عزيزي المصري، سؤال مباشر: عمرك جربت تنام في مساحة عرضها ٣٦ سم؟
ملحوظة: ماتشغلش دماغك وتنام على ظهرك لان عرض اكتافك اكتر من ٣٦
ملحوظة تانية برده: ماتشغلش دماغك برده وتنام على جمبك وتتني رجليك لان كدة رجليك هتطلع برة نطاق الـ ٣٦ سم.
حضرتك تخيل ان الـ ٣٦ سم دولا مش سرير، دولا عالبلاط وفارش عليهم بطانية ميري (ليها شوك زي القنفذ) مطبقة في نطاق الـ ٣٦ سم، وتخيل ان الغرفة مساحتها ٤.٧٠*٣.٤٠، وفيه جمب الفرشة دي كمان ٣٤ فرشة، مساحتهم برده ٣٦ سم لكل فرشة مرصوصين بالتسلوي جمب بعض في الغرفة .. تخيل كمان ان شباك الغرفة دي عبارة عن جزء شبه المسطرة موجود في جمب واحد فوق (يعني لازق في السقف) عبارة عن ارتفاع ٢٠ سم*عرض ٣ م وعليه قضبان حديد وطبقتين سلك، ذرات الهوا بتتخانق مع بعضها عشان تعدي منها !
الغرفة عليها باب من الحديد المقوى سمكه ١٠ سم، وفي الباب دة فتحة للتواصل مع العالم الخارجي(كوسيلة وحيدة للتواصل) مساحتها ١٠ سم * ٢٠ سم .. طبعا الـ ٢٥ فرشة دولا عليهم ٢٥ شخص والمطلوب من الشخص صاحب الـ ٣٦ سم انه ينام على المساحة دي ويقعد وياكل ويشرب ويلعب ويصلي ويقرأ ويزاكر ويمارس حياته .. الناس اللي في الغرفة دي مفروض انهم قاعدين لمدة سنوات أقلها ٣ سنين وفيه ناس منهم مطلوب يقعدوا ٢٥ سنة !
لون جدار الغرفة دي رصاصي بين الفاتح والغامق (سماء من الكآبة)، الغرفة فيها حمام على جمب ١م*٧٥ سم وحتة نفس المساحة بيسموها تجاوزا مطبخ، فيها سخان سوستة لايتصف بأي نوع من أنواع الأمان !
أمتعة الناس اللي هيقعدوا سنين دول متعلقة على حبال مقطعينها من الهدوم اللي معاهم ومعلقينها في حديد شباك التهوية في عصافير (ودي للي مش عارفها ولاعة فاضية أو قلم خلصان أو قطعة كرتونة مربوطة في طرف الحبل وعليها الشنطة زي الشماعة)، طبعا في سقف الغرفة فيه ٤ حبال لنشر الهدوم المغسولة !
بالنسبة للأكل اللي بييجي للـ ٢٥ واحد، كل يوم مقدار دقية قشر فول، الدقية دي حلة صغيرة، او دقية عدس نص سوا ومعاهم برده دقية رز كان مطبوخ بجاز بدل الزيت وفيه أيام بييجي فيها بيض مكسر شبه بيض الديناصور وفيه أيام بييجي فيها لحمة أتحداك لو عرفت دي لحمة فيل ولاتمساح ولا ايه بالضبط؟ وطبعا كل يوم فيه عيش قمح بالمرقة.
خيل بأة لو حد من الـ ٢٥ جاتله شوية انفلونزا؟ ولو جاله -لامؤاخذة- هرش .. الغرفة كلها هتبقى غرفة حجر صحي.. تخيل بقة كل الرعاية الصحية الموجودة عبارة عن خرتيت بشري متقنص دور الدكتور اسمه (طارق) وشهرته (طارق ادهن) !! .. كل اللي معاه جردل مليان مادة كبريت وأي حد تعبان بأة .. سكر، ضغط، قلب، مسالك، أسنان … الخ، لازم يدهن من الجردل دة.
تلك غرفة واحدة من بين ١٧ غرفة داخل أحد ثلاثة عنابر في سجن وادي النطرون، مؤكدا أن حال بقية العنابر لاتختلف عنه وأن باقي سجون الدولة لاتختلف هي الأخرى كثيرا عن وادي النطرون.

"أمي الحبيبة السلام عليكي
وحشتيني أوي يا أمي يا رب تكوني في أحسن حال، أنا عارف انك تعبانة اوي و ما بتتكلميش و صامته مش عاوزه تشيلي حد همك ..
أنا عارف اني تاعبك أوي، أنا كل يوم بقيت أتمني الموت علشان محسش بالذنب من ناحيتك
أنا عارف أن السرطان بياكل في جسمك وانك بتحاولي ما تبينيش ولا تتألمي، بتحاولي تداري مرضك عليا، لكن أنا عارف و كأني عايش معاكي!
