اسم السجين (اسم الشهرة) : اسراء عبده علي فرحات (اسراء فرحات)

النوع الاجتماعي : أنثى

تاريخ تحرير أو نشر الرسالة : 6/5/2015

السن وقت الاحتجاز: 18 عام

الوظيفة – نشاط بالمجال العام: طالبة ثانوي

مكان احتجاز المرسل : سجن بورسعيد العمومي

احنا هنا بنتأقلم بصعوبة جدا

“- احنا هنا بنتأقلم بصعوبة جدا.. لا المكان الي احنا فيه دا بتاعنا ولا يشبهلنا.. احساس ان الواحد مقيد دا احساس صعب أوي- أنا آسفة جدا لكل وحدة معتقلة مكنتش حاسه بيها.. احساس العجز والحيرة وأوقات الوحدة والخنقة ده احساس صعب جدا- الحرية دي حاجة حلوة أووي بس ميعرفش قيمتها غير اللي زينا
– عارفة كل الشعارات اللي بنقولها برا دي كلها ‫#‏بلح‬- مفيش حاجة اسمها براح ولا حرية في سجن !
– عمر السجن ما كان حرية..
– انا مفتقدة حاجات كتير أوي.. فين الحرية بقا في كل دا؟
– بالله عليكي خلي الناس الي برا تبطل شعارات فارغة.. لما نقول حاجة لازم نكون حاسين بيها..
– وصليلهم يغيروا افكارهم شوية ويحسوا بينا عالأقل
– برغم كل حاجة بتحصل هنا وكل احساس عجز بنحسه و كل لحظة أمل عشناها.. الا اننا صابرين جدا على فكرة وراضيين بكل حاجة الحمد لله.. ده قضاء ربنا يعني كله خير :‘)
– ماتنسوناش بس أهم حاجة.. وخليكوا فاكريننا..
– الواحد فعلا خايف من حتة النسيان دي.. اوعوا تنسونا.. احنا متشعلقين بيكوا و حاطين أملنا عليكو
– تهادوا الحب غيبا بالدعاء.. خلي كل الي بيحبنا يدعيلنا”