بداية أشكر كل من وقف بجانبي وأرجو من الله عز وجل أن يأجره ع هذا العمل ( دوله الظلم لا محالة إلي زوال بإذن الله).
اسمي مصطفي حمدي عاطف عندي 27سنه طالب ف كليه الإعلام جامعة القاهرة ومعتقل من 24-3-2014 وحالياً أنا في سجن القناطر تهمتي تأسيس ‫”‏ألتراس ربعاوي” وحريق مبني النيابه الإدارية بـ 6 أكتوبر.
وإليكم نص تفاصيل اعتقالى:
” بداية كنت ساكن ف مدينه 6 أكتوبر من أجل دراستي في الجامعة وكنت أعمل لأن معروف عني إني مش بحب أخد مصاريفي من والدي.. فذهبت إلي عملي الجديد وهو مسئول الكافية في الجامعة الكندية وبعد يومين تقريباً من عملي هناك، تم القبض علي في عملي فتم اصطحابي وأنا أتسأل عن سبب القبض علي قال لي الظابط (مافيش حاجة رئيس الجامعة هيسألك عن حاجة كده وهترجع تاني قولتلهم ماشي ).
فجأه لقيت نفسي بره الجامعة ولقيت المخبرين والمباحث اللي معايا كان عددهم 3 خدوني برا الجامعة ومسكوا فيا بطريقة غريبة المهم قالوا لبعض يلا هاتوه علي عربيه الباشا ببص علي الباشا لقيت عربية ملاكى ماركه “BMW” فضي اللون وكان اللى فى العربية رئيس مباحث القسم والمعاون و3 مخبرين.. أنا مش فاهم فى إيه المهم خدونى، وطلعوا على الشقة اللى أنا فيها ما أعرفش عرفوا مكانها فين ازاي .
ويستكمل مصطفي سرد حكايته “المهم طبعاً طلعنا الشقة وكسروا باب الشقة مع أنى معايا المفتاح وقولتلوا معايا المفتاح ..قاللى أسكت “يا ابن ……..وطبعا ضرب ،لقيت معاون المباحث رئيس المباحث بيقولى ده أنا هكسر عينك طول العمر، وبعدها بيقولى تحب أريحك بصيت له وسكت لقيته بيعدها تانى ..وطلع السلاح “طبنجية ” وبيقولى للى معاه طلعلى كاتم الصوت يابنى وعادها تانى تحب أريحك, المهم ضربنى بظهر السلاح على كتفى وشتمنى ، وقاللى يلا يلا خدوه وإحنا خارجين من الشقة ضرب وشتيمة لحد ما خرجنا من الشقة وقدام الشقة لقيت ظابط تانى بيقولى لأ ده إنت قاعد معانا شوية مطول يعنى كل ده وأنا فى ذهول المهم لأول مره فحياتى “إتكلبش” ونزلت الشارع وركبنا العربية بتاعت الباشا وسط ذهول كل من فى الشارع لحد ما كان فى واحد قال كامة كده تريقة يعنى قال “هو فى إيه ابن لادن ده ولا إيه” .
ويستكمل مصطفى:”ركبنا ومشينا روحنا على قسم أكتوبر أول فى الحى السابع ودخلنا وبدأت الحفله : دخلت غرفة كده بتاعت عساكر أمن مركزى وإتكلبشت في الباب الحديد اللى في الأوضة بطريقة مش عارف أوصفها بصراحة بس كل اللى أقدر أقوله أنى كنت متكلبش من ظهرى …وما كنتش واقف على رجلى كلها كنت واقف على مشط رجلى لمده 6 ساعات المهم قولتله عاوز أصلى قالى لأ في الأول .
بعد ما قعدت أقوله دى صلاة عاوز أصلى بقولك ،قالى لا ، قلت له طيب هدخل الحمام قالى طيب فكه وهاته ،المهم دخلت الحمام والباب كان مفتوح المهم أتوضيت بالمره والعسكرى صلى بسرعه يلا كده..
قولتله تسلم صليت ورجعت اتكلبشت كانت كتافى إتخلعت تقريبا ، دخلت لحظه التحقيق فبسأل الحرس بقوله هو في تعذيب قالي يابني تعذيب ايه ده كلام افلام المهم ، دخلت مكتب رئيس المباحث لقيت راجل كبير في السن قاعد علي المكتب اللي عرفته بعد كده انه “رئيس مباحث القطاع ” وقالي ايه بقي اللي مشاك ف السكه دي؟ قولتله سكه ايه؟ قالي المظاهرات قولتله انا نزلت 25 يناير ومليش في السياسه اصلاً راح فجأه شتمني ب أمي وقالي ورحمه امي لهوريك فبعت للحرس قالهم خدوه ولما اطلبه هاتوه بس وقعدت بره شويه راح الحرس نادي عليا كنت متكلبش .
قبل ما ادخل لقيتة بيغمينى قولتله هو فى إيه اللى هيحصل قالى متخفيش ..دخلت لقيت أصوات ناس كتيره أهلا “يا … أمك” المهم لقيت واحد مسكنى وقالى تعالى يا حبيبى راح لقيت واحد مسكنى وقاللى تعالى يا حبيبى راح رفع التيشرت من على بطنى وضربنى على بطنى,, فجأه بس وراح قلعنى هدومى كلها “كيوم ولدتنى أمى ” وبدأ الضرب فيا وهو واللى معاه وشتائم ..وبدأت أسمع صوت كهرباء “اليكتريك “فعلا مفيش ثوانى بدأو يكهربونى بيه فى كل حته فجسمى وكل المناطق الحساسة كلها كل حته كل مكان .
وأنا أقولوهم أتكلم أقول إيه كل ده وأنا متكلبيش خلفى المهم قالولى إنت بتصلى من أمتى قولتله من صغرى قالى من كام سنه “يا……امك” قولتله عشر سنوات تقريبا قالى “A7A” عشر سنين يعنى ملتزم قولتله فى أيه كل ده وأنا نايم على الارض متغمى ومتكلبش ..قالى حافظ كام سورة من القرءان قلتله 15 جزء ضربنى وكهربنى تانى وقالهم لبسه هدومه وخدوه ولما أطلبه تجيبه رجعت الحجز تانى وبعد شويه الباشا طلبنى تانى ..دخلونى الاوضه تانى وأنا متغمى حصل معايا نفس اللى حصل اول مرة بس المره دى طويله شويه ..