أنا تعبان أوي يا ماما كل لما بشوفكوا في الزيارة بحاول ما أبينش اني تعبان ولا زعلان، أنا حاسس أن هيجرالي حاجة يا ماما.. أنا خايف عليكي و على زينب و جويرية.. بالله عليكي لو جرالي حاجة خلي بالك منهم..
كان نفسي أكون جمبك.. كان نفسي أريحك من العذاب ده..
هو بابا ليه ما بيسألش عليا؟! مش كفايه أنه رماكي و رماني!
كان نفسي يكون هو أول واحد واقف جمبي، أو حتى جمب أخواتي أو حتي جمب بنتي..
أنا حاسس أن خلاص الدنيا خلصت و اني مش موجود فيها..
بجد أول مرة احس أن الدنيا بتنتهي..
و كأن أنا الوحيد اللي شايف كل اللي حواليا بيبدأ يتساقط!
أنا عارف يا ماما أنك تعبانه جدًا.. بس صدقيني اللي احنا فيه ده اصعب من المرض، أصعب من اي حاجة في الدنيا!
رمضان جاي.. هاتي لجويرية فانوس و فرحيها بيه و افتكروني على الفطار و ادعولي.. أنا خلاص يا ماما بقيت مجرد اسم موجود معاكوا، اسم بلا جسد
محمد عبدالله
الحرية ل أمي مش ليا
طرة شديد 2
# ارحموا أمي و بنتي #"

الي حصل انهم لسه منفذين في خمسه من كام يوم وبعدها الناس بتتكلم علي النظارت الخاص بالباب مع بعض فالشويش سمع الكلام فراح قال للظابط وسخنه عليهم فجم خدو واحد من الي كانو بيتكلم بدون سبب فاعملنا اضراب عن الطعام والتريض علشان داخلو التأديب، تاني يوم الظابط بعت خدو واحد كمان وراح مدخله التأديب برضو وواحد تالت طلع يتكلم مع الظابط ويشوفو عمل كده ليه وقالو ان ده ظلم فدخله هو كمان التأديب، وفضلنا مستمرين في الاضراب الي الان ومنعونا من الميه للشرب ومنعونا ان احنا نطلع القمامه مع العلم ان الغرفه لا يوجد بها حمام ولايوجد بها الا جردل للقمامه وبعض زجاجات المياه الذي تملاء يومين للاستخدام وتركولنا القمامه داخل الغرف كل ذلك لكي نتوقف عن الاضراب، واستمر هذا الحال الي ايام ومع العلم ان مسجون الاعدام ليس لهو تأديب لان ماهو فيه يعتبر تأديب وهذا الكلام ليس من عندنا هذا من لائحه السجون هي التي تفرض ذلك، وغرفة التأديب عبارة عن غرفه ليس فيها اي شي سوي بعض الحشرات ولا يوجد فيها جردل لقضاء الحاجه ولا يوجد بها حمام ولا مياه للشرب والمياه عباره عن زجاجه لتر ونص فقط في اليوم تملاء كل يوم والطعام الذي قدم لهم عباره عن رغيف عيش فوق منه نصف قطعه حلوه ومع العلم ان من اخدهم الضابط الي التاديب قامو بعمل اضراب عن الطعام مع العلم ان الزنزانه لا يوجد بها اي شي للنوم او الجلوس عليه سوي البلاط ومع العلم ان الجو هناك بارد جدا وهذا الحال مستمر الي الان، وكل ذلك يعلم به رئيس المباحث والمأمور ومفتش مباحث سجون وجه بحري وكانهم ولا يعلمو شي عن الموضوع وتركو ذلك الظابط وبعض الظباط الاخرين يفعلو ما يبدولهم دون اي تنبيه من هذا القياده بتوقف هذا الامر .
واسماء الظباط هي ” عمرو عمر – احمد نصار – عماد الشاذلي – مامور سجن برج العرب – احمد السقا ” وهولاء الظباط نسمعهم يوميا لان غرفنا قريبه جدا من غرفتهم ونسمعهم وهم يسبون السجينات والسجناء بأفظع الشتائم وسب الدين الله ويذقوهم اشد انواع العذاب ويصلبوهم علي الحديد ويعذبوهم بلا شفقه ولا رحمه ولكن الرحيم هو الله ثم يلقون بهم في غرفه التاديب بدون ملابس سوي مايسترعورته فقط وغرفه التاديب كما قلنا لايوجدبها اي شي ويوجد خمسين غرفه في التاديب لاتخلومن السجينات والسجناء المظلومين وعندما يخرج احد من التاديب يدخل غيره ليذوق كل انواع العذاب ونحن الي الان مستمرون في هذا الاضراب الي ان يرفع هذا الظلم ولن نرض بهذا الظلم في اي مكان نذهب اليه مهما كان الثمن حتي لو كان هذا الثمن اروحنا وكل ذلك لا لي احد غير الله عز وجل لا من اجل شخص ولا اي احد غير الله فقد امرانا رسول الله صلي الله عليه وسلم ان نرفع الظلم عن اي مضلوم.

