اسم السجين (اسم الشهرة) : محمود سيف

النوع الاجتماعي : ذكر

تاريخ تحرير أو نشر الرسالة : 9/30/2014

السن وقت الاحتجاز: غير معلوم

الوظيفة – نشاط بالمجال العام: طالب بكلية هندسة المطرية بجامعة حلوان

مكان احتجاز المرسل : منطقة سجون طرة

حياتنا اغلي من حرياتنا

امبارح حصلي حالة مفاجأة من ترجيع الدم وبعدها حالة من الاغماء .. فضلت قرابة الثلاث ساعات مرمي في الزنزانة حتى تضاعف الوضع معى من العرق الشديد ورعشة بالجسد وبروده بالجسم .. الى ان اصبح العنبر كاملا بيخبط على ابواب الزنازين لحد ما ظهر عشرين الف واحد معرفش ليه … حاولوا ايقافى ولم يستطيعوا .. فحملني اربعة منهم وارسلونى الى العيادة. لم اعرف من هم ولا كيف حملوني ولكني لم اتذكر الا ألم حملهم لى .. جاء الطبيب وكنت قد دخلت فى حالة من الغيبوبة. بدأت افوق وهو بيقول لرئيس المباحث: الحالة دي لازم تتحول بشكل سريع لمستشفى طرة العمومي (يعنى مستشفى ليمان طرة). اطلبله الاسعاف تيجى تخده؟ رد عليه قائلا: سيبهم ولا تعالجهم حتى. دول احنا عوزين نموتهم ونخلص منهم اصلا .. استدار الطبيب وبدأ يعلق لى محاليل طبية. للأسف، هو الشيئ الوحيد الذى كان موجودا بالعيادة. بدأت ان اتمالك نفسى فشديت خرطوم المحلول وقلت له لو عاوز تعطينى اى رعاية طبية من الاشياء الضعيفة التى لديكم اثبتلى اضرابى أولا، ولا تضيع حقي وحق باقي الشباب المضربين. اقسم انه مش بايده ودى أوامر جيه من فوق من المأمور ورئيس المباحث. قولتلهم خلاص شيلوني ودونى للمأمور او جيبوهولى هنا. فذهب الشاويش للمأمور ورجع الشاويش وبكى وهو يكلمنى ويرى حالتى وقال ده احنا الى سيبينه 3ساعات علشان كان مات وريحنا منه، هو محمود ده كل شويه هيعملنا وش فى دماغنا هو وحبة العيال اللى فوق … فقلت للشاويش: روح قول للمأمور احنا مش هنموت وهنظل شوكة فى ظهرك وظهر اسيادك لن تستريحوا ما دمنا احياء، واعرف ان العيال الى انت بتتكلم عليهم دول هم انضف منك وهيوروكم الى عمركم ما شوفتوه فى حياتكم … ذهب الشاويش ولاننى اعلم انه يحبنى اخبرنى انه ابلغ المأمور وانا اعلم انه لم يذهب اليه اصلا. كان فى هذا الحوار الدكتور و7شويشية وضابط هو قائد العنابر لم ينطق ببنت شفه لكنى اعتقد انه سيبلغ المأمور بما جرى … ثم جاء اﻻشويشية مرة اخرى وحملونى الى زنزانتى مرة اخرى ولم يقدر واحد منهم على التفوه بكلمة واحدة من قذارة ما شاهدوه من ضباطهم .. لابد ان يعلموا انهم امام جيل من نوع فريد ليس من المعتاد التعامل معه …
اسم المأمور : #احمد_عبدالرازق
اسم رئيس المباحث : #محمد_العشرى
السجن طرة استقبال