اسم السجين (اسم الشهرة) : فاطمه نصار محمد ابراهيم نصار (فاطمه نصار)
النوع الاجتماعي : أنثى
تاريخ تحرير أو نشر الرسالة : 11/16/2014
السن وقت الاحتجاز: 22 عام
الوظيفة – نشاط بالمجال العام: طالبة بكلية التجارة بجامعة الإسكندرية
مكان احتجاز المرسل : سجن دمنهور العمومي (الأبعادية)
نداء إلى كل القلوب الرحيمة
نداء الى كل القلوب الرحيمه
بما انى معتقله بئالى 10 شهور عندى مشكلتين
#الاولى .. سنانى الاغلبيه العظمى مكسره وانا حشياها لبان سماره .. أه وربنا لبان سماره
ليه بئا .. لأن فيه اختراع عندنا فى سجن دمنهور اسمه دكتور سنان بس عنده مشكله مش بيعرف يعمل حاجه غير إنه يا يخلع السنان يا إما يدينا بروفين
وانا موش عاوزه كدهون .. وبصراحه سنانى وجعانى بئا خالص ولازم كل يومين أغير الحشو اللى انا مخترعاه
فهل من منقذ ؟؟ !!
بما انكم فى الحريه بئا والمفروض انكم دكاترة سنان .. فأفيدونا بالله عليكم
#الثانيه .. نداء خاص إلى دكاترة العظام .. أيون عارفه انى ما بئيتش نافعه فى حاجه بئا ركبتى بتوجعنى الشمال وامى ربنا يباركلى فيها جيبالى ركبه بلبسها لما بتوجعنى بس بئا اليومين دول وجع غريب
وركبتى بتلوق ( بتعمل صوت يعنى ) اه وربنا بس ده اخر وصف + نبح كدهون غريب
فهل من منقذ ؟!
تريقه موش عاوزين بئا يلا
كتبت لكم المعتقله المكسحه
فاطمة نصار سجن الأبعادية
