اسم السجين (اسم الشهرة) : حمدي قشطه

النوع الاجتماعي : ذكر

تاريخ تحرير أو نشر الرسالة : 7/21/2016

السن وقت الاحتجاز: غير معلوم

الوظيفة – نشاط بالمجال العام: صاحب شركة

مكان احتجاز المرسل : سجن الجيزة المركزي بالكيلو 10 ونصف

من أجل حريتي 

بسم الله الرحمن الرحيم من أجل حريتي واحشاني جداً يا حريتي و أعرف كويس إنه مينفعش تتقيدي أو مش أشوفك حتى لو كلفني موتي انت تستحقي ده، حرية الأرض الأرض تستحق ده عدم التفريط في أرضنا يستحق ده سماع صوت عياطك و أنت لسو صغيرة يستحق ده اتأكدي إني هوصلك و هعيشك و هحضنك إعرفي إني رافض أتحبس و اتحاكم في قضيتين بتهمة واحدة تهمة إني رفضت بيع أرض البلد و قولت إنهم مصريتين آه والله متستغربيش الأرض إللي استشهد فيها و اتأسر جنود زيي و زيك يا حرية مصريين و عايزك تكوني متأكدةتكوني متأكدة تماماً إنهم فعلاً مصرييتين دم الجنود إللي استشهدوا فيها هو إللي قال قبل ما يقول الورق و التاريخ و المواثيق و الاتفاقيات. و بعد كدة حكم محكمة أكد إنهم مصريتين ولا يجوز التفريط فيهم. و رغم كل ده اتحكم عليا بـ 3 سنين و مائة ألف جنيه يا حرية أصلاً قالولنا زمان إن الدفاع عن أرض الوطن واجب و شرف. و قالولنا دلوقتي إنك موجودة و كفولة في الدستور، و رغم كدة لما بنعتمد على وجودك بيحبسونا و خلي بالك يا حرية معنديش غير السلمية طريق ليكي و خلي بالك يا حرية السلمية طريقك و مبدأك و يهون أي شيء في سبيل إني أعيشك و أحضنك بصي أنا قررت و أضربت عن الطعام من النهاردة الخميس 21/7/2016 الساعة 12 منتصف الليل يا إما أموت أو أعيش بيكي و ليكينا مصري بدافع عن أرضي، مكاني مش السجن أنا مضرب من أجل حريتهو أولاً و أخيراً موكا.”