اسم السجين (اسم الشهرة) : عبد الرحمن طارق عبد السميع احمد (عبد الرحمن موكا)

النوع الاجتماعي : ذكر

تاريخ تحرير أو نشر الرسالة : 1/18/2017

السن وقت الاحتجاز: 21 عام

الوظيفة – نشاط بالمجال العام: طالب جامعي

مكان احتجاز المرسل : منطقة سجون طرة

عامل ايه يا اسطى وحشتنى والله

” عامل ايه يا اسطى وحشتنى والله , العيال عاملين ايه ؟؟ مش عارف اليومين دول دماغى بقت مشغوله بالشارع والخروج ليه , مع انى قبل كده مكنتش بفكر …المهم انا حلمت حلم وحش قوى وبطنى وجعانى وقولت لازم احكيلك عليه ..بس ارجوك ابعتلى الرد وقولى الحلم دا ممكن يتحقق بجد ؟؟؟متكدبش على ..اسمع بقى حلمت ان جالى عفو وخرجت انا وطارق مساكن , المهم طلعت ملقتش ولا واحد مستنينى , تقريبا علشان كنت محبوس فتره طويله واتنسيت , المهم روحت مواصلات حتى امى مكنتش مستنيانى , روحت البيت اخواتى وامى فرحوا بى وانا كنت زعلان وجه فى بالى انا اتنسيت قوى كده ؟ بس مردتش اتكلم مع امى اتكسفت منها , وقولتلها انا لو كنت خرجت زمان كان زمان فى ناس كتير مستنيانى …ومكنتش لاقى حد اتصل بيه ينزل معاى .خلصت الحلم انا عارف انه وحش قوى بس معش كنت عايز احكهولك …انتوا فعلا ممكن تزهقوا وتنسونى ؟؟؟ رئيس المباحث هنا مطلع عين امى وعمال يقولى وحياة امك هرحلك زى ما عملت رامى السيد وكل يومين يدخل يفتش اوضتى وياخد منى البطاطين …حاول تكلم نورهان تكلم دومه يبعتلى بطاطين , هو بعتلى جواب قالى لو عايز حاجه قولى بس انا مش بعرف اقابله علشان هو ف عنبر بعيد عنى .”