أحمد فؤاد نجم كان عنده حق لما قال “مفيش في السجن زمن” ،الزمن في السجن متوقف مش حتي بيتباطأ زي ما بيقول اينشتين في النسبية.
انا غالبا عارف(بس بعمل نفسي مش عارف أو بستعبط) اني هخرج من هنا مشوه نفسياً وروحياً وفكرياً بفعل توقف الزمن ، ولو فكرتوا في الموضوع بشكل “هوليودي” زي افلام الخيال العلمي كده هتلاقوا ان الموضوع مرعب ،ان الزمن يتوقف عند مجموعة من البشر في لحظة ما – بس عندهم بس – ،وخارج الأسوار اللعينة الزمن بيمشي عادي وبتحصل كل يوم الاف التفاصيل .
الأحداث اللي بتخلي الزمن يمشي ،ممكن حاجات تكون تافهة جداً زي الحمام والبوتاجاز والتلاجة والسرير مثلا فقدانها بيأكد فكرة السجن.
أكتر حاجه ممكن السجن يسلبها من أي شخص هي الحرية ،أولاً وأنت في السجن أنت كائن بلا حرية ولا إرادة،لابعيداً بقي عن جو العيال الكيوت أخي انت حر وراء السدود ،أو بتوع انكوا عايشين في سجن كبير.
إن في واحد هو اللي بيقرر هيزود المساحة اللي ممكن أتحرك فيها فيفتح الزنزانة ساعتين تريض،وبعدين يقرر يقلل المساحة تاني فيدخلني الزنزانة تاني.
أن في حد هو اللي يقرر اني هشوفكوا أو هشوف أمي أمتي وفين وقد ايه!
حتي الراديو كرهته بسبب أنهم بيشغلوا الأغاني اللي هما عايزنها مش اللي أنا عايزها!
مفهوم المقاومة أو المقاوحة كان برة المفروض ليه طابع سياسي، أو مرتبط بالمقاومة ضد سياسات النظام ، أنا هنا مفهومي للمقاومة اكثر اتساعاً وتفاهة في نفس الوقت ، المقاومة مع النوم عشان يجي،المقاومة مع الضحكة علشان تخرج، أو المقاومة مع الأفكار الشريرة اللي ممكن تيجي، أو المقاومة مع اليوم اصلاً علشان يعدي … يمكن الفترة دي هي أقبح فترة في السجن ،المشكلة تتلخص في كلمة واحدة (التركيز).
قبل الفترة دي كنت عادي اه حاسس بوجع السجن ووجع السجن أصلا وجع مستمر مش وقتي، بس اليومين دول بقيت بركز في كل حاجه حواليا، وكلها بتزود الأحساس نفسه أحساس الوجع والقهر، يعني أنا بنام عالأرض بقالي اكتر من سنتين بس عمري ما حسيت بالوجع والأهانة زي دلوقتي ،قيسوا بقي علي نومة الأرض كل حاجه تانية … الموضوع بقي صعب قوي وممل.
في الاخر انا كان لازم أكتب الكلام ده علشان ارتاح شوية.

بسم الله الرحمن الرحيم

صلاح احمد متولي جلال .. هذا هو إسمي .. كنت أعمل كطبيب انف وأذن وحنجرة قبل أن يقوم أمن الدولة بفصلي من جهة عملي .. قاموا بإصابتي إصابات مباشرة بطلق ناري في الصدر والذراع الأيسر والأيمن.

قاموا باقتحام منزلي وتحطيم محتوياته وجدرانه الكائنة في ثلاث شقق، كما قاموا بتهجير أهلي خارج محاقظة الغربية 3 سنوات حتى الآن .. قامو بتلفيق 30 قضية لي .. منهم 8 قضايا عسكرية .. أمام محكمة جنايات عسكرية الإسكندرية.. و21 قضية ما بين جنحة وجناية أمام دوائر طنطا .. وقضية عسكرية أمام محكمة جنايات عسكرية القاهرة.

قاموا بالقبض عليّ بتاريخ 20/ 2/ 2015 من دخل قطار "الإسكندرية القاهرة" وكان برفقتي زوجتي وقاموا باصطحابها معي إلى مقر أمن الدولة بالقاهرة "لاظوغلي" .. حاولوا الاعتداء عليها أمام عيني.. كما تعرضت أنا وهي ووليدي للقتل على يديهم، حيث كانت حاملا في حذيفة في الشهر الرابع.

