اسم السجين (اسم الشهرة) : محمد مصطفي محمد عرفات (محمد عرفات)

النوع الاجتماعي : ذكر

تاريخ تحرير أو نشر الرسالة : 10/11/2014

السن وقت الاحتجاز: 22 عام

الوظيفة – نشاط بالمجال العام: طالب بكلية الصيدلة بجامعة المنصورة – رئيس اتحاد كلية الصيدلة

مكان احتجاز المرسل : منطقة سجون طرة

زى انهارده كنا فى الاتحاد كلنا مشغولين بالدفعه الجديدة

زى انهارده كنا فى الاتحاد كلنا مشغولين بالدفعه الجديدة ، مشروع الادوات اللى بداناه من 3 سنين عشان نوفر عليكم مبلغ كبير ومجهود كبير ، المذكرات الى كنا بنعملها ، الشرح فى المدرجات ، الحفلات الفنية …
زى انهارده كان يومنا كله شغل فى استقبال حضراتكم
خدمتكم والتعب عشان راحتكم كانت حياتنا ، زى الماية والهوا بالظبط

انهارده بقى قاعد فى قفص ضيق وطويل مع مجموعة شباب زى الفل منتظر ادخل زيارة علشان اشوف اهلى ربع ساعه … قاعد بفتكر فى بداية الدراسة وشغلها ،بتمنى لو كنت معاكم وبينكم نساعدكم ونخدمكم لكنى راضى والحمدلله بقضاء الله ، احنا هنا برضه بنخدمكم
ده اول يوم لكم فى الكلية ، اسئلوا عن سنة فاتت وقف فيها الرجاله يدافعو عن حقوقكم وحرية اخوانكم ، اسئلوا عن ادارة هتظهر نفسها وكانهم ارحم الناس بيكم وهما الظالمين ، فصلوا وسجنوا وسرقوا .
اتمنى ليكم من كل قلبى حياة حرة عزيزة ،استفيدوا بوقتكم ،متخافوش غير ربكم … قريب ان شاء الله هنخرج ونحكيلكم … هتفرج