أقسم بالله أنا مش إخوان ولا عيلتي إخوان
وبعده ركبنا عربيه مكنتش عارف انا رايح فين وعرفت بعدها انى كنت فى جهاز أمن الدولة بأكتوبر ، المهم العربيه وقفت ونزلت وفضلنا ماشيين وطلعنا سلالم كتير لحد ما دخلت مكان واتقفل عليا باب اتكلمت محدش رد ، عرفت اني لوحدي في الغرفه وبعد شويه نمت علي نفسي ،شويه والباب اتفتح لقيت واحد بيقولي ايه يادرش انت عملت ايه يبني عشان يجبوك هنا ،قولتله معرفش والله قلتله احنا فين اصلا قالي مش مهم تعرف قالي انت عارف انت هنا ليه؟
قلتله مش عارف وياريت اعرف عشان ارتاح وبعدها قالي هتعرف كل حاجه بعدين وكانت طريقه كلامه غريبه سابني ومشي كل ده وانا لسه متغمي والمكان كان بارد جدا وبعدها الباب اتقتح تاني وواحد تاني جه لان صوته كان مختلف .
سألني انت اخوان يامصطفي قلتله اقسم بالله مش اخوان ولا عيلتي اخوان …قالي طب بتنزل مظاهرات ليه قلتله عشان واحد صاحبي مات ومن ساعة قانون التظاهر وانا منزلتش خالص قلتله بس ده اللي عندي وخدني ودخلني غرفه بارده جداً قالي انها التلاجة وسابني شويه بدون ملابس نهائي ورما عليه ميه والمراوح اشتغلت..
انا كنت متلج وقعدت كده فترة طويلة لحد ماعملت” حمام ع نفسي” بعدها الباب فتح والمراوح اتقفلت وقالي ها هتتكلم وساعتها مكنتش قادر اتكلم ، قعد يسألني عن بعض الاشخاص قلتله معرفش حد منهم سابني شويه تاني ونمت علي نفسي من التعب ،وكل اللي قدرت اعمله اني اصلي وبعدها واحد تاني خالص جه وخدني وانا عريان لسه قلتله عاوز البس..
مين بيمولك ؟؟؟
وخدني مكان تاني حسيت فيه بدفا شويه، ولقيته بيسألني انت مين اللي بيمولك وبصرف عليك ؟ قلتله أنا بشتغل وبصرف ع نفسي قالي لاياض مكافح ومناضل كمان، قالي كنت بتسمع دروس لمشايخ كبار قتلتله أنا مش بروح أي دروس من بعد الثانوية العامة، راح شاتم انت هتستعبط “يا..أمك” وبعدها ضربني وكهربني ف جسمي وأماكن حساسه قالي اتكلم قلتله اقول ايه انا معرفش حاجه وكرر الكلام واجابتي واحده انتي معرفش هو عايزني اقوله ايه؟
قالي طب والنيابة الادارية قلتله والله ما اعرف عنها حاجه وبعدها محستش بجسمي كنت بتنفض وروحي بتروح من الكهربا قلتله موتني احسن فضلت كده كتير وبعدها لبسني هدومي وبعدها قعدت ع كرسي وقلت للظابط شوف انتو عايزني اقول ايه وانا هقوله ؟؟سالني عن اكتر من حرق نيابة الادارية تاني.. قلتله معرفش عنهم حاجة ولا أعرف مكانهم أصلاً،
“راح مكهربني ، قلتله اقتلني واخلص قالي مش هيريحك قالي انت بتصلي قلتله اه وحافظ اد ايه من القرآن قلتله شويه كده كل ده وانا ع الكرسي الغريب ده وبعدها وقفني بقيت مش عارف أقف قعدت على الارض قاله دخله الأوضه وخليه ينام شويه ولما أقلك هاته تجيبه وقبل ما أمشي قالى فكر يا مصطفى وانا واثق انك ولد ذكى”
بعد شوية خدونى تانى وكل ده وانا متغمى ونزلت سلالم وركبت عربية وسمعت صوت الشارع و لقيت واحد بيقولى “يا ابن ……” مش عايز تتكلم أنا زهقت انا قولت كل حجة انتم عايزنها قالي هتستعبط ياض قلعه ياعسكرى …قلتله تانى قالى هتستعبط يله هو انت شوفت حاجة “ده أنا هفش**ك” قلتله حسبى الله ونعمة الوكيل …نام على بطنك يا “……” قلتله بصريخ هتعمل ايه راح العسكرى عمل اشياء مش هقدر أن أبوح بها لحد !
بعدها قالى إيه رإيك لو جبت أمك وأخواتك البنات وعملت فيهم كده صرخت وقولت ليهم أنا حرقت نيابة الادارية وبرج القاهره ولو عاوز …إرحمنى وأمى وإخواتى لا أنا معاك أعمل اللي انت عايزه فيا .
رد عليه الظابط حلو اوى كده لبسه هدومه وقعدنى على الكرسى قولى بقا حرقت ايه؟؟؟
اعترفت خوفًا علي أمي وأخواتي
قولتله حرقت كل حاجة اللى إنت عايزه أكتبه وأنا همضى عليه …ومضيت وراح مخرجنى وشال الغمامة من على عينى، حاولت أنام شويه لقيت ظابط داخل عليه تانى ومعاه الرجل الكبير اللى هو رئيس مباحث القطاع .
قالى يامصطفى “عارف يامصطفى أنا هحبسك وأنا ظالمك وهكون مرتاح ” وقالى وكيل النيابة فى الطريق هيحقق معاك وهو تبعنا يعنى إى كلمة هتقولها هعرفها و إلا أجيب أمك .
