اسم السجين (اسم الشهرة) : احمد الوليد السيد السيد الشال – خالد رفعت جاد عسكر – محمود ممدوح وهبه عطيه ابو زيد

النوع الاجتماعي : ذكر

تاريخ تحرير أو نشر الرسالة : 3/16/2014

السن وقت الاحتجاز: –

الوظيفة – نشاط بالمجال العام: –

مكان احتجاز المرسل : منطقة سجون طرة

ما قتلناش حد، و استحالة نعمل كدا

ما قتلناش حد , و استحالة نعمل كدا ..
إحنا شفنا أسود أيام حياتنا
العساكر و الظباط قلعونا هدومنا و علقونا من إيدينا , و كهربونا ف كل مكان ف جسمنا حتى عوراتنا , و فضلنا متغميين 3 أيام و متكلبشين خلفي , و حتى لنا بنحتاج الحمام بندخل في الوضع دا ..
كان لازم نقول الكلام اللي هم عاوزينه , و إلا كنا هنموت , أو كنا هنتمنى الموت زي ما اتمنيناه كل يوم , و كل الكلام اللي قلناه كان مكتوب على ورق متعلق على خسشب قدامنا , و كان لازم نقوله و إلا هيرجعونا تاني يبدؤوا معانا من الأول
و معلش اللي جاب لكم الورقة دي يا ريت تدوا له 100 جنيه , إحنا وعدناه بيها , دا عسكري غلبان ملوش دعوة بحاجة