تعرضت للتعذيب في 5 أماكن احتجاز 1- مكتب تابع لوزارة الداخلية بمحطة سكك حديد مصر "محطة رمسيس" ، 2- مقر أمن الدولة بالقاهرة "لاظوغلي" ، 3- مقر أمن الدولة بطنطا، 4- مركز شرطة طنطا ، 5- مقر قوات الأمن الكائن بجوار محطة سكك حديد طنطا.

قاموا بإصابتي بكسر بالفقرات القطنية الرابعة والخامسة وعظام الحوض .. أنا الآن أسير فراشي منذ عام وثلاث أشهر داخل سجون الظالمين .. اتعرض للموت البطيئ .. لم يراعوا حالتي الصحية .. وبالرغم من تدهور حالتي .. قاموا بنقلي منذ ايام لحضور المحاكمة العسكرية بالحي العاشر بالقاهرة، وبالرغم من نقلي بسيارة إسعاف إلا إنني تعرضت لانتكاسة حادة كادت تودي بحياتي ، لازلت أعاني آثارها حتى الآن .. تعرضت للاغماء ولا زالت حالتي تسوء .. كم تمنيت ان أحاكم في محاكم مصرية.. أحاكم بلا دليل ولا بينية ولا قرينة سوى تحريات الأمن الوطني، أمن الدولة سابقا .. أشعر أنني غريب في وطني .. يقينا ليست فقط تيران وصنافير خارج السيادة المصرية.. بل أصبحت مصر كلها "وطني العزيز" خارج السيادة المصرية.
حسبي الله ونعم الوكيل..

ابن مصر البار دائما
صلاح أحمد متولي جلال
من داخل مستشفى سجن ليمان طره
26/ أبريل /2016 م

"ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢﺍﻣﻲ..ﺍﻋﺘﺬﺭ ﻓﺎﻗﺒﻠﻲ ﻣﻨﻲ ﻫﺬﺍ ﺍﻻ‌ﻋﺘﺬﺍﺭ...ﺍﻋﺘﺬﺭ ﻋﻦ ﻣﺨﺎﻟﻔﺘﻲ ﻋﻬﺪﻱ ﻣﻌﻚ ﺑﺄﻻ‌ ﺍﻛﺘﺐ ﺷﻴﺌﺎ , ﺍﻭ ﺍﺗﺤﺪﺙ ﻓﻲ ﺷﻲﺀ ﺣﺘﻰ ﺍﺧﺮﺝ ﻣﻦ ﺍﻟﺴﺠﻦ ﻭﻟﻜﻦ ﺍﺻﺒﺢ ﺍﻟﻮﺍﻗﻊ ﺍﻻ‌ﻥ ﻣﺨﺘﻠﻒ ﺑﻌﺪ ﺗﺄﻳﻴﺪ ﺍﻟﺤﻜﻢ ﺑﺴﺠﻨﻲ ﺧﻤﺴﺔ ﻋﺸﺮ ﻋﺎﻣﺎ...ﺍﻋﺘﺬﺭ ﺍﻧﻨﻲ ﺃﺧﻔﻘﺖ ﺃﻥ ﺃﺣﻘﻖ ﺣﻠﻤﻚ ﺑﺄﻥ ﺃﻛﻮﻥ ﻣﻬﻨﺪﺳﺎ ﻧﺎﺟﺤﺎ , ﻭﺃﻥ ﺍﺗﺤﻤﻞ ﻣﻌﻚ ﻣﺴﺆﻭﻟﻴﺔ ﺗﺮﺑﻴﺔ ﺍﺧﻮﺗﻲ ﺍﻟﺼﻐﺎﺭ ﺑﻌﺪ ﻭﻓﺎﺓ ﺃﺑﻲ...ﺍﻋﺘﺬﺭ ﻋﻦ ﻛﻞ ﻣﺎ ﺗﺴﺒﺒﺖ ﻟﻚ ﻓﻴﻪ ﻣﻦ ﻣﺘﺎﻋﺐ ﺧﻼ‌ﻝ ﺍﻟﻔﺘﺮﺓ ﺍﻟﺴﺎﺑﻘﺔ..ﺳﻨﺘﻴﻦ ﻭﻧﺼﻒ ﺗﻘﺮﻳﺒﺎ ﻭﺍﻧﺖ ﺗﺘﻨﻘﻠﻴﻦ ﻣﻌﻲ ﺑﻴﻦ ﺳﺠﻦ ﻭﺁﺧﺮ ﻭﻟﻢ ﺗﺘﺨﻠﻔﻲ ﻋﻦ ﺯﻳﺎﺭﺗﻲ ﻳﻮﻣﺎ...ﺍﻋﺘﺬﺭ ﻋﻦ ﻛﻞ ﺩﻣﻌﺔ ﺳﻘﻄﺖ ﺣﺰﻧﺎ ﻣﻦ ﻋﻴﻨﻴﻜﻲ ﻭﻛﻞ ﻟﺤﻈﺔ ﺿﻌﻒ ﻛﻨﺖ ﺗﺤﺘﺎﺟﻴﻨﻨﻲ ﻟﻜﻲ ﺳﻨﺪﺍ ﻓﻴﻬﺎ...ﺃﻣﻲ.. ﺍﻋﺘﺬﺭ ﻋﻦ ﺍﺷﻴﺎﺀ ﻛﺜﻴﺮﺓ ﻻ‌ ﺍﺳﺘﻄﻴﻊ ﻭﺻﻔﻬﺎ ﻭﻟﻜﻨﻬﺎ ﺗﻘﺘﻠﻨﻲ ﻛﻞ ﻳﻮﻡ ﻓﻤﺎ ﺗﺒﻘﻰ ﻣﻨﻲ ﺍﻟﻴﻮﻡ ﻳﻌﺘﺒﺮ ﺑﻘﺎﻳﺎ ﺍﻧﺴﺎﻥ ﺣﻄﻤﻪ ﺍﻟﻈﻠﻢ... ﻣﺎﺫﺍ ﻓﻌﻠﺖ ﺣﺘﻰ ﺗﺠﺘﻤﻊ ﻗﻮﻯ ﺍﻟﺸﺮ ﻛﻠﻬﺎ ﺿﺪﻱ؟!!ﻟﻤﺎﺫﺍ ﻛﻠﻬﻢ ﻳﺼﺮﻭﻥ ﻋﻠﻰ ﺗﺤﻄﻴﻤﻲ؟! ﻓﻠﻢ ﺃﺣﺼﻞ ﻋﻠﻰ ﻣﺤﺎﻛﻤﺔ ﻋﺎﺩﻟﺔ ﻋﻨﺪﻣﺎ ﺗﻢ ﺍﺗﻬﺎﻣﻲ ﺑﺄﺷﻴﺎﺀ ﻻ‌ ﻋﻼ‌ﻗﺔ ﻟﻲ ﺑﻬﺎ ﺍﻻ‌ ﻓﻲ ﺃﻭﺭﺍﻕ ﺍﻟﻨﻴﺎﺑﺔ, ﻭﻋﻨﺪﻣﺎ ﺗﻢ ﺳﺠﻨﻲ ﻭﺭﺿﻴﺖ ﺑﻘﻀﺎﺀ ﺍﻟﻠﻪ ﻟﻢ ﺃﺣﺼﻞ ﺣﺘﻰ ﻋﻠﻰ ﺣﻘﻲ ﻛﺴﺠﻴﻦ ﻓﻲ ﺍﻥ ﺍﺗﻌﻠﻢ.. ﺑﻌﺪ ﺃﻥ ﺭﻓﻀﺖ ﺍﻟﺠﺎﻣﻌﺔ ﺃﺩﺍﺋﻲ ﺍﻻ‌ﻣﺘﺤﺎﻧﺎﺕ ﻟﺜﻼ‌ﺙ ﺳﻨﻮﺍﺕ ﻣﺘﺘﺎﻟﻴﺔ, ﺣﺘﻰ ﺍﻟﻐﺬﺍﺀ ﺍﻟﺮﻭﺣﻲ ﻭﻗﺮﺍﺀﺓ ﺍﻟﻜﺘﺐ ﻣﻨﻌﺖ ﻣﻨﻬﺎ.. ﻓﺄﻱ ﺷﻲﺀ ﻓﻲ ﻫﺬﺍ ﺍﻟﻌﺎﻟﻢ ﻳﺪﻋﻮ ﻟﻠﺒﻘﺎﺀ!! ﻟﻘﺪ ﺃﺻﺒﺤﺖ ﺍﻟﺤﻴﺎﺓ ﺍﻻ‌ﻥ ﺃﻛﺜﺮ ﺻﻌﻮﺑﺔ ﻭﺃﺷﺪ ﺧﻄﺮﺍ ﻣﻦ ﺍﻟﻤﻮﺕ...ﺃﺣﻼ‌ﻣﻲ ﻛﻠﻬﺎ ﺃﺻﺒﺤﺖ ﺗﺘﺴﺎﻗﻂ ﺃﻣﺎﻣﻲ ﻭﺃﻧﺎ ﻣﻜﺒﻞ ﺍﻟﻴﺪﻳﻦ , ﻛﺸﺠﺮﺓ ﺗﺘﺴﺎﻗﻂ ﺃﻭﺭﺍﻗﻬﺎ ﻓﻲ ﻓﺼﻞ ﺍﻟﺨﺮﻳﻒ ﻭﺍﻟﻨﺎﺱ ﻳﻤﺮﻭﻥ ﻋﻠﻴﻬﺎ ﻭﻻ‌ ﻳﺄﺑﻬﻮﻥ ﺑﻬﺎ, ﻭﻳﻌﺘﻘﺪﻭﻥ ﺃﻥ ﻫﺬﺍ ﺷﻲﺀ ﻃﺒﻴﻌﻲ ﺑﺎﻟﻨﺴﺒﺔ ﻟﻬﺎ ﻭﻟﻜﻨﻲ ﺃﻇﻦ ﺃﻧﻬﺎ ﺗﻜﻮﻥ ﻓﻲ ﺃﺷﺪ ﺣﺎﻻ‌ﺕ ﺍﻟﺠﺰﻥ ﻭﺃﺷﻼ‌ﺋﻬﺎ ﺗﺘﺴﺎﻗﻂ, ﻭﺍﻥ ﺍﻟﺸﻲﺀ ﺍﻟﻮﺣﻴﺪ ﺍﻟﺬﻱ ﻳﺠﻌﻠﻬﺎ ﺗﺴﺘﻤﺮ ﻓﻲ ﻫﺬﻩ ﺍﻟﺤﻴﺎﺓ ﻫﻮ ﺍﻷ‌ﻣﻞ...