بعد شويه جاء وكيل النيابه فى غرفة رئيس المباحث لقيت الظابط اللى قبض عليه يقولى اعترف محمود بيه بتاعنا و إلا هنجيب ماما قلتله حاضر دخلت أول ما دخلت قلتله يافندم أنا مستنيك قالى إهدي وقالى أتكلم متخافش قلتله ماشى بعدها بشويه .
و جه الظابط ده دخل وبيكلم وكيل النيابة وقاله محمود بيه شرفت دخل وخرج وقاله خلى بالك من مصطفى أصله محترم أوى قاله ما تخافش ياباشا المهم خرج قلتله يافندم أنا حرقت النيابة وعملت كل حاجة راح قايلى عايز تفاصيل قلتله ما عرفش قالى لأ لازم تتكلم وإلا فى قواضى كتير والقضية دى فيها 15 سنة قلتله قضية ايه؟ قالى النيابة الادارية قلتله أكتب وأنا همضى وفعلاً مضيت وكتب هو وحرر المحضر!
مصطفي حمدي

سفرياتي المشبوهة ( الفاتيكان )
كنت قد تحدثت من قبل عن تفاصيل السفريات التي يُطلق عليها لفظ (سفريات مشبوهة) من قبل إعلام السلطة أو عملاء الأجهزه الأمنية.
وتحدثت عن تفاصيل هذه السفريات التي قمت بها بعد الثورة، وكيف أن خلالها كان هناك بعض المقربين من السلطة أو المتحدثين باسمها ولكن لم يتم وصف سفرياتهم بالمشبوهة رغم أنهم كانوا مدعوين لنفس المناسبات ونفس المؤتمرات أو الندوات ونفس الجامعات والمعاهد التي قامت بدعوتي ولكن لأن خطابهم مؤيد للسلطة فهم وطنيون في نظر إعلام السلطة والدولجية وصبيان الأمن، ولكن من يكون خطابه غير متوافق مع السلطات المصرية فهو عميل وخاين ويسافر سفريات مشبوهة فى نظر السلطة.
وكذلك تحدثت من قبل عن مقابلة الرئيس السابق عدلي منصور فى قصر الاتحادية فى صيف 2013 عندما طلب مني هو ومستشاراه مصطفى حجازي وأحمد المسلماني أن أقوم برحلة للولايات المتحدة وأستغل معرفة وسائل الإعلام الغربية بي لكي أحسن صورة وممارسات ما بعد 3 يوليو وهو ما رفضته لأنني كنت فعليًا أرفض إجراءات القمع وتكميم الأفواه التي حدثت بعد 3 يوليو، وترتب على رفضي شنّ حملة إعلامية تتهمني بالعمالة والخيانة والسفريات المشبوهة، وأعتقد كذلك أن حبسي الآن قد يكون عقابًا على رفضي تجميل وجه النظام القبيح خارج مصر في 2013.
أود اليوم الحديث عن إحدى السفريات التي يقولون إنها مشبوهة وهي سفريتي لروما في أكتوبر 2013 وزيارتي للفاتيكان ولقائي بابا الفاتيكان.
في أكتوبر 2012 تلقيت دعوة من إحدى الجمعيات الكاثوليكية الإيطالية القريبة من الفاتيكان للمشاركة في مؤتمر للسلام والتعايش بين الشعوب والأديان، ولأني أعتبر نفسي من الداعمين والمناصرين لأفكار التسامح والتعايش وقبول الآخر، فقد وجدت المؤتمر فرصة كبيرة للتعبير عن رؤية شباب الثورة لمصر بعد 25 يناير وأحلامنا بوطن يعيش فيه الجميع في تسامح وتعايش ومواطنة وقبول الآخر واحترام لحرية الرأي والتعبير مهما كان الاختلاف، وبرغم أن المؤتمر شارك فيه ممثل الأزهر وهو الشيخ حسن الشافعي، ورغم أنه كان معي أيضًا أحد أطيب وأعظم وأنقى شباب الثورة الدكتور/ باسم صبري رحمة الله عليه إلا أن هجومًا ضخمًا قد شُن ضدي في هذا الوقت وتم اتهام هذه السفرية بـ "المشبوهة" رغم مشاركة الأزهر بشكل رسمي، ولكن أبواق التضليل والتشكيك تجنبت وجود الأزهر تمامًا في هذه السفرية حتى يستطيعون تشويهي بحرية، فعند التشويه تجد أن هناك عشرات الصحف والمواقع التي تقوم بذلك، وعند محاولة توضيح نبل وأهمية السفرية لن تجد من يهتم بالنشر.
تكرر هذا الموقف فى أكتوبر 2013، فبرغم دعوتي مرة أخرى لزيارة الفاتيكان مع وفد الأزهر، والذي كان به هذه المرة د / شوقى علام مفتي الجمهورية، وكذلك د / محمود عزب - رحمة الله عليه - الذى كان مستشار شيخ الأزهر، إلا أن أبواق التشكيك تجاهلت ذلك تمامًا وتعمدت تشويهي منفردًا، فقد وجدت أن هناك عدة أخبار تتحدث عن سفرية مشبوهة وغامضة لأحمد ماهر رغم أن وقتها أرسلت بيانًا بعنوان السفرية وموضوع المؤتمر وماهية الجهة الداعية، وكذلك أنني مسافر مرافق لوفد الأزهر للحديث عن التسامح والتعايش وقبول الآخر، إلا أن جميع وسائل الإعلام المصرية تعمدت تجاهل كل تلك المعلومات عن طبيعة الدعوة والمؤتمر، واستمر مسلسل التشويه والتضليل المتعمد، وها هو مستمر حتى الآن.

بابا حبيبي .. سلام عليكم: امبارح بعد ما رجعنا من الترحيلة، ووصلنا قسم ميت غمر دخلنا القفص وبعدها لقيتهم أخدوا الدواء بتاعى "الخاص بالقلب والأعصاب"، وقالوا لى: "الدواء بالطلب لما تعوزه ابقي انده نجيبهولك"، قلت للظابط و
الأمين: "إحنا بننده بالساعة على الحمام أمال لو ندهت على الدواء"، أنا مش داخل من غير بالدواء بتاعى، واللى يحصل يحصل".

