اسم السجين (اسم الشهرة) : حمدي قشطه

النوع الاجتماعي : ذكر

تاريخ تحرير أو نشر الرسالة : 5/16/2016

السن وقت الاحتجاز: غير معلوم

الوظيفة – نشاط بالمجال العام: صاحب شركة

مكان احتجاز المرسل : سجن الجيزة المركزي بالكيلو 10 ونصف

بالضحكة نبدأ

بسم الله الرحمن الرحيم ههههههههههههههه بالضحكه نبدأ انت ياض يا جدع و انتى يا بنت يا جدعه … ايه فى ايه بعد حكم امبارح طبيعى جدا الشباب تكون زعلانه و متضايقه جدا لكن اللى مش طبيعى انكم يكون رد فعلكم كسره و يالهوى و الكلام ده و انكم مصدومين و يأس و احباط لالالالا مينفعش الكلام ده هههههههههه (اخشوشنوا) حبيبى ياللى فى بالىلازم تعرفوا اننا لما بنضعف بنفتكر ان فى رجاله و بنات بره لسه ثابتين و متكسروش و مش هييأسوا احنا خلاص محبوسين و ده هم ربنا يعينا عليه لكن انتم الله يكون فى عونكم همكم مضاعف هم هو همنا و هم الثوره و هم البلد غير اصلا هموم الحياه افهموا كويس اللى اهم من اننا نخرج و اهم من انكم تثبتولنا انكم مش ساكتين هو انكم تفضلوا بره مش تدخلوالنا هنا فكروا شويه اكتر احنا مش عاوزين نزيد جوه و ده مش هيساعد فى حاجه اكتر من انه هيضر الجميع بره و جوه … اللى عاوزينه بجد انكم تحافظوا على نفسكم بره و متيأسوش ولا تخافوا ولا تنكسروا هى معادله صعبه لازم تعملوها و اوعوا تنسوا القاعده اربع حيطان و سقف و باب حديد رعبهم و نضالنا و الحريه اكيد ادعولى الخميس اللى جاى و هههههههه بالضحكه نختم