اسم السجين (اسم الشهرة) : جعفر ابراهيم الزعفراني (جعفر الزعفراني)

النوع الاجتماعي : ذكر

تاريخ تحرير أو نشر الرسالة : 8/10/2016

السن وقت الاحتجاز: غير معلوم

الوظيفة – نشاط بالمجال العام: –

مكان احتجاز المرسل : منطقة سجون طرة

خصوصية السجن

خصوصية السجن!
احد اكتر الحاجات بتضايق فى السجن
انه مفيش حاجة اسمها خصوصية
وقد ايه ده حاجة مؤلمة جدا للناس الي تعودت علي قدر كبير من الخصوصية
مفيش لا وقت ولا مساحة ولا حتي لامؤاخذة حمام تقدر تشعر بالخصوصية فيه

…
علاوة علي كدة تخيلوا انكم قاعدين مع 12 نفر للمدة 22ساعة وممكن تقفلهم 24 ساعة لاجل غير مسمي
البني قادم بيتجرد قدامك من كل الاقنعة الي بتجمل سلوكياته و تعاملاته فبتشوف الطيب جدا الي فيه والوحش جدا الي فيه برضو …
واحيانا بيصل بيك الحال انك متبقاش عارف تعيش مع شخص لكنك مجبر انك تقوم الصبح تتصبح بوشه ..
بس عشان مقفول عليكم زنزانة واحدة
ساعات بتخيل في احلام اليقظة اني لما اتخنق ممكن اخرج اتمشي شوية ده بيبقي بليل طبعا لما اكون بره بس هنا مبعرفش اصل الباب مبيفتحش من جوة …..
الحمدلله
برضو صابرين و مكملين لغاية لما اللطيف يأذن
البوست ده غرضه التوثيق بس والله مش قصدي اقلب المواجع ولا حاجة
‫#‏من_داخل_المعتقل