" فما كان من أمين الشرطة إلا إنه زقنى، رحت منزل إيده وقولت له متمدش إيدك، ودخل الكابتن للسيد أبو رواش وهدى الموضوع وقال أنا هاجيب لك دواك، ودخلت على هذا الأساس".
" الساعة 6 تقريباً أم عبدالمنعم كانت واقفة بره منتظرة تدخلنا الزيارة راحوا ممشينها برة القسم خالص ولقيت حوالى 6 مخبرين مباحث و3 ظباط فتحوا علينا الباب وراحوا مطلعينا برة ونزلوا فوقينا ضرب أنا وإبراهيم وعبدالمنعم وأنس وعمرو خطاب واتنين كمان ولما سألوا مين فيكم اللى تنح للظابط قاله وشاور على إبراهيم.. نزلوا في إبراهيم ضرب ونيموه على بطنه وداس على رقبته بالجزمة وبهدلونا و اتكلمت مع الظابط".
"بعد كدا بقوله أنا اللى تنحت مش إبراهيم قالى ما أنا عارف بس مكانش ينفع إنى أقول عليك لأنك تعبان ضابط المباحث وهما بيضربونا أغمى عليا أنا وأنس من كتر الضرب ولما فوقت بقول لواحد فيهم ليه بتعملوا فينا كدا؟ قالى مزاجي "
"ملحوظة رفعوا الكاميرا علشان متصورش اللى حصل، انا طلبت أقابل المأمور أوالنائب أو اطلع لرئيس المباحث بس مفيش استجابة برجاء إبلاغ النيابة وعمل اللازم ومتعديش النهاردة إلا وواحد من المحامين يكونوا عندي واطلع للمأمور واقلب الدنيا."
كلم أمنية وخليها تكلم جورج إسحاق والمجلس القومى لحقوق الانسان وتبلغ الوزارة باللى حصل وابعت فكسات للسيد مدير الأمن و السيد وزيرالداخلية وتلغرافات للمحامى و النائب العام أرجوكم متعدوش اليوم .. أرجوكم للأسف معرفش أسماء الضباط لأنهم جايين جداد أول مرة اشوفهم لو جورج إسحاق بره مصر كلمي محمد إحسان عبدالقدوس ".
عمر، إبراهيم، أنس، عمر خطاب

رأيت الليل " بعد المغرب مباشرة " منذ أيام فحمدت الله حمدا كثيرا وتذكرت ان طيلة حياتى الماضية ما حمدت الله علي الليل والنهار ! فكرت في الأمر حينا فوجدتنى اتقلب في نعم الله دون حمد مني ولا شكر ! فالحمدلله الحمدلله الحمدلله . لا تنسوها ابدا ... الحمدلله .

"كيف تحيا مصر؟"

بالحوار والمعاشرة، تتكشف النوايا وتتعرى الأدمغة وتظهر الأفكار مجردة دون تزيين أو تزييف، فبالحوار ترقى شعوب وتندثر أخرى، وتصعد أمم وتهوى أمثالها، ولكل حوار زمان ومكان ومستوى، وهي عوامل لا تقل أهمية عن المتحاورين أنفسهم، ومستواهم الثقافي ودرجاتهم العلمية، فلربما دار حوارٌ بين أهل علمٍ في زمنٍ كَثُر فيه التعريض بهم والتعارض معهم، والتعرض لهم، فما نالوا من حوارهم إلا جفاف حلوقهم وتكبيل أياديهم واعتزالهم .
ما دفعني أن أكتب ما كتبت، هو حوار دار، تجمعت فيه ما تبقى من أمتنا من رساخة عقول ، وتدافعت فيه الحقائق والوقائع حول ما آلت إليه أحوال البلاد والعباد، وانعكس فيه ما بأنفس أطرافه من إيمان بما هي في سبيله ماضية ، حوار تكشفت فيه النوايا ، وتعرت فيه الأدمغة وظهرت فيه الأفكار مجردة دون تزيين أو تزييف ، فدعك من الزمان ، فالزمان في هذا المكان لا يعني الكثير ، ف في السجن فقط ينعدم الزمان .
المتحاورون على قدرٍ من العلم والمستوى الثقافي والاجتماعي ما يؤهلهم لأن يكونوا معتقلين ، في زمن اختلال الموازين وعصر المعرضين والراقصين المهللين ، مهندس ، ورجل أعمال ، و أنا صحفي ، ويدور الحوار حول زميل في سجن آخر ، حاصل على الثانوية العامة قبيل اعتقاله بنسبة 99.8 % ، هؤلاء هم أطراف الحوار العفوي الذي استغرق تماما نفس الزمن الذي ستستهلكه في قراءته فإليك الحوار :
هو ع.ج جاب كام الثانوية يا جدعان ؟ ، يسأل المهندس رجل الأعمال : 99.8% أنا : ما شاء الله ، ده على كدة دخل كلية ايه ؟! رجل الأعمال : لا ، أظن لسة مقدمش في كلية ، بس هتكون ايه يعني ؟ يا هندسة يا طب على حسب علمي ولا أدبي . المهندس : لو وصلتله أو حد وصله ، يقوله يدخل هندسة المنصورة ميدخلش طب المنصورة ولا أي هندسة تانية .
أنا : اشمعنا يعني ؟ هي عشان كليتك يعني ؟!! المهندس : لا يا سيدي ، بس إدارة الكلية عندنا كويسة ، يعني بتقف جنب المعتقلين وبتسمحلهم يمتحنوا وهما في السجن ، ده غير إنه لو خرج واعتقل تاني وللا حاجة الكلية بتسمحلوا يمتحن عادي جدا، وده مش هتلاقيه في أي كلية تانية !! أنا : لا يا راجل ؟!!! هي بقت كدة ؟ والله يا سيدي على أيامي كانت الكلية بالمجموع والرغبات مش بالإدارة والاعتقالات ؟! يعني أنا أجيب مجموع زي ده ، ومدخلش الكلية اللي بحبها عشان ادارتها وحشة ؟! ايه ده يا جدعااااان ؟ احنا وصلنا للدرجة دي ؟!
