اسم السجين (اسم الشهرة) : مصطفي جمال عوض

النوع الاجتماعي : ذكر

تاريخ تحرير أو نشر الرسالة : 3/27/2017

السن وقت الاحتجاز: غير معلوم

الوظيفة – نشاط بالمجال العام: –

مكان احتجاز المرسل : منطقة سجون طرة

حقنة غلط في الوريد

ادوني حقنة غلط في الوريد عشان يوقفوا النزيف قبل ما أروح المستشفي وفضل النزيف شغال وجالي هبوط حاد ولما قاسولي السكر لقوه( 470) ودخلت في غيبوبة راحو حولوني المستشفى.
ولما روحت هناك دخلوني العناية المركزة ولما السكر والضغط ظبط خرجوني من العناية لكن النزيف بردو فضل موجود !
ولما كشفت عند دكتور مسالك قالي عندك تضخم في الكبد وتضخم في الطحال بنسبة كبيرة وفي إرتجاع في الكلية الشمال وتضخم في جدار المثانة وإحتمال إن تضخم جدار المثانة يكون نتيجة سرطان ولازم تعمل اشعة بالصبغه علي المثانة و أشعة مقطعية ضروري جداً ولما قولت لاستاذ مجدي مدير العيادة إني لازم أعمل اشعة وهدفع أنا فلوسها قالي لازم دي احنا اللي نقول عليها ونحددها ولو مسكتش هرجعك السجن تاني.