اسم السجين (اسم الشهرة) : احمد علي الدين (عليو)

النوع الاجتماعي : ذكر

تاريخ تحرير أو نشر الرسالة : 6/1/2014

السن وقت الاحتجاز: غير معلوم

الوظيفة – نشاط بالمجال العام: طالب بكلية العلوم بجامعة المنصورة – عضو حركة 6 أبريل

مكان احتجاز المرسل : قسم شرطة المنصورة أول

الحمدلله السيسي كسب

الحمد لله السيسى كسب

علمنا أن هناك مؤشرات لفوز المواطن أول عبدالفتاح السيسى بنسبة 96.9 من إجمالى أصوات الناخبين ” حدش شاف حمدين يا جدعان أصله كان بيقول انه عاوز يبقى رئيس ” …

ما علينا عاوزين نهدى علشان نبنى البلد بقى وتزدهر وتكبر وتبقى أد الدنيا ..

يااااه مصر هتقف على رجليها ” تؤتؤ مش هتقف ”

وده ليه بقى ؟!

علشان أنا مقبوض عليا هو انتوا فاكرين إن هتعرفوا تبنوا وأنا هنا أنا مش قليل ..

أنا 22.000 معتقل على ذمة قضايا ملهاش جزء من الواقع

أنا أكتر من 10.000 قتيل دمهم راح هدر

أنا كل أم ابنها فى المعتقل وكل أب ابنه لسه محبوس على ذمة قضايا ملفقة !!

لا تصالح على دمى … لا تصالح على اعتقالى ..

بسم الله الرحمن الرحيم
( وكأين من نبي قاتل معه ربيون كثير فما وهنوا لما أصابهم في سبيل الله وما ضعفوا وما استكانوا والله يحب الصابرين ) .

صدق الله العظيم