معالى وزير التعليم العالى اهنئك على منصبك الجديد ،اهنئك تهنئه ممن كان باب مكتبك مفتوح له فى اى وقت ،يسمع لكلامه،وينفز اغلب ما يطلب ثم كان ماكان وصار الحكم للصوص والقتله فكنت كما عودتنا عبدا لكل حاكم فصلتنى من كلية الصيدله عن طريق ادارتها فصلا دراسيا ثم اهديتنى فصلا بثلاث اسابيع منك شخصيا من الفصل الدراسى الثانى ! ثم فصلتنى من المدينه الجامعيه بعدما سكنتها اربع سنوات متصلة! ثم حررت ضدى وكثير من زملائى المحاضر فى النيابه فاقتحمت الشرطه على اثرإا بيتى! وانا الان فى السجن -والحمد لله- ! ومن قبل ذلك عطلت الاتحادات بشكل غير قانونى على مستوى الجامعه ! ولم يهدا لك بال قط ،دوما تحرض الشرطه على الطلاب او تسب الطلاب او يعتقلهم امنك الجامعى الجبان او تشارك فى اقتراح قوانين جديدة لفصل الطلاب ! احييك ايها الارعن على همتك العاليه -فى الباطل-انت اهل ان تكون فى هذا المجلس بين هؤلاء اللصوص والقتله ،انت منهم وهم منك ! لا يفوتنى ان اطمئنك اننا لا ننساك ابدا من دعائنا فى القيام وعند الافطار ان يتغمدك الله بعذابه وان يكتبك من اهل ناره وان يجعلك ايه لمن هو مثلك واذكرك يا عبد المنصب انك كنت كالفار فى جامعتنا ،لا تقدر ان تسير فى الجامعه خوفا من الطلاب وابشرك ان غدا اشد واذكى وانك لا محاله ساقط ،ستعزل وتعاقب بما تستحق قريبا جدا ان شاء الله . انت عبد فى وزارتك ونحن احرار فى السجون. محمد عرفات رئيس اتحاد صيدلة المنصورة

مت لا اصل لك, لا أوراق لك, من ينكر ماضيه, لا يعترف بمستقبله

اسم السجين (اسم الشهرة) : ماهينور محمد عبد السلام المصري (ماهينور المصري) النوع الاجتماعي : أنثى تاريخ تحرير أو نشر...

اسم السجين (اسم الشهرة) : محمد مصطفي محمد عرفات (محمد عرفات) النوع الاجتماعي : ذكر تاريخ تحرير أو نشر الرسالة...

اسم السجين (اسم الشهرة) : انس سعيد بسيوني سلامه الهباب (انس سعيد) النوع الاجتماعي : ذكر تاريخ تحرير أو نشر...

عايز تعرف يعنى ايه السجن ؟ الموضوع بسيط ... اقلع كل هدومك والبس كل اللبس الأبيض اللى عندك (لو معندكش اشترى) - ادخل اوضة نومك، اقفل بابك .. ارمى موبايلك والتليفزيون والكمبيوتر والانترنت والـmp3 والراديو، شيل الدواليب والبراويز والسرير والكومود وأى حتة خشب طلعها بره .. اقفل شباكك (سيب فتحة متعرفش توصلها لو نطيت) وحط عليه حديد .. تمام ؟ جهزت المكان ؟؟ لا .. لسه شوية بص لكورنر الاوضة تخيل حفرة، وحنفية على ارتفاع 25 سم .. غطى المكان ده بملاية متعلقة على حبل ... تمام ؟ كده بقى عندك حمام .. كده المكان تقريبا جاهز .. انسى بقى كل حاجتك اللى رميتها من الاوضة دى .. لأنك مش هتطلع منها نهائيًا وهدومك البيضا اللى جمعتها لمها فى كيس أو شنطة (الكيس انضف .. هتعرف ليه مع الوقت(. انسى إن أهلك موجودين بره الباب ده .. مش هتسمع أى حاجة من بره غير تليفزيون على القناة الأولى أو التانية ويمكن قناة النيل للأفلام (يعنى مش هتسمع غير تسلم الأيادى) بس الأكيد إن فى صداع وزعيق وشتيمة من أبشع الشتائم - دى هتبقى واضحة ومفهومة. هتتعرف على أسامى جديدة؛ شفة - بطة - العريان - ضبو - خربوها - .... مش مهم ... كل يوم الصبح الساعة 7 هفتح عليك الباب تطلع الزبالة وهتلاقى شوية طماطم وخيار وعلبة جبنة مرميين على الأرض .. خدهم بسرعة علشان هنقفل الباب .. حاول تكمل نومك .. ساعتين هفتح عليك الباب تانى تخرج بره الأوضة - هتتمشى فى الطرقة ½ ساعة (طبعا مفيش خروج يوم الجمعة ولا أى يوم أجازة) ... تمام ؟ ادخل تانى .. ربنا معاك بقى لتانى يوم الساعة 7 الصبح . أهلك .. فاكرهم ؟ طب الحمد لله هيجولك ½ ساعة كل أسبوع (كانو 10 دقايق قبل كده) مش هتشوفهم كلهم .. هتشوف 2 بس كل أسبوع - ممكن يبقوا بالصدفة 3 بس متتعودش على كده - هيجيبولك أكل .. خلصه فى نفس اليوم علشان لو ركنته هيبوظ من الحر أو الصراصير (متقرفش منهم مش هتعرف أصلا بييجو منين9. أصحابك .. فاكرهم ؟ انساهم بقى ! وقرايبك ونسايبك انساهم برضه .. حاول بقى تستخدم كل شئ حواليك .. اعمل من الصابون لصق، ومن الزيت نار، ومن كرتونة المياه ترابيزة وكرسى، شد حبل فى الاوضة واعمله حبل غسيل ... تمام ؟ انت كده فى السجن فاضل حاجة مهمة مفروض تعرفها ... لو بنتك هتتجوز مش هتحضر فرحها لو أخوك مسافر مش هتودعه لو أمك ماتت مش هتحضر جنازتها شغلك واقف حياتك مجمدة أهلك وحشوك ومراتك هتموت من شوقها ليك ... تماام؟ كده تقريبا شبه السجن .. تعيش كام يوم كده ؟! وافتكر إنك مبرطع فى أوضتك .. معكش 11 واحد كمان فى نفس المساحة ! أنا بقالى 180 يوم كده .. ½ سنة إذا أردت أن تعلم مدى معاناة المعتقلين تخيل هذا الوضع التقريبى وجرب ولو يوم لتشعر بهم .. كم يعانى أصحاب لك من ظلم السلطة ! واعلم إن اللى ايده فى المياه مش زى اللى ايده فى النار.

