اسم السجين (اسم الشهرة) : تقوي ناصر

النوع الاجتماعي : أنثى

تاريخ تحرير أو نشر الرسالة : 1/14/2020

السن وقت الاحتجاز: غير معلوم

الوظيفة – نشاط بالمجال العام: –

مكان احتجاز المرسل : منطقة سجون القناطر

كفايه شقى بقى

عايزه اقول ان السجن مش حريه والبراح مش زنازين ، الزنازين ده اللي احنا قاعدين فيها اللي مهما دفيت نفسك فيها هتلاقي البرد جواكي ، دفاكي الوحيد في حضن اهلك وبس ، والبراح جميل والحريه اغلى مانملك واللعب والتنطيط حلوين والسجن وحش ولعنه وساقع اوي وقاسي اوي وبيخلينا نعيط كتير بالليل ومليان صراصير بتمشي علينا من كترها وفيه نمل ابيض بيقرص وفيه خنافس وابراص وسحليات وساعات تعابين ، انا بقيت مصاحبه الصراصير ، المياه هنا سيئه لاتصلح للوضوء ولا الاستحمام حتى