اسم السجين (اسم الشهرة) : عبد الرحمن طارق عبد السميع احمد (عبد الرحمن موكا)

النوع الاجتماعي : ذكر

تاريخ تحرير أو نشر الرسالة : 3/30/2015

السن وقت الاحتجاز: 21 عام

الوظيفة – نشاط بالمجال العام: طالب جامعي

مكان احتجاز المرسل : منطقة سجون طرة

علي الحلبي

على الحلبى
واحشنى يا اسطى جدا … انا عايزك تريح نفسك انت والعيال شويه عشان انتوا تعبانين قوى عشان خاطرى …بجد انتوا عملتوا معاى اللى معملهوش اخ
بالنسبه لموضوع التعذيب انا انضربت ضرب ميتخيلهوش حد .. انا لسه راجع الزنزانه مع العيال النهارده السبت 28 مارس ….رئيس المباحث بعتولى وشبه بيتحايلوا على ان انا مقولش للزياره الجايه يوم الاتنين .. المهم رفضت انا واحمد جمال زياده واتحولت المناقشه لشبه تهديد ووصل التهديد لتلفيق قضية حشيش … دا غير المعامله الوحشيه لى ولاهلى فى الزياره او عدم الكلام وقالوا هتبقى جميله شخصيه لرئيس المباحث والمامور وهتترد فى حاجات كتير
المهم انا رافض علشان انا اتعرضت لتعذيب كتير متتخيلهوش ..بس انت عارف يا اسطى اخوك راجل
بس هل المجلس القومى يقدر يؤذى الضباط ؟؟؟؟؟؟؟؟؟؟؟؟؟؟
المهم يا اسطى اخوك اتبهدل وخدوا كل هدومى وكل حاجه بتاعتى ونفسى محمد او سيد يكونو موجودين ” قصده مع الزياره بتاعة المجلس القومى “