اسم السجين (اسم الشهرة) : ماهينور محمد عبد السلام المصري (ماهينور المصري)

النوع الاجتماعي : أنثى

تاريخ تحرير أو نشر الرسالة : 6/10/2014

السن وقت الاحتجاز: 37 عام

الوظيفة – نشاط بالمجال العام: محامية – عضوة بحركة الاشتراكيين الثوريين

مكان احتجاز المرسل : سجن دمنهور العمومي (الأبعادية)

ذكرى مقتل خالد سعيد مرت دون إحياء

ذكرى مقتل خالد سعيد مرت، دون إحياء لها، وفي الوقت نفسه، تم تنصيب رجل من رجال مبارك لحكم البلاد، راجل بيقول إنه حيجيب حق الشهداء، ومع ذلك حاطط آلاف المظاليم في السجون، ولغاية ما يجي حق الشهداء، الثورة مستمرة. “وزي ما قلت في رسالتي الأولى، حتى لو اتأيد حكم الحبس عليا، ولو حتى اخذت حكم حبس جديد، في القضية اللى عملهالي الاخوان ـ احداث قسم الرمل ـ واللي جلستها يوم 16 يونيو، برده حنكمل”. “وعلى فكرة تضحياتنا، لا تعتبر تضحيات، بالمقارنة بآلام وأوجاع الشعب الفقير”. “وبأكد ان عنبر الأموال العامة، اللى انا مسجونة فيه ـ مش زي ما احنا كنا فاكرين ـ للمجرمين والفاسدين الكبار وانما للغلابة المسجونين، عشان ايصالات امانة، وناس غلابة مش لاقيين ياكلوا، عشان كدة نظام زي ده مش حيصمد كتير”. “وأخيرا، أنا رافضة أي نوع من انواع العفو، لأن المفروض ان النظام هو اللى بيطلب العفو من الجماهير، ومش حطلع الا لما يتلغي قانون التظاهر”. ماهينور المصري غرفة 8 ـ عنبر 1 سجن دمنهور 10 يونيو 2014