اسم السجين (اسم الشهرة) : عصام مهدي

النوع الاجتماعي : ذكر

تاريخ تحرير أو نشر الرسالة : 7/31/2017

السن وقت الاحتجاز: غير معلوم

الوظيفة – نشاط بالمجال العام: –

مكان احتجاز المرسل : قسم شرطة المنشية

المساحة لما بتضيق

المساحة لما بتضيق بيتبقى مشاركة الوقت ده مع حد قريب اهم من اي حاجه ثانية … مش هبقى سطحي واحكم علي مسافتك مني بفرق سن أو مكان سكن …. الاختلاف الحقيقي هيبان وقت ما الحيطان تضيق عليا هلاقيك فين … هتنط من الاوضة لما تحس بخطر ولا هتقف تقسم معايا الوجع … هتنفخ دخان ياكل شوية الهوا النضاف الباقيين ولا هتحاول تدي فرصة لسرقة شوية هوا نضاف … هتقابل محاولات تلوين الرمادي بشوية ورق ملون بيتلزق علي حيطان بايشة بانه مش هيغير من السواد حاجه ولا هتلاقيك بتزود لون جديد … هنقفل حوار خلص ولا هنلف حوالين امبارح واول امبارح واول اول امبارح …بعرف اقف لوحدي والحمد لله بمشي لوحدي … بس تاني الشريك القريب نعمة … يوعد الكل بواحد 🙂 .
حجز المنشية 31/7/2017