اسم السجين (اسم الشهرة) : احمد ماهر النوع الاجتماعي : ذكر تاريخ تحرير أو نشر الرسالة : 5/23/2016 السن وقت...

في ناس نصيبها من الوطن أوجاع .. الوجع هنا مهما اتوصف مش هيتحس إلا لو اتعاش ، الوهم والتفكير هيقتلوك لو الدخان مخلصش عليك ،سلك الزيارة هو اللي بيشهد على عيونّا بعد ما تسيبونا وتمشوا وبعد ما تاخدوا
شوية الضحك اللي محوشينهم ليكم ، بقينا مصاحبين القضبان والحيطان من كتر اليأس ، كل حاجة محبوسة معانا إلا الصبر علشان كده رحمة ربنا هنا هي النوم علشان لو فايق أمن الولة هيسلط عليك الوقت يعذبك بدالهم. كنا مقصرين زيكم في حق الناس اللي محبوسة لكن أعظم اكتشــاف هتقابله هنا هو إن أصحاب القضية أهم من القضية نفسها.
الروح اللي مستنينها تدبّ في جسم الثورة اللي مات ، محبوسة مع الناس
اللي في السجون ، والفجر اللي بنطلع نموت علشان يطُلّ مش هيطلع إلا لو اللي جوّه معانا في أول صف ، نص التفكير هنا ضايع على " يا ترى لسّه فاكرينّا ؟ ".. اليأس عمره ما كان خيانة .. الخيانة هي التقصير اللي كنا بنعمله. .. الحرية لضمير العدالة قبل ما يموت ، الحرية للنسر اللي متكتف فوق كتوف الضباط عافية ، الحرية للأرقام اللي في كشوف المعتقلات ، الحرية للحضن اللي نفسه يعدي سلك الزيارة ، الحرية للصبح اللي بيتحايل على القضبان يدخل علشان نشوفه ، الحرية لأصحاب القضية اللي اتنسوا. الحرية للحرية .." شوية الضحك اللي محوشينهم ليكم ، بقينا مصاحبين القضبان والحيطان من كتر اليأس ، كل حاجة محبوسة معانا إلا الصبر علشان كده رحمة ربنا هنا هي النوم علشان لو فايق أمن الولة هيسلط عليك الوقت يعذبكبدالهم. كنا مقصرين زيكم في حق الناس اللي محبوسة لكن أعظم اكتشــاف هتقابله هنا هو إن أصحاب القضية أهم من القضية نفسها. الروح اللي مستنينها تدبّ في جسم الثورة اللي مات ، محبوسة مع الناس اللي في السجون ، والفجر اللي بنطلع نموت علشان يطُلّ مش هيطلعإلا لو اللي جوّه معانا في أول صف ، نص التفكير هنا ضايع على " يا ترى لسّه فاكرينّا ؟ "..اليأس عمره ما كان خيانة .. الخيانة هي التقصير اللي كنا بنعمله.. الحرية لضمير العدالة قبل ما يموت ، الحرية للنسر اللي متكتف فوق كتوف الضباط عافية ، الحرية للأرقام اللي في كشوف المعتقلات ،الحرية للحضن اللي نفسه يعدي سلك الزيارة ، الحرية للصبح اللي بيتحايل على القضبان يدخل علشان نشوفه ، الحرية لأصحاب القضية اللي اتنسوا. الحرية للحرية

ابنتي الحبيبة وحشتيني قوي أول مرة متجوليش زيارة كنت قلقان جداً لما عرفت انكو تعبانين أنا اسف ليكو علي تعبكو معايا غصب عني كان نفسي أريحكو ادعولي اخرج بسرعه علشان أعوضكو عن كل لحظة تعب ليكو ..... أول لما خرجت الزيارة ولقيت أختي وأمي فرحت جدا لكن زعلت جوايا علشان مشفتكوش ولما سألت عليكو عرفت أنك تعبانة زعلت قوي ودخلت الزنزانة وانا زعلان صحابي سألوني مالك مرتدتش عليهم وقررت اني ادخل في *صمت*ومتكلمتش مع حر وفضلت أسال نفسي يا تري كل ده بيحصلي ليه. ليه أنا محروم من زوجتي وبنتي ليه انا مش عارف افرح ببنتي ساعات بقول لنفسي ياريتني مكنت اتجوزت ولا خلفت حاسس ان فين ناس فارقيني ملهمش ذنب متبهدلين بسببي مبيفرحوش بسببي أيامهم كلها أسود بسببي فرحتهم مبتجيش ..... لكن والله هما دول اللي مصبرني ومقويني ان ان اشاء الله فرجه قريب وبين كل غمضة عين والتانية ألف فرج .... جويرية خرجت للدنيا بلا (أب) جويرية أيامها وأعيادها وفرحتها ولعبها وخروجها في السجن ...!