المهندس : هههههههههههههه ، كان زمان الكلام ده ، دلوقتي يا فرحتي دخلت الكلية اللي بحبها بس ممنوع من امتحاناتها ولا خرجت مثلا وبلغوا اسمي للأمن ، كل شوية يقرفوني ، على ايه يا عم ، واحد بمجموع زي ده دماغه هتشغله في أي كلية وهينفع في أي كلية ، يبقى أنا أشوف المرحلة اللي احنا فيها واتعامل على أساس احتياجاتها .
هكذا إذاً أصبحت تدور الأمور ، هكذا إذاً أصبح تحصيل العلم في بلادنا ، بكل بساطة ، ادخل الكلية التي ستسمح لك مستقبلاً بدخول لجان امتحاناتها إذا ما طالت بك مدة الاعتقال أو قصرت، فما لا يدرك جُله _كله _ لا يترك كله ، فإن تحصل على درجة علمية على غير هواك ورغبتك خيرٌ لك من أن لا تحصل أبدا ،هكذا إذاً أصبحنا نفكر ؟! أقدر تماماً من يتخذ قرار استكمال دراسته الجامعية أو الثانوية أو خلافهما وهو قيد السجن أو الاعتقال، أيًا كانت الأسباب، و كُثرٌ هم، فلا مانع من أن تستغل وقتك وعمرك فيما قد يفيدك مستقبلاً إذا ما نلت حريتك ، بل هو شيءٌ مطلوب ومحمود، أما ما أقف أمامه تعظيمًا وتبجيلاً هو أن تبدأ بتعلم علم جديد تماماً عليك ، وأن تطرق باباً لم يُفتَح لك وأنت حرٌ طليق، ٍوبيدك كافة الصلاحيات والإمكانيات، فتقرر أن تطرقه وأنت مكبل اليدين ومعصوب العينين، مسيرٌ لا مخير، لا تملك من أمرك شيئا، ضارباً بكل ذلك عرض الحائط، مصرًا على أن تفتح آفاقًا جديدة لعل الله ينفع بك .
كم خسرت مصر من العقول في محنتها هذه؟ كم من الأجيال تتابعت في الزنازين؟ ومن أجل ماذا؟ وماذا كسب من أغلق عليهم أبوابها؟ ستدور الأيام حتمًا فهذه سنة الله في كونه، وستُشرق شمس أجيال انتزعت العلم انتزاعًا، ورفضت أن تُعَلَب أو تُصَنف أو أن يُزَج بها في دورٍ سقيم في مسرحيةٍ هزيلة تحت اسم ( تحيا مسر ) ، فمصر لن تحيا إلا إذا كان لهؤلاء دور البطولة .
سجن جمصة المركزي الأربعاء
26/8/2015
عمر عبد المقصود

الآلهة لا تقرأ .
دخل الإله الكبير إلى العنبر يرافقه وفد عظيم من آلهة أقل منه رتبة ، وقف عند الباب الخارجي ليلقي نظرة حول محيط المكان ثم بدأ في إلقاء الأوامر الإلهية إلى الآلهة الأقل منه رتبة وسط صياحه وسبابه للجميع ، اقطعوا الأشجار المحيطة بالمكان اخلعوا أي نباتات موجودة في هذا المكان من الآن غير مسموح بأي شكل من أشكال الحياة، شددوا الحراسة على الأبراج ، اجعلوا الأسوار اكثر ارتفاعًا، أين التشديد الذي أمرتكم به من قبل أيها الحمقى ، لن أغفر لكم أبدا .
اقترب مني الإله الكبير وظل ينظر لي لفترة من الوقت والكل صامت ، كانت نظراته مليئة بالغضب والغيظ والكراهية ، يود لو يفتك بي بأسنانه ولكن يبدو أن هناك ما يمنعه من ذلك قطع الصمت فجأة وسألني بصوته الأجشّ المحشرج المخيف : أصحيح أنك قلت إن هناك ثورة قادمة على السيسي ؟!!
قلت : لا أعتقد أنى قلت هذا، فأنا لا أعلم الغيب ولا أعلم إن كانت هناك ثورة قريبة أو بعيدة ولا أضرب الودع ولا أفتح المندل لأعلم ولكن رأيي الشخصي فعلًا أن السيسي يسير على طريق مبارك ويفعل ما فعله مبارك وربما أسوأ وهذا أدى من قبل إلى ثورة وربما ....
قطع الإله الكبير كلامي وهو يصيح بصوت أكثر غضبًا : أنت ليس لك حق أن تقول رأيك من الأساس ، أنت سجين ، عبد لدينا ليس مسموحا لك أن تقول رأيك ، بل ليس مسموحا أن يكون لك رأي أو تفكير من الأساس ، وعموما لا يهمني رأيك، كل ما يهمني أن أعلم كيف خرج رأيك رغم كل هذه الحراسة ورغم كل هذه الأسوار !!
قلت له : لا أعلم ولكنه رأيي .
ازداد غضبًا وصياحًا وازداد وجهه احمرارا واقترب مني وهو يضغط على أسنانه قائلا : لا تعلم ؟!!
جميل جدا ، سأجعلك تعلم ، أنا لا يهمني رأيك ولكني سأجعلك تعلم وتعلم أشياء كثيرة ، أولها أن تنفذ تعليمات الآلهة مهما كانت غريبة أو غير منطقية أو تخالف القانون أو اللائحة أو متعارضة مع الإنسانية والعقل والمنطق ، ثانيها ستتعلم كيف تعلم .
تركني الإله الكبير وانصرف فجأة وهو يكيل بالسباب للجميع ، لحظات وانقض عليا الآلهة الصغيرة التي كانت ترافقه وبدأت مباراة تمزيق وتدمير ومصادرة كل ما أملكه في هذا المكان ، وبعد فقره التجريد قال لي أحد الآلهة المحليين في طروادة : هذه مجرد «قرصة أذن » وبعدها سنرى ماذا سيحدث .