كان لدي دافعًا قويًا لأكتب عن مأساة ما نتعرض له من سجن دون سبب أو دليل أو أى شئ ... مع استمرار تعنت القانون ضدنا واستمرار الصدمات المتتالية فى قاضٍ تلو آخر وتجاوز الأيام الـ 210 وكأن العمر بلا معنى .. وجدت أن كلامى ليس له معنى بعد رسالة قرأتها هنا فى الزنزانة من بنت صغيرة لأبيها حركت دموعى ودقات قلبى معًا .. كنت أتمنى أن امتلك الجواب لأحصل على صورة ضوئية منه تكون بين أيديكم .. لكن ظروف ترحيل أ. أشرف إلى سجن برج العرب أو البطل كما نادته ياسمين ابنته التى لم تتعدى الـ 6 سنوات بعد حالت دون ذلك .. فنقلت لكم أغلب ما جاء فى خطاب ياسمين إلى البطل .. كما كتبته هى بأخطائها .. وهذا نص الخطاب: ( أبى العزيز الغالى كل ما أملك فى حياتى أنت وحشتنى يا أبى لا تحزن لحصولك على 45 يوم لثالث مرة يا حبيبى. احنا كلنا بندعلك والله وكنت بصوم وادعلك إنك تخرج بالسلامة إن شاء الله ... أنا بحبك أوى يا بابا علشان مفيش حد بيكره روحه أنا لو حياتى حتخرج أقدمها لك ... اكيد انا زعلانة لحصولك على 45 لكن بعمل ايه مافيش حاجة فى ايدنا أنا اللى بيخلينى أبكى انى بفتكر كلمك بشوف صورتك أمامى وبفتكر لما كنت بتنصحنى وتزعلانى واكلنى وطبطب عليه وانا تعبانة ... الحمد لله على كل حال وأنت لما الانسان بتعاب أوى ربنا بيفرجها أنا لم أكن اعرف إنى بحبك كده يا بابا أنا حاسة بيك والله عارف يا بابا لما كنت بتغيب عنى من الفجر إلى العصر كنت بتوحشنى طب انا اعمل ايه الان 8 شهور وبى الـ 45 9 شهور ونص يعنى سنة ونص شهر علشان ماما قالت لى سنة السجن بـ 9 شهور عارف يا بابا أنا حاسة إنى قلبى انكسر عارف لما تحس ان حاجة بعيد عنك لكن شايفها وسمعها وحاسسها انا كده.. عارف انا عندى خروجك بالدنيا كلها ولا عايزة مطروح ولا هدوم عيد ولا اكل ولا اشرب بس احس بقعدتك معنا. هل الجبل يتحمل ما تتحمله أنت يا أبى ؟ Yasmin Ashraf #بنت البطل# حتى لا انسى .. كل عام أنتم بخير - رمضان كريم

وجاءت الاجازة انتهت الامتحانات والعلم الجامعي وبدأت اجازة طويلة ستغلق فيها الجامعه والمدينةالجامعية ، ولكن ... ليس في الحق أجازة ... ليس في الطريق راحة !! وكيف نرتاح وقد قتل من قتل وسجن من سجن والمطاردون والجرحي والمفصولون و... وهل في الدنيا كلها راحه ؟!! راحتنا ف الجنة ان شاء الله !! لا تتركوهم يوما واحدا في راحة انتم الجامعه ، ليس السور والجدران !! انتم من تؤرقون عيون الظالمين ، فاستمروا واثبتوا جاءت الاجازة ليكون يومكم كله ف الثورة واسقاط الانقلاب أعيدوا تقييم انفسكم ، اصلحوا الخلل وانطلقوا . الثورة ليست مظاهرة ... الثورة حياتك ... فكر جيدا ونفذ ... الثورة ليست مركزيه ... ليست حكرا علي أحد . #هنخرج_ونحكامهم