أول مرة أسمع من جويرية كلمة بابا.. جويرية لما اديتها الفانوس فرحت أوي و مسكت ايدي و قالتلي "أنا بحبك يا بابا، يلا تعالى"..
و الله العظيم و الله دموعي نزلت مني.. أول مرة أسمع كلمة بابا.. و أول مره تحضني و تبوسني.. أول مرة أفرح و أنا في السجن! لما الزيارة خلصت و جويرية و مامتها مشيت.. و دخلونا "التقفيصة" و جويرية مسكت ايدي من بين الحديد و قالتلي "تعالى يا بابا هنجيب زبادي من عند عمو سيد" استغربت ليه بتقولي كده.. ف سألت زوجتي "هي ليه بتقول كده؟" قالتلي "عشان كل ما تسأل عليك أقولها "بابا في الشغل بيجيب زبادي ل جوري" أنا هموت على بنتي.. جويرية بتكبر كل يوم.. و أنا بموت كل يوم! أنا أسف ليكي يا جوري

"لا أعرف ما الذى يؤثر على الذاكرة أكثر ، هل هو السجن أم الإضراب عن الطعام ؟ أحاول عبثا أن أتذكر كلمات قصيدة لناظم حكمت يقول مطلعها " كم هى جميلة الحياة يا تارنتا بابو " كنت أحفظها عن ظهر قلب وأرددها بين الحين والحين ولكن الآن لا أذكر منها إلا كلمات متقطعة يتعلق بعضها بالاستلقاء على شاطئ البحر ومشاهدة النجوم التى تذخر بها السماء التى كانت صاغية فى ذلك الوقت .أحب تلك القصيدة لأنها تحتفى بالحياة-الحياة التى أحبها وأراها - رغم كل شئ - جميلة بل أرى أن أيامنا الأجمل فيها لم تأتى بعد وأنها آتية لا محألة .
لعلك تتسأل الآن وأنت تقرأ هذة السطور عن كيفية دخول شخص يدعى حب الحياة بهذا الشكل فى إضراب مفتوح وكلى عن الطعام منذ الأربعاء 18 مايو 2016 . أليس هذا تناقض ؟! لا .. لا آراه كذلك على الاطلاق بل هو قمة الاتساق ؛ فأنا الآن أدافع بحياتى عن حياتى ، أقامر بكل شئ من أجل كل شئ.
ومن ناحية أخرى لما يأتى هذا القرار من إحباط أو يأس وإنما الأمل ؛ ذلك الامل الذى يدفعنا إلى استخدام كل اسلحتنا لتحقيق ما نحلم به
وأنا هنا لا أملك إلا نفسى وجسدى لأدافع بهما عن أحلامى ومستقبلى وعن أصدقائى وأحلى ذكرياتى معهم .
لا ادعى أننى شخص قوى وصامد وكل هذا الكلام الرومانسى الذى نردده ونحن على البر دون أن تكون أقدامنا فى الماء كل هذا الكلام الرومانسى يفقد معناه فى السجن ..