انصرف كبير آلهة طروادة وهو يعطي أوامر إلاهية لأتباعه : اتركوا له مروحة حتى لا يموت من الحر مثل الذين ماتوا هناك منذ أيام بسبب الحر ، واتركوا له بعض الملابس وبعض الاطعمة حتى يعلم أن رحمتنا وسعته .
نظرت إلى أكوام الحطام ثم حفرت مكانا لي لأنام فيه وسط تلك الفوضى في مكاني الضيق لكن فى الصباح قامت القيامة ، وحضر الإله الأعظم للسجون ، إنه الإله الأعظم والأطول الذي ترتعد فرائض باقي آلهة السجون عندما يذكر اسمه ، فما بالك عندما يسمعون صوته الرعدى ، وما بالك عندما يرونه وهو يطلق الشرار من عينيه ويصرخ فيهم جميعا !!
ولأن إله السجون الاعظم طويل جدًا وقد يصل طوله إلى السماء فقد اضطر للانحناء عند دخول العنبر الذي أقيم به ، ربما اقترح بعض الآلهة إزالة السقف ولكنه رفض لأنه مستعجل فلديه زيارات لمساجين سياسيين آخرين لينكل بهم و ......
سألني الإله الأعظم نفس الاسئلة التى سألها الاله الاكبر في اليوم السابق ، وأجبت نفس الاجابات وعلق نفس التعليقات أنه لا يهمه رأي العبيد السجينات والسجناء مثلى ، أو كل ما يهمه هو كيف خرج رأي من السجن رغم كل الحراس والاسوار العالية ، ألم يفلح معك الحبس المشدد والعزل ؟!!
سألني : ما هي مدة حبسك ؟!
قلت : ٣ سنوات .
قال : كم قضيت منها ؟!
قلت : 20 شهر .
قال لي وهو يصيح بصوته الذي يشبه الرعد و ينظر الي بعينيه التي تطلق الشرر : إذا متبقي لك 16 شهر ، وأعدك أن يكون كل يوم في ال 16 شهر القادمين أسوأ من اليوم الذي قبله ، فأنا لا يخرج من عالمي أي رأي ، ما حدث أمس من تجريد هو «قرصة ودن » وما سيحدث اليوم هو استكمال قرصة الودن .
سألته : وهل كنت أعيش من قبل في جنه الله في السجن ؟!!
ما الفارق بين التأديب وبين ما أنا فيه غير المروحة والسرير والحمام ؟!!
أنتم تمنعون عني تحديدا كل أنواع الصحف والمجلات والمراسلات والتلفزيون منذ 20 شهرا رغم أنها متاحة لباقي العبيد في السجون ، وكان رمضان الماضي هو الأسوأ في حياتي ، وألغيتم صلاة الجمعة بدون سبب ، وكان اسبوع العيد بالكامل في الحبس الانفرادي بدون أن أرى الشمس وحتى بدون أكل وشرب غير العيش الميري ، وبالأمس صادرتم كل متعلقاتي الشخصية ، ما هو الأسوأ الذي تتحدث عنه ؟!!!
انحنى أكثر ليزداد وجهه اقترابًا منى وهمس قائلا : أعدك أن يكون كل يوم قادم ستقضيه في عالمى هو الأسوأ من كل ما سبق ، أنت لم تر شيئا بعد، أنا لا يتسرب من عالمي رأي .
انصرف الإله الأعظم وتبعه سريعًا باقي الآلهة الأكبر ثم الكبير في طروادة ثم باقي الآلهة الصغيرة ، ثم بدأ العمال في قطع الأشجار وسد أي فراغات في أي مكان وتعلية الأسوار أكثر وأكثر .
نظرت حولي فوجدت أحد الآلهة الذي يبدو عليه بعض الطيبة المصطنعة ، فسألته : هل قرأ الإله الأعظم أيا من آرائي ؟ هل يعرف ما قلت ؟ هل قرأ شكواي من المعاملة سابقا ؟
نظر إلىّ الإله الذي تبدو عليه الطيبة المصطنعة ، وصاح بى باستنكار وسخرية : هل أنت أحمق !!
هل تقرأ آلهة السجون !!
إنّ الآلهة لا تقرأ .

أرانـا فـي الـثلاثَةِ مِن سُجـونٍ*. . . حياةً نـبـتـنـيهـا في الـجُـدوثِ
لَصــْنــدوقٌ بـيـــمٍّ فــي بــلادٍ . . . غَدَتْ قَصْـراً لِفرْعـونٍ خَـنـيــثِ
نُـرَّبـى قُــربَ مِـنْ قــادَ حـربــًا . . . لِيَــذْبَـحَ بَـيْـنَـنَا شَـبَـحَ الوَريثِ
مُصابُ الجسمِ بالأعداد تقوى . . . مَنَـاعـتُـهُ مـن الـداءِ الخــبـيثِ
يــطـوفُ بـغـابَـةٍ حُـفَّتْ حـتُوفا . . . فـكُـلٌّ الـغــابِ عُــرْنٌ للــيــوثِ
يُـعـافى خـائـضُ الـدُنيا طـوافًا . . . ويُفنى الراكنونُ إلى المُكــوثِ
أرَانا فـي الـثلاثَةِ مِـنْ ظـلامٍ . . . حبيسًا في حَبيسٍ في حَبـيسِ
ظلامُ الليلِ حولَ ظلامِ بـحـرٍ . . . وحـــوتٍ حــولَـنـا وبــلا أنــيـــسِ
ونَحنُ إذا اعْتَزلْنَا القـومَ ليـلًا . . . فــعُزلَــتُــنــا مــنــارٌ للــنـفـــوسِ
دعوناهُمْ وَجَدْنا الجمعَ بيـنَ . . . كَــفـــورٍ أو ظُـــلــومٍ أو يَـــئْـــوسِ
دعـونَـا ربَّـنـا فـأجــابَ وَعْـدًا . . . بقُرْبِ الصُبْحِ مُبْتَهِـجَ الـشُـمـوسِ
لَـرُبَّ بــأربَـعَــا سُـفنٍ رمْتـنا . . . لِنَنْجُوَ وهْي غَرْقى في الخميسِ
أرانَا في الثلاثّةِ مِنْ نُـدوبِ . . . فغـوصـي يا جـراحُ هُـنا.. وغُـوصي
لَحِقْدُ الإخوةِ/الأعداءِ جُــبٌّ . . . عَـمـِيـقٌ حَــاجِـبٌ حـتَّى الـبصيصِ
وأسْــرٌ فـي أيـادٍ شَـرَّدَتْـنـا . . . نُبَاعُ ونـُشـْتَـرى مِـنْ ذي الُلصوصِ
وكــيــدُ تَــرَّبُـصٍ إذ راودَتْـنـا . . . رَفـضـنـا فــتـنـةَ الـدُنـيـا الـرخيـصِ
ثلاثٌ يا أبي سَبقَنْهُ سِجناَ . . . وَغُـصَّـةُ بُـعْـدِنـا أقــسـى غُصـوصِ
أبي عيناكَ لن تَبيَّضَ حُـزنا . . . سَتُبْـصِرُ في خطـابـاتـي قـَمـيصي
____________________
* "أراني في الثّلاثة من سجوني، فلا تسأل عن الخبرِ النّبيثِ
لفقدي ناظري، ولزومِ بيتي، وكونِ النّفس في الجسد الخبيثِ"
النبيثِ: أي الحقيقي, أبو العلاء المعري, الشاعر, المفكر, الأعمى
أبو العلاء المعري المُبصِر, رهينُ ثلاثة سجونٍ: فقد البصر, اعتزال الناس ولزم منزله وسجن الروحِ في الجسد المادي والمقطع معارضة وتنويعاتٍ على نص أب العلاء.