ﺍﻷ‌ﻣﻞ ﺑﺄﻥ ﺍﻟﺮﺑﻴﻊ ﺳﻴﺄﺗﻲ ﻟﻴﺼﻠﺢ ﻣﺎ ﺃﻓﺴﺪﻩ ﺍﻟﺨﺮﻳﻒ , ﺃﻣﺎ ﺍﻧﺎ ﻓﺄﺻﺒﺤﺖ ﺃﻋﻴﺶ ﻓﻲ ﺧﺮﻳﻒ ﺩﺍﺋﻤﺎ.. ﻻ‌ ﺃﺭﻯ ﺍﻻ‌ ﺍﻟﻤﺠﻬﻮﻝ ﻭﻻ‌ ﺍﺳﺘﻄﻴﻊ ﺍﻥ ﺍﺧﺮﺝ ﻣﻦ ﻋﺎﻟﻤﻪ .. ﺃﺭﻗﺪ ﺍﻻ‌ﻥ ﻭﺳﻂ ﺭﻛﺎﻡ ﺣﺪﻳﻘﺔ ﻣﻦ ﺍﻻ‌ﺣﻼ‌ﻡ ﺍﻟﻤﺘﺴﺎﻗﻄﺔ.. ﺃﺣﻼ‌ﻣﻲ ﻭﻏﻴﺮﻱ ﻣﻦ ﺍﻟﺸﺒﺎﺏ ﺍﻟﺘﻲ ﺍﺧﺘﻠﻄﺖ ﺣﺘﻰ ﺃﺻﺒﺤﺖ ﺗﻼ‌ﻻ‌ ﺗﻘﻒ ﻋﻠﻰ ﻗﻤﻤﻬﺎ ﺍﻟﻐﺮﺑﺎﻥ.ﺣﺘﻰ ﺍﻟﻨﺎﺱ ﺃﺻﺒﺤﻮﺍ ﻳﻌﺘﻘﺪﻭﻥ ﺃﻥ ﺍﻟﻈﻠﻢ ﻓﻌﻞ ﻃﺒﻴﻌﻲ ﻷ‌ﻱ ﺍﻧﺴﺎﻥ ﻳﻤﺘﻠﻚ ﻣﺒﺎﺩﻱﺀ ﻭﻳﺤﺎﻭﻝ ﺍﻟﺪﻓﺎﻉ ﻋﻨﻬﺎ ﺃﻭ ﻳﺤﺎﻭﻝ ﺍﻥ ﻳﺨﺮﺝ ﻋﻦ ﺍﻻ‌ﻃﺎﺭ ﺍﻟﺬﻱ ﻳﺮﺳﻤﻪ ﺍﻟﻨﻈﺎﻡ ﻭﻛﺄﻥ ﻫﺬﺍ ﻫﻮ ﺍﻟﻘﺪﺭ ﺍﻟﻤﺤﺘﻮﻡ ﻟﻜﻞ ﻣﻦ ﻳﺤﺎﻭﻝ ﺍﻥ ﻳﺮﺗﻘﻲ ﺑﻬﺬﻩ ﺍﻟﺒﺸﺮﻳﺔ...ﺍﻥ ﻓﻜﺮﺓ ﺍﻟﻌﺪﺍﻟﺔ ﺍﻟﺒﺸﺮﻳﺔ ﻟﻴﺴﺖ ﻣﻮﺟﻮﺩﺓ ﻣﻦ ﺍﻻ‌ﺳﺎﺱ.. ﺑﻞ ﻫﻲ ﻣﺠﺮﺩ ﻓﻜﺮﺓ ﺍﺳﻄﻮﺭﻳﺔ ﻳﺮﻭﺟﻮﻥ ﻟﻬﺎ ﺣﺘﻰ ﻻ‌ ﺗﺨﺮﺝ ﻋﻦ ﺍﻻ‌ﻃﺎﺭ ﺍﻟﻤﺮﺳﻮﻡ, ﻭﺣﺘﻰ ﻻ‌ ﻳﺘﺮﻛﻮﺍ ﻟﻨﺎ ﺍﻟﻤﺠﺎﻝ ﻟﻨﺒﺤﺚ ﻋﻦ ﺍﻟﻌﺪﺍﻟﺔ ﺍﻟﺤﻘﻴﻘﻴﺔ , ﻓﻤﻬﻤﺎ ﺣﺎﻭﻝ ﺍﻟﺒﺸﺮ ﺍﻥ ﻳﻘﻴﻤﻮﺍ ﺍﻟﻌﺪﻝ ﺑﻴﻨﻬﻢ ﺳﻴﺨﻔﻘﻮﻥ ﻓﻲ ﻛﻞ ﻣﺮﺓ ﻻ‌ﻥ ﻣﺎ ﻳﺮﺍﻩ ﺑﻌﺾ ﺍﻟﻨﺎﺱ ﻋﺪﻻ‌ ﻫﻮ ﻋﻴﻦ ﺍﻟﻈﻠﻢ ﺑﺎﻟﻨﺴﺒﺔ ﻟﻶ‌ﺧﺮﻳﻦ..ﻓﻠﻦ ﺗﺴﺘﻄﻴﻊ ﺍﻥ ﺗﻀﻊ ﻟﻬﺬﺍ ﺍﻟﻌﺎﻟﻢ ﺻﻴﻐﺔ ﻣﻌﺎﺩﻟﺔ ﻭﺍﺣﺪﺓ ﻟﻠﻌﺪﺍﻟﺔ ﺗﺘﻔﻖ ﻋﻠﻴﻬﺎ ﺍﻟﺒﺸﺮﻳﺔ ﻭﺃﻥ ﻣﺎ ﻳﺤﺪﺙ ﻓﻲ ﺑﻌﺾ ﺍﻻ‌ﺣﻴﺎﻥ ﻣﻦ ﻭﺟﻮﺩ ﺣﺎﻻ‌ﺕ ﻳﺒﺪﻭ ﻓﻲ ﻇﺎﻫﺮﻫﺎ ﺍﻟﻌﺪﻝ..ﺍﻧﻤﺎ ﻫﻲ ﻣﺠﺮﺩ ﺍﺳﺘﺜﻨﺎﺀ...ﻓﻼ‌ ﻳﻮﺟﺪ ﻏﻴﺮ ﺍﻟﻌﺪﻝ ﺍﻻ‌ﻟﻬﻲ..ﻟﻢ ﺃﻧﺪﻡ ﻳﻮﻣﺎ ﻋﻠﻰ ﻗﺮﺍﺭ ﺍﺗﺨﺬﺗﻪ ﻭﻟﻢ ﺍﺗﻨﺎﺯﻝ ﻋﻦ ﻣﺒﺎﺩﺋﻲ ﻭﻟﻜﻨﻲ ﺍﺷﻌﺮ ﺍﻥ ﻋﺎﻟﻤﻬﻢ ﻫﺬﺍ ﺍﺻﺒﺢ ﻻ‌ ﻳﺘﺴﻊ ﻷ‌ﻣﺜﺎﻟﻲ ﻣﻦ ﺑﻘﺎﻳﺎ ﺍﻟﺒﺸﺮ ﻛﻤﺎ ﻳﺮﻭﻧﻨﺎ...