يتعرى ويصبح ترديده نوع من الحماقة .
إننى فى اليوم الرابع للإضراب الآن وأشعر بدوار دائم وتسارع فى نبضات القلب مع أى حركة زائدة ووجع فى عظام الأطراف .. كل هذا جراء أربعة أيام فقط .
على كل ، أعرف أن كل هذا سوف يمر تلك الأيام السوداء لن تدوم .
يقول درويش قاطعا " يا دامى العينين والكفين
إن اليل زائل
لا غرفة التوقيف باقية
ولا زرد السلاسل " .
بينما ينهى نجيب محفوظ رائعتة "الحرافيش" بجملة خالدة تقول " لاتجزع قد ينفتح الباب يوما لأولئك الذين يخوضون الحياة ببراءة الأطفال وطموح الملائكة "
أدخل الإضراب على أمل أن ينفتح الباب
سلام

إحنا اللى ملحقناش الاتوبيس, ابتسمت عندما علمت أن احمد ما أطلقهاش علينا .. ولكن فجأة بدأت افكر , كنت تقريبا فى المرحلة الاعدادية عندما شاهدت " احنا بتوع الاتوبيس" , وبكيت عندما شاهدت هذا الفيلم , و كنت أقول بأى عقل أو منطق يتم حبس شخصان لمجرد أنهما تعازما على من سوف يدفع وصل الاتوبيس ! , و لكن كنت اسأل والدى فيقول لى أنه مجرد فيلم ! , و ها أنا أعيش نفس قصة الفيلم الآن
و من الاغرب أنه لم يتحرك أحمد لمساعدتنا ممن بيدهم الامر .
سؤال جاء فى ذهنى .. إحنا هنا ليه ؟! مش عارف أرد , طب بتوع الاتوبيس عارفين هما اتجابوا هنا ليه ؟!
هو فى إجابات ! ..
1-إننا ملحقناش الاتوبيس , 2-إننا حضرنا حفلة يوم الخميس و مروحناش الزقازيق , 3- إننا كنا خارجين العصر .
اللى حصلنا ده ممكن يحصل ليك أو ليها بمجرد أن فيه مظاهرة أمام منزلكم , لا و كمان يتحكم عليكم بـ 5 سنين و 100 ألف جنيه ياخى ***
سبب واحد يخلينا انا و اصحابى نفضل هنا 5 شهور , اه يمكن علشان ضحكنا يوم الخميس الساعة 7:30:45 من غير مانستأذن !
السيد رئيس الجمهورية المؤقت المستشار عدلى منصور ..
السيد وزير الداخلية محمد ابراهيم
السيد النائب العام هشام بركات
طلاب فى كلية طب طب الاسنان فى لجامعة البريطانية , تم القبض علينا أثناء سيرنا فى شارع "نصر أحمد زكى " فى مدينة نصر يوم 2012 ومنزلى متواجد فى هذا الشارع , وكنت أذهب لوالدى لأخذ النقود و الخروج انا و اصدقائى , لماذا نحن هنا ؟! , إننا لم نقم بفعل شىء , هل ممنوع أن يذهب شخص إلى منزله لمجرد أن هناك مظاهرة فى الشارع ؟! .
فى الحقيقة نحن طلاب ليس لنا غير الله , هو الذى يعلم بحالنا , لسنا منضمين لحزب او حركة لتدافع عنننا فى الخارج ..
سيدى الرئيس نحن طلاب ضاع مستقبلهم لمجرد أنهم ذهبوا للخروج فى يوم الجمعة .. نكتة مش كدة !!
-الحمد لله على كل شىء ونحن راضيين بقدرنا و هناك الذى هو أكبر من أى أحد .. الله .. وهو نعم الوكيل
-يلا أهو كام واحد محبوس و خلاص , اعتبروا اى واحد فينا احمد حلمى وهو كل يوم يكتب جواب للرئيس فى الفيلم , اضحكوا و اعتبرونا فى فيلم كوميدىو اضحكوا و خلاص .