____________________
مقطع من نص "الرقيم"
محمد فوزي

مَطَرٌ
وَنحن في الفَنَاءِ لِوَحْدِنَا
أغْمِضْ جُفُونَكَ واسْتَمِعْ
دقَّاتِ مُوسيقى المطَرْ
افْرِدْ ذراعيكَ
احْتَضنْ قطراتِهِ..
اهمسْ لها غَزَلاً وحاصِرْها ودُرْ
واقفزْ لِأعلى
كي تُدَغدِغَ الغيومَ
فَالغيومُ صبيةٌ وَكُلَّما دَغْدَغتَها
ضَحِكاتُها مطراً إليكَ سَتَنْهَمِرْ
هذي السماءُ أُمُّنَا
غَفَرَتْ مُشاغَبَاتِنا
جَاءتْ تُداعِبُنا وتغسلُ رُوحَنَا
سُتْراتُ سِجْنِكَ شَائِكاتٌ
فاخلعْ السُتْرَاتِ.. ماذا تَنْتَظِرْ؟
[في غفلةِ الحُرَّاسِ حينَ تَخبَّأوا..
وقتَ الْمَطَرْ
فَهُمُ حديدٌ مِنْ مياهِهِ يصدأُ
خافوا المَطَرْ
اللهُ يَسْمَعُ ما تَشاءُ قُلْ لَهُ
تَحتَ المَطَرْ
واركضْ فإنَّ لنا الفِناءَ كُلَّهُ
يَحْيَا المَطَرْ]
مَطَرٌ على رأْسي ورأسِكَ
تَهْدَأُ الأفْكارُ فينا
يا ابنَ أُمي.. فاسْتَرِحْ
ولا تُعِرْ للكَونِ بالاً أو نَظَرْ
مَطَرٌ على أُذْني وأُذْنِكَ
مُشَّبَعاً بأغنياتِ طُفولةٍ
لولا الغناءُ لَجَعَّدَ الروحَ الكِبَرْ
مَطرٌ على جِسْمي وجسمِكَ
نحنُ من ماءٍ وَعُدْنا
كم بدربَينا ابْتَعَدْنا
في مفارقِ الْقَدَرْ
ولكمْ فخاخٍ قدْ وَجَدْنا
في الدروبِ وكَمْ حُفَرْ
الآنَ في الماءِ اتحدْنَا
هل يُوَحِّدُ البَشَرْ
غيرُ المحبةِ يا ابن أميَ
والدماءِ.. والخَطَرْ؟
مطرٌ على أقْدامِنا
هذي الخُطا ككلِّ شيءٍ
سوفَ يَطويها الزمنْ
وتصيرُ ذكرى.. من شَجَنْ
لكننَا
فرحاً سَنُبْعَثُ راكضينَ دائماً
ومعًا نُغَني يا ابنَ أُمي كلَّمَا..
سَقَطَ المَطَرْ
يَحْيا المَطَرْ
رَجِعَ الشِتاءُ إلى شواطِئِنا
غداً..
موجُ الشتاءِ سَيَنْحَسِر
الدهرُ بحرٌ هادِرٌ
يمتدُّ يُلقف ما استطاعَ
ويَبْلَعُ الأحداثَ ثُمَّ يَنْجَذِرْ
نبني مدائِنُنا رمالَا
نَمْزِجُ الرغباتِ والقدراتِ
فيها.. والخيالَ
نقومُ نحرُسُها ليالينا الطوالَ
ثُمَّ نغفلُ موجةً..
مَعَهَا مدائِنُنَا الحَبيبةُ تَنْدَثِر
وَنَظَلُّ نبني
لا البحارُ تاركاتٌ ما بَنَينَاهُ لنا
ولا عِنادُ الطِفلِ فينا يَنْكَسِرْ
ومن العنادِ لَحِكْمَةٌ فِطْرِيَّةٌ
كحكمةِ النملِ الذي
يحيا ولَو ما بينَ جَنْبَاتِ الحَجَرْ
مازلتُ أذكرُها
صديقتي الحكيمةَ نملةً
أولى زَنازن رحْلتي
قد جمَّعَتْنا ذاتَ يومٍ في سَمَر:
أهلا بضيفَتِنا الجَديدةِ
أعتذرْ
عن لفظ "ضيفَتِنا" فإني
لستُ أدرى أنتِ أنْثى أم ذَكَرْ..
