ….

يعنى ايه حرية ؟! وايه مفهوم الحريه اللى انت عرفه ؟! او ايه معلوماتك عن الحرية ؟!
سؤال فى غاية الاهمية ياترى هى الحرية ان ابقى حر نفسي واقول رايئ وان امشي فى الشارع مش اخاف والكلام دا هى دى الحرية اللى احنا عاوزينها طيب تمام هخلينى معاك للاخر طب افرض الشخص اخرس مش بيتكلم يبقى كدا مش حر مثلا ؟؟؟!! ماهو لو مفهوم الحرية اللى احنا عاوزينها كدا يبقى الناس دى مش هتبقى احرار طيب وبعدين ؟!! عذرا ياشباب والله ثم والله اذا مفهومنا لمعنى الحرية لهو خاطئ اذا كانت حرية دنياوية الحرية الحقيقية هى (الحرية مع الله عزوجل )هى دى لحرية لانك ول ماانت مع الله حر ستجد كل الامور الدنياوية ميسره لك بمعنى …ان احمد ربنا ع كل شئ اعطه إلى وانا اشكره ع نعمته عليا وعشان كدا بطلب من كل شخص انه يجدد نيته مع الله عزوجل فى كل شئ يفعله حتى ابسط الاشياء

معلشى انا عارف انى طولت عليكم _ وبالنسبة للسجن فهو تربية للنفس والله العظيم ماشعرت براحه ولا طعم الحرية الا فى السجن وصدقونى عمر السجن ماكان ذل وقهر والله رغم كل ماتلاقيته من ضرب واهانات الا والله انها لم تؤثر عليا بشئ من خوف او ماشابه ذلك لان *عمر السجن ماغير فكره * *وعمر الظلم ماقوم دولة * وكمان انا عارف ان فى ناس فرحت فى سجنى دا وناس زعلت بس والله مازعلان من حد وكلكم اخواتى وحبايبى وبعدين هانت والله ان شاء الله وبعدين *من ظن ان الباطل سينتصر ع الحق فقد اساء الظن بالله ويقول تعالى “ولاتحسبن الله غافلا عما يفعل الظالمون ” صدق الله العظيم

وفى النهاية ادعوا الله ليا واياكم ان يرشدكم ويهديكم الى طريق الحق ان شاء الله والسلام عليكم ورحمة الله وبركاته