سيدنا عمر قال فيما معناه .. لو أن شاه تعثرت فى ارض الشام لسُئِلت عنها يوم القيامة , آه من زمان حقوق الانسان فيه أقل من حقوق الشاه فى عهد سيدنا عمر !
فى النهاية أهو مجرد بوست على الفيس او تويتر وخلاص
و كومنت يقول ربنا معاهم , و التانى يقول " فاكس ادائهم فيك اوى "
لكن شكرا ..
لمن يهمه امرنا , و طلاب جامعتنا المخلصين
ولمن لا يهمه أمرنا , لأنك من الممكن أن تكون بطل فيلم بعدنا , و لكننا لن نكون مثلك
رفعت الاقلام و جفت الصحف
طلاب الجامعة الشرفاء
(حبيب – باسل – حمو – دبور )
لن نقوم بكتابة جواب مرة أخرى ,سوف نرفع أيدينا إلى السماء و نعدو الله , و اعتبرها اخر كلمة مننا لكم
See you later
five years isa

نعلن نحن معتقلو الأرض "25 إبريل" المحكمون بالسجن 5 سنوات على ذمة قضيتي الدقي والعجوزة دخولنا في إضراب مفتوح "كلي" عن الطعام احتجاجًا على الحكم الصادم والمجافي لأبسط معاني العدالة، الصادر بحقنا.
ندخل في إضرابنا بدءًا من اليوم الأربعاء الثامن عشر من مايو 2016 الساعة العاشرة مساءًا، اليوم الثالث والعشرون للقبض علينا وحبسنا دون أدلة أو أحراز.
سبع وأربعون شابًا بينهم العائل الوحيد لأسرته، وآخرين ينتظرون مولود قد يكتب الظلم له أن يولد يتيمًا لـ 5 سنوات. 47 شابًا بينهم المهندس والطبيب والطالب والعامل الذي يقتات رزقه يومًا بيوم. أحلام تنهار ومستقبل على وشك الضياع لمجرد الاشتباه غير المقرون بدليل أو تهم حقيقية.
"ونحن نحب الحياة إذا ما استطعنا إليها سبيلا"
نحب الحياة، وهذا تحديدًا ما دفعنا إلى المضي قدما في هذه الخطوة، فلم نجد إليها سوى هذا السبيل. ندخل اليوم إضرابنا دفاعا عن أحلامنا ومستقبلنا وأيام عمرنا التي يستنذفها السجن دون مبرر.
اتفق المعتقلون الـ47 على الإضراب الكلي بشكل تصاعدي عن الطعام حيث يبدؤه الـأسماء المذكورة أدناة على أن يليهم الباقون تباعًا.
إلى أهلنا وأحبائنا وأصدقائنا: نستمد منكم قوتنا ونصمد بدعمكم، فادعموا موقفنا حتى نكون إلى جواركم قريبا.
الأسماء:
1- ناجي كامل عبد المجيد
2- محمد ناجي عبد المقصود
3- محمود سامي
4- أحمد عويس
5- محمد عبد الواحد
6- إسلام طلعت
7- هشام عدلي
8- ريمون عادل
9- حسن سعد حسن
10- محمد عبد الرازق
على أن يتبعهم بقية المعتقلون الـ47 تباعًا.
الموقعون: معتقلو 25 إبريل، قضيتي العجوزة والدقي الـ47نعلن نحن معتقلو الأرض "25 إبريل" المحكمون بالسجن 5 سنوات على ذمة قضيتي الدقي والعجوزة دخولنا في إضراب مفتوح "كلي" عن الطعام احتجاجًا على الحكم الصادم والمجافي لأبسط معاني العدالة، الصادر بحقنا.