يا حبَّذا.. لو كنتِ أنثى حبَّذا
ما مِنْ سجينِ ها هُنا
إلَّا ومُحتاجٍ لأنثى تستطيعُ سَمَاعَهُ
فَقَطْ سماعِهِ يبوحُ بلا ضَجَرْ
عَذراً على سوءِ الضيافةِ
إذ شَغَلتُكِ يا صديقتي
سريعاً في مشاكِلِنا العميقةِ
سامحيني..
واقبَلي هديَّتي
حباتِ سُكَّري القليلِ المُدَّخَرْ
ولسوفَ أَشرَبُ شايَ يومي
دونَ سُكَّرٍ لأجلِكِ
لا عليكِ
فَنَحنُ صِرْنا أصْدِقاءً
فَلْنُساعِد بعْضَنا على احتمالِ
جوَّ هَذِهِ الزنازنِ القَذِرْ
حَبَّاتِ سُكَّرٍ.. خذي ما تأخُذينَ
بدونِ خوفٍ.. أو حَذَرْ
خذي لكلِّ رفاقِ جُحْرَكِ
فَالبشرْ..
ليسوا قُساةً كُلَّهُمْ
فتصرفي كما ببيْتكِ
واهنأي بالليلِ يا صديقتي
-برغْمِ أسلاكِ الشبابيكِ السخيفَةِ-
اهنأي بالليلِ والنجومِ وَحْدَكِ والقَمَرْ
سأنامُ..
حيثُ لدي –مثلَكِ- باكِراً
مهامُ إعداد الطعامِ للرفاقِ
إذا أُتِيحَ لنا غداً
من ذلِكَ السَجَّانِ ذي الوَجْهِ العَكِرْ
فَلْتُصبحي
على بلادٍ لا تُطاردُ أهْلَها
ولتُصبِحْي على بلادٍ مِنْ شَجَرْ
فيها شقوقٌ من حنان
حيثُ تَأوي نَمْلَها
فيها لِطَيْرِها عشُوشُ
فلتُصْبِحِي..
على..
على..
وغَفَوْتُ لَمْ أُكْمِلْ لَها
وَعيي تَفَتَّتَ مِثْلُ كَسَراتِ الرغِيفِ
النومَ بَلَّلَهُ يَبُوشُ
ورأيتُها
وجموعُ نَمْلٍ حَوْلَهَا
بِمَشْهَدٍ مُكَبَّرٍ
أكادُ ألْمَحُ وَجْهَها
والكُلُّ مُرْتَبِكٌ يجيشُ
وَهِيَ الوَحِيدَةُ التي
وَقَفَتْ تُنادي بَيْنَهُمْ
تبدو كثائِرٍ بميدانٍ
سيَيُعْلٍنُ للرفاقِ بيانَ عِصْيانٍ
"بيانٌ مِنْ جُمُوع النَمْلِ"
نحنُ –النملُ- بَنَّائو المدينة
مِنْ زمان..
قبْلَ أن تأتي الحُكُوماتُ/الوحوشُ
مساكِنُنَا بسيطاتٌ
تساعُ ألوفنا دفئا
وتَمْنَحُنا انتماءً للنظامِ
-نظامِنا نحنُ-
الذي عَجَزَتْ تُحاكيهِ الجيوشُ
يَمُرُ الجيشُ بعدَ الجيشِ
يسخَرُ مِنْ ضآلَةِ جسْمِنا
أنْ ليسَ مِثلَ جنودِهِم يكسوه ريشُ
نَعَمْ
لا ريشَ لي كالهُدهدِ العالي
ولستُ كمثل عفريتٍ من الجِنِّ العجيب
لأسرِقَ العرشَ البعيدَ
قُبَيْلَ أن ترتَّدَ للعينِ الرموشُ
لِيسْخَرْ مَنْ سَيَسخَرُ ها هُنا
"يا أيها النملُ ادْخُلوا.." *
واحْموا مَسَاكِنَكُم
لِكي لا يَحْطمَنَّكُمُ الجُنودُ
الحاكِمُ/الخُفَّاشُ أعْمى
لَنْ يرانا إذ يَطيشُ
بيانٌ مِنْ جموعِ النملِ للسُلطان..
بالأسنان
نقرِضُ في عصَاكَ الآنُ
نحنُ –النملُ- من ستُحَطَّمُ التيجانُ
في فكيهِ.. تَنْهَّدُ العُروشُ.
_____________________
* "وَحُشِرَ لِسُلَيْمَانَ جُنُودُهُ مِنَ الْجِنِّ وَالْإِنسِ وَالطَّيْرِ فَهُمْ يُوزَعُونَ (17) حَتَّى إِذَا أَتَوْا عَلَى وَادِي النَّمْلِ قَالَتْ نَمْلَةٌ يَا أَيُّهَا النَّمْلُ ادْخُلُوا مَسَاكِنَكُمْ لَا يَحْطِمَنَّكُمْ سُلَيْمَانُ وَجُنُودُهُ وَهُمْ لَا يَشْعُرُونَ (18)"
[سورة النمل] ..
وتكتملُ القصةُ في [سورة سبأ]
"فَلَمَّا قَضَيْنَا عَلَيْهِ المَوْتَ مَا دَلَّهُمْ عَلَى مَوْتِهِ إِلاَّ دَابَّةُ الأَرْضِ تَأْكُلُ مِنسَأَتَهُ فَلَمَّا خَرَّ تَبَيَّنَتِ الجِنُّ أَن لَّوْ كَانُوا يَعْلَمُونَ الغَيْبَ مَا لَبِثُوا فِي العَذَابِ المُهِينِ(14)"
كان نبيُ اللهِ سليمانُ ملكْا دائمَ الشُكرِ.. لكنَّ ملوكَ زماننا دائمو الفُجر.. ولمَّا ماتَ, لمْ يوقِظْ المجتمعَ بجنودِهِ وعفاريتهِ غيرُ نملةٍ قارضة.. اللهُ يخبرُنا أنه حتى أعظمَ الملوكِ سُلطانا قد يخرّونَ –بإذنِهِ- من عنادِ نملةٍ واحدةٍ.. نَمْلة.
___________________
مقطع من نص "الرقيم"
محمد فوزي