ﺍﺷﻌﺮ ﺍﻻ‌ﻥ ﻛﺄﻧﻲ ﺟﻨﺪﻱ ﻓﻲ ﻣﻌﺮﻛﺔ ﻓﻘﺪ ﺳﻴﻔﻪ ﻭﺩﺭﻋﻪ ﻭﻟﻢ ﻳﻌﺪ ﻳﻤﻠﻚ ﻓﻴﻬﺎ ﺍﻻ‌ ﺟﺴﺪﻩ.. ﻳﺘﻠﻘﻰ ﺍﻟﻄﻌﻨﺎﺕ ﻣﻦ ﻛﻞ ﺟﺎﻧﺐ .. ﻓﻠﻢ ﻳﻌﺪ ﺃﻣﺎﻣﻲ ﺍﻻ‌ﻥ ﻣﻦ ﺳﻼ‌ﺡ ﻭﻻ‌ ﻭﺳﻴﻠﺔ ﻏﻴﺮ ﺫﻟﻚ ﺍﻟﺠﺴﺪ ﺍﻟﻀﻌﻴﻒ ... ﻗﺮﺭﺕ ﺍﻥ ﺍﺑﺪﺃ ﻓﻲ ﺍﺿﺮﺍﺏ ﻣﻔﺘﻮﺡ ﻋﻦ ﺍﻟﻄﻌﺎﻡ .. ﻭﻫﻲ ﻟﻴﺴﺖ ﻣﺠﺮﺩ ﻣﺤﺎﻭﻟﺔ ﻟﻼ‌ﻧﺘﺤﺎﺭ ﻛﻤﺎ ﻗﺪ ﻳﻈﻦ ﺍﻟﺒﻌﺾ...ﺑﻌﺪ ﺍﻥ ﺗﺴﺎﻗﻄﺖ ﺍﻻ‌ﺣﻼ‌ﻡ.. ﺍﻣﺎ ﺍﻥ ﺍﻋﻮﺩ ﺷﻴﺌﺎ ﺟﺪﻳﺪﺍ ﻻ‌ ﺃﻋﺮﻓﻪ ﻳﺴﺘﻄﻴﻊ ﺍﻥ ﻳﻮﺍﺟﻪ ﻫﺬﺍ ﺍﻟﻌﺎﻟﻢ ﺑﺄﺳﺮﻩ.. ﻭﺍﻣﺎ ﺍﻥ ﺍﻛﻮﻥ ﻣﺴﺨﺎ ﻣﺸﻮﻫﺎ ﻻ‌ ﻗﻴﻤﺔ ﻟﻪ.ﺍﻋﺘﺬﺭ ﺍﻟﻴﻚ ﻳﺎ ﺃﻣﻲ ﻋﻠﻰ ﻛﻞ ﺷﻲﺀ.. ﻓﻘﺪ ﺑﺪﺃﺕ ﻭﻟﻦ ﺃﺗﺮﺍﺟﻊ ﻓﻠﻢ ﻳﻌﺪ ﻫﻨﺎﻙ ﺑﻘﻴﺔ ﻣﻦ ﺧﻮﻑ..."

سامحيني لو كنت باجي عليكي ما أنا مليش غيرك، لما بشوفك في الزيارة مش عارف أقولك سيبيني و شوفي حالك ولا أقولك خليكي جنبي أنا محتاجلك مليش غيركوا ..
أهم حاجه أنا عاوزك تخلي بالك من نفسك و من بنتي دي أهم حاجه .. أمانه معاكي أوعي في يوم تضربيها أو تزعليها .. كفايه الزمن عليها هيبقى احنا و الزمن؟
كان نفسي في يوم أفرح بيها، نفسي أشيلها .. كل لما بشوفها بحزن عليها .. كان نفسي أفرح بيوم وجودها على الدنيا .. كان نفسي أفرح لما بدأت تزحف و تقف و تمشي و تتكلم و لما راحت الحضانه ..
ساعات ببص لعينيها و أقولها سامحيني كان نفسي تفرح و أبقى سبب فرحك .. كتير عليا أفرح ب بنتي؟ كتير عليا أشيلها؟ كتير عليا اني أقعد معاها ساعه واحد كل أسبوعين بدل نص ساعه؟
