اسم السجين (اسم الشهرة) : الشاذلي حسين

النوع الاجتماعي : ذكر

تاريخ تحرير أو نشر الرسالة : 5/28/2017

السن وقت الاحتجاز: غير معلوم

الوظيفة – نشاط بالمجال العام: –

مكان احتجاز المرسل : قسم شرطة الرمل أول

رمضان كريم

رمضان كريم
كل سنة و الجميع بخير و سعادة و تحية تقدير و حب لكل إنسان تضامن معايا أو مع الزملاء أحنا هنا زى الفل و حالتنا النفسية مستقرة صحيح مابنحبش السجون بس مش بنخاف منها كل واحد نزل عشان الحق و كلمته فى وجه سلطان جائر عارف أنه ممكن أى وقت يتقبض عليه و يتلفق له قضية بس الحقيقة ( كيان إثارى ) دى جديدة ممكن نعتيرها داخله لإنتخابات ٢٠١٨ تجربه ممكن أخرج منها و أكمل حياتى فى سكتها و ممكن حياتى تتقلب و أبدأ من الصفر فى الحالتين أنا راضى عن النتيجه و الحمد لله لاقى دعم كبير من رفيقتى و زوجتى اللى كانت بتحلم معايا بحاجات كتير ممكن نكون بدأناها و حتتهد و تتبنى من جديد ،الدولة دى الظلم فيها بقى للركب لدرجه ان انسانه بتعيط فى المحكمة عشان معهاش ١٠ جنيه غرامه لازم تدفعها عشان تروح بيتها الظلم بقى بيعدى قريب مننا قوى خدوا بالكوا و أحسموا أمركم و خليكم ضد الظلم لأنه حيعدى عليكم أو على حد قريب منكم ساعتها مش حتعارف تجادل كل الظلم اللى عدى قدامى فى التجربه دى خلانى مؤمن ان لازم و لابد أن تكون كل السلطه و الثروه فى إيد الشعب
تم النشر قبل 28th M