اسم السجين (اسم الشهرة) : البراء الجمل

النوع الاجتماعي : ذكر

تاريخ تحرير أو نشر الرسالة : 7/18/2014

السن وقت الاحتجاز: قاصر

الوظيفة – نشاط بالمجال العام: –

مكان احتجاز المرسل : المؤسسة العقابية للأحداث بالمرج

الجمعه 18/7

الجمعه 18/7 صحينا النهاردة صلينا الجمعه وخالد شتا خطب الجمعه وكملنا بقية اليوم و صلينا المغرب وكنت الإمام فدعيت على (c.c) و رؤساء المباحث و الظالمين أجمعين وعلى اليهود ودعينا لغزة و اهلها ولحماس وسمعت و أنا بدعي الظباط و العساكر بيتريقوا علينا و بعد ما خلصنا صلاه المغرب فتحوا الباب و سئلوا مين اللى كان بيصلى فقلتلهم فضلوا يتريقوا ويقولوا “صلاتكو غير مقبوله ودعاء المسلم على المسلم لا يقبل ” فقلت له يجوز الدعاء على الظالمين و الدليل على كده الصحابه دعوا على الحجاج . فقالى الحجاج دا مسلم اصلا ! فقلت ايوه ودا كان خليفه يعنى ذى ال c.c بالظبط. فلقيته سكت و فضل يشتم ويهددنا يقعدنا مع الجنائين وقفل الباب ومشى. قال تعالى: (ليحق الحق و يبطل الباطل) قال قائل: (ظهر الحق وزهق الباطل إن الباطل كان زهوقا ) النهارده الصبح دخلوا علينا وقالوا كله يلم حاجته وشتموا فينا وبعد كده اخذونا وودونا على السجن الجنائى وقالوا لنا عشان تبقوا تدعوا علينا وعلى الc.c فردينا عليهم ” بحسبي الله ونعم الوكيل ” ودخلنا وفرشنا الارض اللى هنام عليها *معلومه الجنائيين مابيصموش وبيشربوا سجاير و مخدرات العساكر وامناء الشرطه هما اللى بيدخلوا لهم المخدرات وبيشربوا طول اليوم واحنا صايمين .. حسبى الله ونعم الوكيل