لما بعرف انها قدام السجن من الفجر و أشوفها الضهر و ببقى نص ساعه و ممكن ربع ساعه .. كتير عليا لما بدخل من الزيارة ببقى عاوز أتكلم مع حد ألقى قلبي يقولي هتحكي لمين كله شبهك .. أقوم ألقى نفسي هما هما أربع حيطان .. هما هما نفس الناس .. أفضل أبص ليهم و أقولهم احنا هنا ليه محدش يرد عليا”
محمد عبدالله
أبو جويرية

"السجن وحش جداً جداً وبيموت كل حاجة حلوة فينا" طلع في الحبس مظاليم كتير جداً يا مصطفي والعصابة اللي حكمانا جبروتها فاق المتوقع من قتل وتعذيب واهانة .عارف التلامذة اللي عنيهم لسه هتعرف الالوان ملقوش منها غير الابيض والازرق واحمر الاعدام .عندنا دكاتره ومحامين واساتذة ومعيدين ومهندسين وصنايعية وعمال وفلحين ولا الشيوخ ناس مسنة مريضة مابين مريض بالقلب والعجز وكسور لا بيعرف ينام ولا يمشي والتهمة ارهابي .يووه اقولك ايه ولا اية وكله كوم واكل السجن قصدي التعيين ، حاجة يعني قمة القرف حاجة كدا لو قدمتها لقطط السجن تلاقيها زعلت منك وجريت منه وهيا حاسة بالقرف . ولا اعداد السجينات والسجناء اللي من كترهم علشان الواحد منهم يدخل الحمام يستني دوره في طابور طويل وممكن بعد ما يحجز دور من كتر الانتظار ينام ! ولا الزيارة وقهرها ولا العيادة وقرفها ولا التريض اللي مفروض بنتنفس فيه هوا نضيف معظم الوقت بناخده في العنابر وكل دا حمادة واللي جاي اكيد حمادة تاني ! ربنا معانا ومعاكم ومع كل مظلوم."