اسم السجين (اسم الشهرة) : نائل حسن

النوع الاجتماعي : ذكر

تاريخ تحرير أو نشر الرسالة : 10/18/2017

السن وقت الاحتجاز: غير معلوم

الوظيفة – نشاط بالمجال العام: –

مكان احتجاز المرسل : قسم شرطة الرمل أول

أصدقائي الأعزاء

أصدقائي الأعزاء: وحشتوني جدًا جدًا جدًا..
في البداية عايز اطمنكم عليا، أنا الحمد لله كويس، ربنا مصبرني ولسه رافع راسي، رفم وجودي في السجن، “مش حبقي مواطن صالح”
الحقيقة أنا عايز اتكلم على آخر خبر وهو العملية الإرهابية اللي حصلت يوم الاثنين في وسط العريش، وادت الى استشهاد بعض جنود الشرطة، وأحد أفراد الأمن الإداري، ومواطنة مصرية..
أنا مش حتكلم عن تفاصيل موجودة في كل الجرايد ” حتى الجرايد الـ….” لكن أنا عايز اسأل شوية أسئلة وعاوزكوا انتوا تبحثوا عن الإجابات.
س: كيف وصلت “مجموعات” إرهابية إلى وسط العريش؟
س: كيف استطاعت تلك المجموعات الدخول لمقر البنك الأهلي ثم الخروج منه عقب الاستيلاء على مبلغ 17 مليون جنيه؟
س: ماهي الفترة الزمنية التي استغرقتها العملية حتى خروج العناصر الإرهابية؟
س: كيف استطاعت تلك المجموعات أن تلوذ بالفرار من وسط العريش حتى المناطق الصحراوية؟
س: أين كانت العناصر الأمنية من جيش وشرطة أثناء فترة تنفيذ العملية الإرهابية؟
طبعًا أنا مش حتكلم عن دور أمن الدولة علشان هم مش فاضيين للكلام ده، وهم عندهم دور أهم وأعظم، وهو القبض على الشباب من معارضي النظام، وتلفيق التهم لهم وتزوير القضايا من أجل الزج بهم في السجون “زى حالاتي”..
وفي النهاية وعقب الإجابة عن الأسئلة لازم نحاسب امي وأمكم لأن الأمن والسيطرة على أرض سينا وتوافر الجماعات الارهابية ده من اختصاص أمي وامكوا.
المهم دلوقتي حاجة واحدة، هي انك توقع على استمارة “علشان تبنيها.. لازم ناخد فيها”