اسم السجين (اسم الشهرة) : محمد حسام الدين محمود علي (كالوشا)

النوع الاجتماعي : ذكر

تاريخ تحرير أو نشر الرسالة : 12/30/2014

السن وقت الاحتجاز: 18 عام

الوظيفة – نشاط بالمجال العام: طالب بكلية الحقوق بجامعة عين شمس

مكان احتجاز المرسل : منطقة سجون طرة

ها قد مرت سنة 2014

بسم الله الرحمن الرحيم

ها قد مرت سنة 2014 مما تحمله من مساوئ و افراح واحزان
سنة قد اتي فيها حاكم لمصر “عبدالفتاح السيسي” لم يتغير اسلوب ونظام الحكم في مصر بعد ثورة 25 يناير

سيبكم بقي من الكلام المجعلص اللي فوق دا “كل سنة وانتوا طيبين يا ناس يا كويسة”

Happy New Year

اتبسطوا بقي وودعوا سنة 2014 و ابدأوا سنة جديدة تكون جميلة و حلوة
اعرفوا اني اه محبوس بس بحتفل معاكوا بالسنة الجديدة وانا جوا السجن

خدوا بالكم من نفسكوا و من اللي بتحبوهم انسوا اي حاجة تضايقكم وانتوا بتحتفلوا
حاولوا تفصلوا عن الواقع الكام ساعة دول متقلقوش عليا انا كويس الحمد لله وبخير مش ناقصني غير اني اخرج من السجن وابقي وسطكوا

الجو برد برا اكيد كان نفسي احضر الشتا بس اكيد ان شاء الله ربنا له حكمة في حبسنا

يلا مش هطول عليكم اتبسطوا واتبسطولي معاكم سلام

*قابلوا السنة الجديدة بابتسامة*

“كالوشا ” 30/12/2014
سجن طره تحقيق عنبر 2 أوضه 12/2